வரம் வேண்டும்

Suhania · Mar 3, 2010

மடமையில் மூழ்கும்
மாண்புடைய மனிதர்களிடையே
மங்காமல் வாழும்
மகத்தான வரம் வேண்டாம்

பதுமையாக நடந்துவர
பயின்று கொண்டிருக்கும் பெண்களிடையே
பிணியின்றி வாழும்
பெரும்பேறு எனக்கு வேண்டாம்

சிந்தனையில் சிறகடிக்கும்
சிறப்பான சீமான்களிடையே
சான்றோனாக வாழும்
சரசமற்ற வரம் வேண்டாம்

தீந்தமிழ் தேனருந்தி
திசைமாறும் தலைவர்களிடையே
தலை வணங்காமல் வாழும்
தனிப்பெருமை எனக்கு வேண்டாம்

வாளெடுத்து வேரறுக்கும்
வன்மையான வீரர்களிடையே
வலிமையாக வாழும்
விபரீத வரம் வேண்டாம்

கொதித்தெழுந்து கோஷமிட்டு
களம்புகும் காளையறிடையே
களங்கமில்லாமல் வாழும்
கொடும்பெயர் எனக்கு வேண்டாம்

வரம் வேண்டும் ஒரு வரம் வேண்டும்
உன்னோடு நான் வாழும் வரம் வேண்டும்
உள்ளத்தால் உதிரத்தால்
உலகத்தார் போற்றும் வண்ணம் -
என்னோடு என்றென்றும் நீ வேண்டும்

Soldier · Mar 3, 2010

Hi Suhania!

Superb poem with very good messages. If all these boons are granted, no doubt this would be a much better place to live in.

ganges · Mar 3, 2010

arthamulla varigal. Anubhavithu ezhudiyirukkireergal. nandri.

ganges

susri · Mar 3, 2010

Superb poem suhania. keep it up. :thumbsup

natpudan · Mar 4, 2010

சுஜாதா,

இயல்பான வாழ்வினை வாழ,
இயற்கையான வாழ்வினை வேண்டி,
இயற்றிய உங்கள் கவிதை என்றும் படித்து,
இனிமை கொள்ள நாடுகிறேன், ஒரு வரம் வேண்டி.

ktg · Mar 4, 2010

Il-இல் இடம் பெற்ற உங்களுக்கு எங்களின் நட்பே வரமாக கிடைத்தது.... என்றும் உங்களுடன்...

veni_mohan75 · Mar 4, 2010

அன்புள்ள சுஜா,

என்னடா தலைப்பு "வரம் வேண்டும்" - ன்னு வெச்சீங்க. எல்லாமே வேண்டாம், வேண்டாம் - ன்னு சொல்லறீங்கன்னு பார்த்தா கடைசில ஹரி-க்கு தான் இந்த கவிதையா?

"உனது அன்பைத் தவிர உலகத்தில் அனைத்துமே எனக்கு துச்சம் தான்" - ன்னு சொன்ன சுஜாவை எனக்கு ரொம்ப பிடிச்சிருக்கு. இப்படி சொல்ற பொண்ணு கெடச்சதுக்கு ஹரி "என்னதான் தவம் செய்தாரோ ? Really friend I am proud of you.