வண்ணங்கள் ! எண்ணங்கள் !

PavithraS · Sep 18, 2015

வெளுத்த மேகம் கருமை கொண்டால்
வறண்ட பூமி வளமை ஆகும் !

பச்சை வயல்கள் செழித்து வளர்ந்தால்
உயிர்கள் யாவும் உறுபசி ஆறும் !

சிவந்து கைகள் கொடுக்கக் கொடுக்கச்
சுமந்த பாவங்கள் தொலைந்து போகும் !

மஞ்சள் கரைத்து வாசல் தெளித்துப்
போடும் கோலம் சிற்றுயிர் காக்கும் !

நீலக் கடலில் ஆடும் அலையில்
கால்கள் நனைத்துக் குழந்தைகள் ஆவோம் !

வண்ணங்கள் அற்ற வாழ்க்கையில் வெறுமை !
எண்ணங்கள் உயர வாழ்க்கையும் இனிமை !

வண்ணங்கள் காட்டும் மழைக்கால வானவில் !
எண்ணங்கள் கொண்டே வாழ்க்கையில் வானவில் !

Regards,

Pavithra

பி.கு @iyerviji , மாமி, உங்கள் குழந்தை போன்ற வண்ணமயமான ,உன்னத மனத்தைப் பற்றி எண்ணிக் கொண்டிருக்கையில் தோன்றிய கவிதை இது !

என்றும் அன்புடன் ,

பவித்ரா