முதல் தோழி

அலை பேசி அழைக்கையில்
அடுப்பங்கரையில் என்ன வேலை?
அன்புக் கணவரின் கடுகடுப்பு…
-
கல்யாண சமையலா ஆகிறது?
காலையில் இருந்து கிச்சனில்…
கழுத்தை நொடிக்கும் நாத்தனார்..
-
அப்பாவுக்கு வேலையெங்கே – ஆபிசில்
அம்மாவுக்கு வேலையெங்கே – அடுப்படியில்
குழந்தைகளை விட்டே பரிகசிக்கும் மைத்துனர்
-
இவர்களுக்கு எப்படி உணர்த்துவேன்
நீ வெறும் சமையலறையல்ல…
-
திருமண தினம் முதல்
என் தனிமையைப் போக்கி
என் உணர்வுகளைப் பகிர்ந்து
இரண்டறக் கலந்து விட்ட
முதல் தோழி நீ என்று..!

=====================================

>சுதா கிருஷ்ணமூர்த்தி
நன்றி: தேவதை – 16-31,டிசம்பர்,2010