மிகவும் பிடிக்கும்

இனிப்புகள் அவருக்கு மிகவும் பிடிக்கும்.
இதமான வார்த்தைகள் கேட்கப் பிடிக்கும்,
பதமான சூட்டில் காபி குடிக்கப் பிடிக்கும்,
பல மணி இசையில் இலயிக்கப் பிடிக்கும்.

எப்போதாவது கொஞ்சம் தனிமை பிடிக்கும்,
எப்போதும் சிரித்து சிரித்து பேசப் பிடிக்கும்.
இப்போதும், எப்போதும் குழந்தை பிடிக்கும்,
அதன் கையால் உணவுண்ண நிரம்பப் பிடிக்கும்.

என்றுமே பயணம் செய்ய மிகவும் பிடிக்கும்,
பல்வகை மனிதர்களைப் பார்க்கப் பிடிக்கும்,
குறித்த நேரம் உண்கின்ற பழக்கம் பிடிக்கும்,
காலாற நெடுந்தொலைவு நடக்கப் பிடிக்கும்.

எத்தனையோ ஆசைகள் அவருக்கு இருந்தாலும்
வறுமையால் இரந்து பெறும் நிலை அடைந்தாலும்,
புன்சிரிப்பே மாறாமல் தோற்றம் அளிக்கும்,
அவருடனே பேச எனக்கு மிகவும் பிடிக்கும்.
-ஸ்ரீ

 

எப்போதும் சிரிப்புடன் வளைய வரும் ஒரு பிச்சைக்காரரைப் பார்த்து வியந்திருக்கிறேன். அவருடன் பேசினால் எப்படி இருக்கும் என்ற கற்பனையே இது. உங்கள் பின்னூட்டத்துக்கு நன்றி நிம்மி. -ஸ்ரீ

 

உங்கள் பாராட்டுக்கு நன்றி இனியமலர். -ஸ்ரீ

 

Thanks again for your appreciation Nimmi. -rgs

 

உங்கள் பாராட்டுக்கு நன்றி விஜி மேடம். -ஸ்ரீ