நான்கு பருவங்களாக ஓர் ஆண்டைப் பிரித்தால், நான்கு முழு நிலவுகள் ஒரு பருவத்தில் வந்தால், அதில் மூன்றாவது நிலவைத்தான், முன்நாளில், அதி அற்புதமான நீல நிலவு என்று கூறுவார்கள். இரண்டு அல்லது மூன்றாண்டுகளில், ஒரு முறை இவ்வாறு வந்திடும் முழு நிலவே இது; அதனால், என்றேனும் நிகழும் நிகழ்வை, 'Once in a blue moon' என்றே குறிப்பிடுவதும் ஒரு வழக்கம் ஆயிற்றாம்! என்றாலும், இந்நாளில், ஒரே ஆங்கில மாதத்தில் தோன்றும் இரண்டாவது முழு நிலவே, நீல நிலவு! இதன் நிறம் நீலமாக இல்லாவிடில் என்ன? நாமே இதன் நிறத்தை மாற்றிவிடலாம், வடிகட்டியால்! முயலின் உருவம் அல்லது மூதாட்டி உருவம் என, நிலவின் கறையை நினைப்பது மக்களின் வழக்கம்! நிலவு உதயத்தில் நேராக நிற்கும் இவ்வுருவங்கள், நிலவு மறையும் போது தலைகீழாவது மிக அழகே! :thumbsup . . .