தென்னை மரம்

தென்னை மரம்

அந்த மூன்று நாட்களில்
அவள் உபயொகித்த நாப்கினை
அதற்குக் கீழேதான்
புதைத்துப் போனாள் - என் மனைவி

எத்தனையோ ஞாயிற்றுக்கிழமைகளில்
மீன் கழுவிய நீரை
அதன்மீது தான் ஊற்றினாள் - என் அம்மா

இரவில் ஒன்றுக்கு போக
வயிற்றை முட்டியபோது
கொல்லைக்குப் பின்னல் போக பயந்து
வீட்டின் ஓரத்தில் இருக்கும்
அதன் மீதுதான் பெய்வான் - என் மகன்

தனக்கு விழுந்த முதல் பல்லை
அதற்குக் கீழேதான்
பத்திரமாகப்
புதைத்து வைத்திருக்கிறாள் - என் மகள்

இதையெல்லாம் எப்படிச் சொல்வேன்
இந்த வருடம் தத்த திவசத்தின் போது
"இது அவரு நட்டது டா
இதுல அவரு உசிரு இருக்கு "
என்ற என் அப்பாவிடம்

-முத்தாசென் கண்ணா