அழகிய இளவேனிற் காலம்

கதிரவனின் முதல் கிரணங்கள்
தொடும் முன்னே
பறவைகளின் ரீங்காரம்
வந்தடையும் செவிதனை
உறக்கத்தை கெடுத்து !

சிலுசிலுவென வீசும்
குளிர் தென்றலில்
உரைக்காத வெயிலில்
சுற்றி மலர்ந்திருக்கும்
அழகிய மலர்களில்
மனம் மயங்கி
காலாற நடந்திட
இயற்கை அழகு
தன்னாதிக்கத்தை செலுத்தும் !

தூரத்தே இளம்பச்சை மலையும்
பரந்து விரிந்த நீல வானமும்
ஊரெங்கும் பச்சை போர்வை
போர்த்தியது போல்
கொட்டும் மகரந்த மழையும்
சொர்க்கம் தரை இறங்கி வந்ததோ
எனத் எண்ணத் தோன்றும் !

நீர்நிலைகளில் கொட்டிய
பனி கரைந்து
அழகிய வாத்து நாரை
அன்னம் மீன்கள் என
அனைத்து உயிரினங்களும்
ஒன்றாய் கூடும் காலம் !

மூன்றே மாதங்கள்
இச்சிற்றின்பம் எனினும்
மூச்சு முட்ட பருகிட தோன்றும்
இயற்கை எழில் கொஞ்சும்
அழகிய இளவேனிற் காலம் !

 

மிக்க நன்றி பவித்ரா. Glad to receive such a wonderful feedback from you.

 

மிக்க நன்றி GG. கொஞ்சம் வாசல் பாருங்க... ஜக்கம்மா 'நல்ல காலம் பொறக்குது'ன்னு தானே சொல்றாங்க ...

 

உங்கள் அழகிய பின்னூட்டத்திற்கு மிக்க நன்றி. குற்றாலம், மேற்கு தொடர்ச்சி மலை எல்லாம் திரைப்படங்களில் பார்த்தது தான்