ஐ திங்க் ஐ லவ் யூ

"அவன் உன்னை 'லவ் பண்றேன்' சொன்ன என்ன சொல்லுவ?"

"என்ன டீ.. ஏன் இப்படி ஒரு கேள்வி ?"

"ச்சும்மா.. சொல்லு.. அவன் உன்கிட்ட வந்து உன்னை லவ் பண்றேன்னு சொன்னா என்ன பண்ணுவ"

"கார்த்திக் ரொம்ப நல்ல பையன் டீ. அவன் எனக்கு பெஸ்ட் ப்ரென்ட். அப்படியெல்லாம் நடக்காது.."

"ப்ச்.. ஹைப்போதேடிக்கல் கொஸ்டின் சரியா.. சொல்லு.."

"தெரிலையே.. ஹைப்போதேடிக்கல் கேள்வியில ஒரு பிரச்சனை என்ன னா, அது ஹைய்போதேடிக்கல்'னு நமக்கு தெரியும். அதனால அப்படி ஒரு விஷயம் நடந்தா தான் என்னால பதில் சொல்ல முடியும்.."

"சரி, இப்படி வச்சிக்கலாம்.. கார்த்திக்கு உன்னை பிடிச்சிருக்கு. ஆனால் உன்னோட மனசுல என்ன இருக்குன்னு அவனுக்கு தெரியலை. என்கிட்டே கேட்ருக்கான். நான் இப்போ உன்கிட்ட கேட்கிறேன்."

"என்ன சொல்ற.. கார்த்திக் உன்கிட்ட கேட்டானா..?"

"ஹையோ இல்ல டி.. ஒரு வேளை அப்படி நடந்துருந்தா என்ன பதில் சொல்வ.."

"கார்த்திக் ஒன்னும் அவ்வுளோ தைரியம் இல்லாத பையன் இல்ல பா. ஒரு வேளை அவனுக்கு என் மேல லவ் இருந்தா, அவனே வந்து என்கிட்டே சொல்லுவான்.."

------- அன்று இரவு -------

"ஹலோ.. நிம்மி.."

"ஹே கார்த்திக், என்னடா இந்த நேரத்திலே போன். தூங்கலையா.."

"ம்ம்.. வந்து, உன்கிட்ட ஒரு விஷயம் சொல்லணும்.."

"சொல்லு டா.."

"உன்ன எனக்கு ரொம்ப பிடிச்சிருக்கு நிம்மி. ஐ திங்க் ஐ லவ் யூ"

"....."

"நிம்மி..."

"ச்ச.. உன்னை நான் ஒரு நல்ல ப்ரென்ட்'னு நெனச்சேன். கடைசியில நீயும் எல்லாரையும் மாதிரி தான்'னு காட்டிட்ட இல்ல.. இனிமே என்கிட்டே பேசாத.. பை.."

 

Avlodhan