விவசாயி

முல்லையாற்றின் முகப்பு தட்டி
பெரியாத்துத் தண்ணி ஓடி வர,
தண்ணீர் அள்ளி தலையில் தெளிக்க
சனம் அத்தனையும் கூடி வர,
வீட்டுக்காரி தங்கவடம்
சுப்பாஞ்செட்டி அடகுக்கடை சேர,
சீரகச்சம்பா விதைநெல்லும்,
பத்துமூடை உரமும்
தள்ளி வீதி வழி நான் செல்ல,
பொங்கலிட்டு,படையலிட்டு
முதல்நாற்றை வயலில் நட,
பூரித்து தான் நின்றேனே
'விவசாயி' என்ற இறுமாப்பில்.
தென்மேற்குப்பருவக்காற்றின்
தாலாட்டு தலை தடவ,
களை எடுத்து நாத்துநட்ட
எம்பெண்கள் பாட்டுக் கேட்க,
செழித்து வளர்ந்து சிரித்து நின்ற
நெற்கதிர்கள் வயல் நிறைக்க,
அறுவடை செய்தநாளில் நான்
களைத்துத்தான்போனேனே.
'அப்பா' என்றுஅழைத்த மகள்
கலைத்தது என் கனவை அல்ல.
இன்னும் 'நான்விவசாயி' என்று
எண்ணிக் கொள்ளும் நினைப்பையும் தான்.
- சுபாஷினிமகேஷ்

 

மிக்க நன்றி

 

மிக்க நன்றி

 

காற்றை திருடும் கார்ப்பரேட் உலகில் வாழப்போகும் நம் சந்ததியை நினைத்தால் மனம் வலிக்கறது

 

மிக்க நன்றி..