நாங்கள் தமிழர்கள் தான்

பேச்சுத் துணைக்கும், நட்புக்கும்,
நமைப் புரிவதற்கும், வேலைக்கும்,
பிற மொழி கற்பதில் தவறில்லை.
தமிழை ஒதுக்குதல் சரியில்லை.

விருந்து வேண்டும் என்பார்க்கும்,
மருந்தே போதும் என்பார்க்கும்,
அருந்தும் அளவு இங்குண்டு.
இதை மீறும் சுவையும் எங்குண்டு?

எனக்குத் தெரிந்தது கொஞ்சம் தான்
இலக்கணம் கற்றதும் கிடையாது
என நாமே சொல்லித் தவிர்த்திட்டால்
நமைப் போல் அறிவிலியும் ஏது?

நின்றிடப் பத்து மாதங்கள்
பேசிட மும்முழு வருடங்கள்
தமிழ் படித்திட ஆயுள் முழுவதுமே
செலவிட்டாலும் அது தீராது.

எனினும் நமக்கு அது தருமே
பல அரிய பெருஞ்செல்வங்களையே!
எனவே பெருமிதம் கொள்வோமே!
நம் மொழிக்கோர் ஈடு இங்கிலையே!

 

எத்தனை மொழி கற்றாலும்

நம் மொழி மறக்க முடியுமா

ஆரம்பமே அமர்க்களம் நண்பரே

தாய் மொழி வணக்கத்துடன் ஆரம்பித்து இருக்கிறீர்கள்