எதையும் எதிர்கொள்வோம்!

சில சமயம் நாம் மிகவும் அன்பு வைத்தவரே,
நம்மை வருத்தம் கொள்ளச் செய்திடுவர்.
நாம் அப்போது என்ன செய்வதென்றே,
திகைத்திடும் நிலைக்குத் தள்ளிடுவர்.

அன்பாய் இருந்த பொழுதெல்லாம்,
கனவாய்த் தோன்றும் அந்நேரம்.
கானலைக் கூட பார்த்திடலாம்,
அவர் கனிந்து வருவது எக்காலம்?

இக்கேள்வி மட்டும் தங்கி விடும்,
நம் பொறுமை கூட மிஞ்சி விடும்.
சுயமதிப்பை மட்டும் இழக்காது,
நாம் இருக்க வேண்டும் அயராது.

எத்தனை தடைகள் வந்தாலும்,
எவர் காரணமாய் இருந்தாலும்,
வலுவில் சென்று எதிர்கொண்டு
வெல்லும் துணிவு நமக்குண்டு.

காலம் நிச்சயம் மாறி விடும்,
நம் கனவுகள் யாவும் கைகூடும்.
விலகிச் சென்ற உறவுகளும்,
விரும்பி நம் பால் திரும்பி வரும்.

அந்நிலை நமக்கு வரும் பொழுதில்,
நாம் மிகவும் பக்குவப்பட்டிருப்போம்.
இருந்தாலும் அன்று அடிமனதில்,
ஒரு நிம்மதி பரவிடக் கண்டிருப்போம்.
-ஸ்ரீ

 

உங்கள் கருத்துக்கும், பாராட்டுக்கும் நன்றி விஜி மேடம். -ஸ்ரீ

 

உங்கள் பாராட்டுக்கு நன்றி ஜெயா. -ஸ்ரீ

 

உங்கள் கருத்தை ஏற்றுக் கொள்கிறேன் காந்தா. உங்கள் பின்னூட்டத்துக்கு நன்றி. -ஸ்ரீ

 

உங்கள் பாராட்டுக்கு நன்றி லதா. -ஸ்ரீ