ஆமையும், இன்மையும்

குழந்தையில் கல்லாமையும்,
இளமையில் இல்லாமையும்,
நடுவயதில் இயலாமையும்
முதுமையில் தள்ளாமையும்,
வந்தாலும் நாம் சகிப்போம்.

என்றும் முயலாமையும்,
எப்போதும் ஈயாமையும்,
எவரிடத்தும் பொறாமையும்,
எவ்வாசையும் துறவாமையும்,
நமக்கு வர அனுமதியாதிருப்போம்.

என்றைக்கும் இரவாமையும்,
எறும்புக்கும் தீதெண்ணாமையும்,
எவரிடத்தும் கோபமில்லாமையும்,
எவர் குறித்தும் புறம் பேசாமையும்,
நமது கொள்கையென வரிப்போம்.

எங்கும் ஆடம்பரமின்மையும்,
எதிலும் பதட்டமின்மையும்,
எதற்கும் பயப்படாமையும்,
எதிலும் குழப்பமின்மையும்,
நாம் எப்போதும் கொள்வோம்.
-ஸ்ரீ

 

உங்கள் உடனடி பாராட்டுக்கு நன்றி சனா. -ஸ்ரீ

 

உங்கள் கருத்துக்கும், பின்னூட்டத்துக்கும் நன்றி லதா. -ஸ்ரீ

 

உங்கள் பாராட்டுக்கு நன்றி நித்யகல்யாணி. உங்கள் அவதாரத்தில் இருப்பது உங்கள் புகைப்படமா? நன்றாக இருக்கிறது -ஸ்ரீ