1. Have an Interesting Snippet to Share : Click Here
    Dismiss Notice
  2. Would you like to join the IL team? See open jobs!
    Dismiss Notice
  3. What can you teach someone online? Tell us here!
    Dismiss Notice
  4. If someone taught you via skype, what would you want to learn? Tell us here!
    Dismiss Notice

Therintha Sol-theriyaatha Vilakkam

Discussion in 'Posts in Regional Languages' started by jayasala42, Jun 22, 2016.

  1. jayasala42

    jayasala42 Finest Post Winner

    Messages:
    4,818
    Likes Received:
    9,581
    Trophy Points:
    408
    Gender:
    Female
    1.முட்டாள்
    முற்றாள் என்பதே முட்டாள் ஆகி விட்டது.அறிவுக்கே இடமில்லாமல் உடல் முழுதும் வெற்று ஆளாக இருப்பவன் முற்றாள் அல்லது முட்டாள்.கெளரவமாக முட்டாளை முழு மகன் என்றும் அழைப்பதுண்டு.
    2.மாட்டுப் பெண் அல்லது நாட்டுப் பெண்
    மணாட்டுப் பெண் -மணம் செய்து அழைத்து வந்த பெண் என்பதையே குறிக்கும்.வேறு ஊர் அல்லது நாட்டிலிருந்து அழைத்து வந்ததால் நாட்டுப் பெண் ஆகிறாள்,(நாடு என்பது வேறு ஊரைக் குறிக்கும்.வேறு தேசத்தை அல்ல.)நம் வீட்டுப் பெண் போல நடத்தும் பொருட்டு மாற்றுப் பெண் என்பது திரிந்து மாட்டுப் பெண் ஆகிறாள்.
    மாடு என்ற சொல் 'சிறந்த' என்றும் பொருள் படும். சிறந்த பெண் அல்லது நற்குடியில் பிறந்த பண்புள்ள பெண் 'என்று சொல்வதுண்டு.
    .

    3.திரண்டாள்

    மங்கைப் பருவம் அடைந்த பெண்ணை 'திரண்டாள் 'என்று solvathu வழக்கம்.
    • 'தெருண்டாள் 'என்ற சொல்லே 'திரண்டாள் என்று வழங்கப் படுகிறது.தான் ஒரு பெண் என்ற அறிவு வரப் பெற்றவளையே இச்சொல் குறிக்கிறது.

    4.மடம்,பயிர்ப்பு
    அச்சம், நாணம் மடம் ,பயிர்ப்பு என்ற நான்கும் பெண்களுக்கு இயல்பாக இருக்க வேண்டிய குணங்கள்.அச்சம், நாணம் இரண்டும் தெரிந்த சொற்கள்.

    மடம் என்பது ஒரு வகை அடக்கம்.யாரேனும் ஒன்றைக் கூறினால் அதைக் கேட்டுக் கொண்டு அது தனக்குத் தெரிந்தாலும் வெளியே காட்டிக் கொள்ளாமல் இருக்கும் குணம் தான் 'மடம்' என்பது.
    பயிர்ப்பு என்பது பிற ஆடவர் தீண்டினால் ஏற்படும் அருவருப்பான உணர்ச்சி.
    5. பிலாக்கணம்
    பிணக்கானம் எனும் சொல் திரிந்து பிலாக்கணமானது.

    6.பாலாடை

    சாதாரணமாகக் குழந்தைகளுக்குப் பால் போட்டும் சங்கைப் பாலாடை என்று சொல்வது வழக்கம்.
    ஆனால் பாலடை அல்லது பாலோடை என்பதே சரியென்று அறிஞர் கூறுகின்றனர்.பாலைக் குழந்தையின் வாயில் அடுக்கச் செய்வதாலும்,பாலை வாயினுள் ஓடச் செய்வதாலும் பாலடை அல்லது பாலோடை எனலாம்.
    பாலாடை என்பது காய்ச்சின பாலில் படியும் ஏடு
    7. நாவிதன்
    நாவிதன் எனும் சொல் முடி திருத்தும் தொழில் செய்பவரைக் குறிக்கும்.
    இதமான சொற்களைக் கூறித் தன் தொழிலைச் செய்பவர்.கொங்கு நாட்டில் சுபச் செய்தியை அறிவிக்கும் உரிமை நாவிதருக்கு உண்டு.
    சுபமான செய்தியைச் சொல்லும் நாவை உடையவன் ஆதலால் 'நா சுபன்' என்று வந்து பிறகு 'நா இதன்' என்று மாறி 'நாவிதன்'-இதமான சொற்களைக் கூறுபவன்-என்று மாறியிருக்கும்

    8. நாணயம்
    இந்த சொல் ரூபாய் நாணயத்தையும், மனிதனின் நேர்மையையும் குறிக்கிறது.
    நா நயம் என்பதே மருவி நாணயம் ஆயிற்று.நயம் என்பதற்கு 'நீதி' என்று பொருள் உண்டு.நியாயமான சொல்லை உடைமைக்கு 'நா நயம் 'என்று வழங்கி அதன் பிறகு 'நா நயத்துக்குக் காரணமான பண்பையும் குறிக்கலாயிற்று...

    9. தோலான் ,துருத்தியான்
    கண்ட கண்ட தோலான் துருத்தியான் எல்லாம் பெரிய நிலைமைக்கு வந்து விட்டார்கள் என்று ஏளனமாகச் சொல்வதுண்டு.
    தோலைச் சுமப்பவன்,தோலால் ஆன துருத்தியைச் சுமப்பவன் .( சாதாரணமாக செருப்பு தைப்பவர்களையும், ஈயம் பூசுபவர்களையும் குறிப்பர்.
    திருச்சி யில் தோலான் என்பது தோலாடை உடுத்த சிவ பிரானைக் குறிக்கும்.
    துருத்தி எனும் சொல் 'island '-ஆற்றிடைக் குறை யாகிய ஸ்ரீரங்கத்தைக் குறிக்கும். துருத்தியான் அங்கே எழுந்தருளியுள்ள அரங்கனையே குறிக்கும்.என் அம்மா அடிக்கடி சொல்வார்' தோலானும் துருத்தியானும் இருக்க நமக்கு என்ன குறை ? என்று.

    10.தொள்ளாயிரம், தொண்ணூறு,ஒன்பது
    சின்ன வயதில் இந்த மூன்று சொற்களுமே அதன் மதிப்பைவிடப் பெரிய எண்களாகவே தோன்றியது.
    பத்தை விட சிறிய எண்ணை ஒன்பது என்கிறோம்.
    நூறை விடச் சிறிய எண்ணைத் தொண்ணூறு என்று சொல்கிறோம்.
    ஆயிரத்தைவிட மதிப்புக்கு குறைந்த எண்ணைத் தொள்ளாயிரம் என்கிறோம்.
    இலக்கணத்தில் ஒன்பது நூறு என்பது பல விகாரங்களை அடைந்து தொள்ளாயிரம் ஆனதாக விவரம் குறிப்பிடப்பட்டுள்ளது.அதே போல ஒன்பது-பத்து என்பது பல மாறுதல்களை அடைந்து தொண்ணூறு ஆனது.
    ஒன்பது என்ற சொல் மட்டும் பகாப் பதம்.
    ஆனால் மொழி நூல் படி, தொன்மை என்பது பழமையையும்,முந்தியதையும் குறிக்கும்.ஆயிரத்துக்கு முந்தியதாதலின் 'தொல்லாயிரம் 'என்றும், நூறுக்கு முந்தியதாதலின் 'தொல் நூறு' என்று வந்து பிறகு தொள்ளாயிரம், தொண்ணூறு என்று வழங்கப் பட்டது.
    பத்துக்கு முதல் எண் ஆதலால் 'தொன்பது' என்று கூறப் பட்டுப் பின் 'ஒன்பது' ஆயிற்று. தெலுங்கில் ஒண்பதைத் 'தொம்பதி' என்றே சொல்கிறார்கள்.
    குழப்பம் போதுமா?

    Jayasala 42
     
    PavithraS and Agatha83 like this.
    Loading...

  2. krishnaamma

    krishnaamma Moderator Staff Member IL Hall of Fame

    Messages:
    9,962
    Likes Received:
    4,274
    Trophy Points:
    355
    Gender:
    Female
    நல்ல பதிவு :)
     

Share This Page