Chupke chupke raat din uska bartan manjvana yaad hai, Humko ab tak kapdey dhoney ka woh Zamana yaad hai, Dopehar ki dhoop mein kapdey sukhaney ke liye, Woh mera chhat pe bhi nange paoon jana yaad hai, Aa gaya jab sunday ki shab bhi kabhi zikr-e-shopping, Woh mera meri biwi se, ATM card chupana yaad hai, Saas sasur ki doston ab kya sunao dastaan, Sasuraal na janey ka mujhey har ik bhana yaad hai, Daru pee ke jab bhi ghar mein aana para mujhey, Woh mera dantoon taley, ilaichi chabana yaad hai, Dekh liya jab bhi kabhi rastey mein kissi dusri ladki ko, Biwi ke gussey ko dekh ker mera tarthrana yaad hai, Wakt-e-rukhsat office, Ab bhi yaad aata hai Mujhey, Biwi ke purse se car ki chabi churana yaad hai, Second show dekh kar woh mera raat ko ghar der say Ana, Biwi ka gussay se darwaza na kholna yaad hai, Jab Kabhi Itifaqan taway pey roti jal janay par, Woh mera tere belan se sir phorwana yaad hai, Jab kabhi tujh sey teree umar poochnay per who tera duppatay main, Sharmana aur 34 ko 17 bata tey huey muskurana yaaad hai, Apni umar chupanay ke liyah who tera munnay ko peetna, Aur Tujhe Mummy nahi baaji bulanay ko kahna yaad hai, Haftey baad hi muhh utha ker maikey ke liye jana tera, Aur mera ghar mein jhadoo pochaa lagana yaad hai, Khinch lena woh tera salary ka lifafa dafataan, Aur tera beauty parlour pe woh paise udana yaad hai, Yaad hai begum ab bhi woh tera belan se mujhey pitna, Aur baad pitney ke tera woh marham lagana yaad hai, Aaye din saley saliyoon ka aana ghar pe mere, Woh tera unkey samney mujhey murga bnana yaad hai, Shukr hai 'Hum Tum' teri shaadi nahi hui abhi, Shaadi shuda Yaroo ka woh, rona rulana yaad hai