வண்ணத்துபூச்சி சொன்ன ரகசியம் !

அந்தி மாலையில் அழகு மலர்சோலையில் நான்
தென்றல் எனை தொட சென்று அமர்ந்த வேளையில் ,
தானும் ஒரு வண்ண பூவின் மீது
வந்து அமர்ந்தது அதுவும் ..... தன் வண்ண சிறகை அசைத்து
அசைத்து என் எண்ணத்தை கவர்ந்து என்னை
கிட்ட வா என அழைப்பு விடுத்தது..
சரியென்று நண்பன் வரும் வேளை வரை இதனுடனே
அளவலாமே என்று எண்ணி அருகில் சென்று
நலமா அழகு வண்ணத்துபூச்சியாரே என் வினவவும் ....

டக் என பூவை விட்டு என் தோள் பற்றி காதிலே
தன்னை பற்றி பல வண்ண க[வி ]தைகள் சொன்னது ..... அப்பப்பா
அதை நான் உங்களிடம் சொல்லா விட்டால் மிகுந்த தப்பப்பா
நீலமும் பச்சையும் வண்ண மயில் வாரி தந்தாம்
மஞ்சளும் சிகப்புமே செங்கதிர் தான் அள்ளி தெளித்ததாம்
கருமையை கார் முகிலிடம் தான் கடனாய் வாங்கிற்றாம்
வானவில்லையும் என் வர்ணங்களால் நான் வளைப்பேன்
நீ விழுந்ததில் என்ன வியப்பு ?என்றதும் ..நான்

நீ முன்பு இருந்த கூட்டுபுழு உருவ பருவத்தை தான்
மறந்தாயோ என எள்ளி நகை யாட , படபடவென
சிறகை அடித்து பதற்ர்ததுடனே பகர்ந்தது என் காதில்
அவலக்ஷனமும் அழகாய் மாற என் பொறுமையும்
விடா முயற்சியும் ஆண்டவனின் அருளும் தானே
காரணம் என , கூறி அடுத்த பூவில் சென்று அமரவும்
நானும் வாழ்க்கையின் வெற்றி ரகசியம் புரிந்த நிலையில்
கனிவாய் நன்றி தான் நவின்று ..
வீடு நோக்கி பீடு நடை போட்டேன்.!

 

அருமை என்று வாழ்த்து சொன்னதற்கு என் மனமார்ந்த நன்றிகள் !
அஹில் , அது , குணாதிசயம் or பாத்திரம் . ஓகே நொவ் ?