1. Have an Interesting Snippet to Share : Click Here
    Dismiss Notice

மலர்மாலை உனக்கு மலர்ப்பாதம் எமக்கு

Discussion in 'Regional Poetry' started by crvenkatesh, Oct 15, 2015.

  1. crvenkatesh

    crvenkatesh Gold IL'ite

    Messages:
    420
    Likes Received:
    522
    Trophy Points:
    173
    Gender:
    Male
    மலர்மாலை உனக்கு மலர்ப்பாதம் எமக்கு


    நறுமணம் கமழும் மலர்மாலை
    நாங்கள் உனக்குச் சாற்றிடுவோம்
    கருணைக் கண்மலர் திறந்திடுநீ
    காத்திடுவாயே ஸாயி ராம்


    மல்லிகை மாலைச் சாற்றிடுவோம்
    தொல்லைகள் நீக்கிக் காத்திடுவாய்
    தாமரை கொண்டுனைப் பூசிப்போம்
    ஆயிரம் இதழில் மலர்ந்திடுவாய்


    சம்பங்கி நாங்கள் சாற்றிடுவோம்
    துன்பங்கள் நீக்கிக் காத்திடுவாய்
    தாழம் பூவால் தொழுதிடுவோம்
    வாழ்வில் ஒளியை ஏற்றிடுவாய்


    மகிழம் பூவைச் சாற்றிடுவோம்
    மகிழ்வை எமக்கு அளித்திடுவாய்
    மனோ ரஞ்சிதம் சாற்றிடுவோம்
    மனோ ரதம்நிறை வேற்றிடுவாய்


    மருக்கொழுந்தால் நாம் பூசிப்போம்
    திருவடி தரிசனம் தந்திடுவாய்
    மந்தா ரையினைச் சாற்றிடுவோம்
    எந்தாய் எம்மைக் காத்திடுவாய்


    செம்பகப் பூவால் பூசிப்போம்
    நம்பிக்கை நீயும் தந்திடுவாய்
    பிச்சிப் பூவால் போற்றிடுவோம்
    இச்சைகள் நீயும் போக்கிடுவாய்


    மரமலர் கொண்டு பூசிப்போம்
    அறவழி எமக்குக் காட்டிடுவாய்
    மனமலர் கொண்டு பூசிப்போம்
    தினமும் எம்மைக் காத்திடுவாய்


    வெங்கடேஷ் ராதாகிருஷ்ணன்
     
    1 person likes this.
    Loading...

Share This Page