பகவான் மஹரஷியின் அப்பளப் பாட்டு

பகவான்
மஹரிஷியின் அப்பளப் பாட்டு

பல்லவி

அப்பளம் இட்டுப் பாரு – அத்தைச்
சாப்பிட்டு
உன் ஆசையைத் தீரு

அனுபல்லவி

இப்புவி தன்னில்
ஏங்கித் திரியாமல்
சற்போத சுக
சற்குரு ஆனவர்
செப்பாது சொன்ன தத்துவம் ஆகிற
ஒப்பு உயர்வில்லா
ஓர் மொழியின்படி
[ அப்பள ]

சரணம் – 1

தான் அல்லா ஐங்கோச க்ஷேத்ரம் இதில் வளர்
தான் என்னும் ஆனமாம் தான்ய உளுந்தை
நான் ஆர் என் ஞான விசாரத் திரிகையில்
நான் அல்ல என்றே உடைத்துப் பொடித்து
[ அப்பள ]

சரணம் – 2

சத்சங்கமாகும் பிரண்டை ரசத்தொடு
சமதமம் ஆகின்ற ஜீரக மிளகுடன்
உபரதி ஆகும் அவ் உப்போடு உள்ள நல்
வாசனையாம் பெருங்காயமும் சேர்த்து
[ அப்பள ]

சரணம் – 3

கல் நெஞ்சில் நான் நான் என்று கலங்காமல்
உள் முக உலக்கையால் ஓயாது இடித்து
சாந்தமாம் குழவியால் சமமான பலகையில்
சந்ததம் சலிப்பற சந்தோஷ மாகவே
[ அப்பள ]

சரணம் – 4

மோன முத்திரையாகும் முடிவில்லாப் பாத்திரத்தில்
ஞான அக்னியால் காயும் நற்பிரம்ம நெய்யதில்
நான் அதுவாகவே நாளும் பொரித்துத்
தானே தானாக புஜிக்கத் தன்மய
[ அப்பள ]

படித்ததில் பிடித்தது