நாள்காட்டியும், நானும்

தினந்தோறும் உன்னைப் பார்த்து,
உன் தாளில் ஒன்றைக் கிழித்து,
அன்றைக்கு என் இராசி பார்த்து,
வழக்கம் போல் மெல்ல உயிர்த்து,

அன்றேனும் என் நிலையில் மாற்றம்,
வர வேண்டும் என இறையை வேண்டி,
தினம் கனவில் காண்கின்ற ஏற்றம்,
நனவாகும் நாள் வரும் என நம்பி,

எண்ணியபடி படி இறங்குகிறேன்.
பல இடங்களுக்குச் செல்கிறேன்.
அதே பதில் வரவும் வெம்புகிறேன்.
அலுத்து இரவில் வீடு திரும்புகிறேன்.

முடிந்து விட்டதால் நாள் தாளை,
நாட்காட்டியில் விட்டு வைப்பதில்லை.
இன்று முடியாது போனாலும் நாளை!
என் முயற்சியும் நிற்கப் போவதில்லை.
-ஸ்ரீ

 

உங்கள் பாராட்டுக்கு நன்றி தேவப்ரியா. -ஸ்ரீ

 

உங்கள் கருத்து சரி தான் லதா. பின்னூட்டத்துக்கு நன்றி. -ஸ்ரீ

 

உங்கள் பாராட்டுக்கு நன்றி சாய்க்ருபா மேடம். -ஸ்ரீ

 

உங்கள் கருத்துக்கும், பின்னூட்டத்துக்கும் நன்றி தீபா. -ஸ்ரீ