நலம் சில உரைப்பேன்…

நலம் சில உரைப்பேன்…


‘ஒன்றே குலம் ஒருவனே தேவன்’ – என
ஒன்றுபட்டுக் கூடி வாழ்தல் நலம்.

இரு கரங்களால் இறையைத் தொழுதுவிட்டு,
இயன்றவரை பிறருக்கு உதவுதல் நலம்.

முப்பாலும் இனிதுரைத்த வள்ளுவன் வழி
தப்பாது வாழ்க்கை நடத்துதல் நலம்.

நான்கு வேதங்களைக் கரை காணாவிடினும்,
நான்கு நல்ல நண்பரைச் சேருதல் நலம்.

ஐந்தில் வளையாதது ஐம்பதில் வளையாதென அறிந்து,
இளவயது முதல் நற்கல்வி கற்றல் நலம்.

ஆறு முதல் அறுபது வயதுவரை, நமக்கு நல்லாசி
கூறும் பெரியோரைப் பணிதல் நலம்.

ஏழு பிறவிக்கும் இன்ப வாழ்வு அருளும் இறைவனை,
எக்கணமும் மறவாது துதித்தல் நலம்.

எட்டுத் திக்கும் நம் புகழ் பரவிடினும்,
எளிய வாழ்க்கை வாழ்தல் நலம்!

ஒன்பது வாசல் கொண்ட ஓட்டைச் சரீரம் இது
என்பது நிஜமென்று உணருதல் நலம்.

பத்தும் பறக்க வைக்கும் பசியில் வாடுவோர் கண்டால்
சற்றும் தயங்காமல் உணவளித்தல் நலம்!

:coffee

 

Thanks a lot my dear friends!

Your encouragement and best wishes keeps me going... :idea

Raji Ram

 

இனியமலரின் இனிய சொற்கள்;
இனி உரைக்கிறேன், என் நன்றிகள்!

ராஜி ராம் :cheers

 

Thank you dear Sree!