சோம்பல் தவிர்!

நினைத்தது எல்லாம் கிடைத்திடும் என,
நீ எண்ணம் கொள்வதில் தவறில்லை.
நில்லாது உழைத்துக் கொண்டிருந்தால்,
நீ இலக்கினை அடைவாய். தடையில்லை.

சிறிதளவே நீயும் மெனக்கெட்டு, பின்,
நெடுந்துயிலில் நீ ஆழ்ந்து விட்டால்,
பெரிதளவில் தோல்வி வந்திடுமே, உன்
பெயர் தெரியாது போய் விடுமே!

கரம் துண்டுபடினும் ஒரு நாளும்
இரந்துண்ண எண்ணாதே நீயும்.
வரம் இந்த வாழ்க்கை என உணர்ந்து,
உயர்ந்திடுவாய் நன்றாக உழைத்து.

சோதனைகள் பல வரலாம் வாழ்வில்,
சோர்ந்து போகக் கூடாது அயர்வில்.
சோம்பலதைத் துரத்திடுவாய் நீயும்,
சோகமில்லை உன் வாழ்வில் நாளும்.
-ஸ்ரீ

 

உங்கள் பாராட்டுக்கு நன்றி லதா.
அவ்விரண்டு வரிகள் சில நாட்களாகவே மனதில் திரும்பத் திரும்ப மோதிக் கொண்டிருந்தன. மீதி வரிகள் இவற்றுக்கு முன்னும் பின்னுமாக எழுதப்பட்டவை. அவ்வளவு தான். சில சமயம் இது மாதிரி நேர்வதுண்டு. -ஸ்ரீ

 

உங்கள் பாராட்டுக்கு நன்றி கார்த்திகா. -ஸ்ரீ

 

I know you are never lazy Sonia. UngaL "Athista" pOl neengaLum romba suRusuRuppu dhaan. Correctaa? Thanks for your nice feedback. -rgs

 

உங்கள் பாராட்டுக்கு மிக்க நன்றி வேணி. -ஸ்ரீ