கோலம்... எத்தனைக் கோலமடி !

இருள் பிரியா விடியலிலே
விரியும் வாசல் மாக்கோலம் !

காலாற நடக்கின்ற
சோலையெல்லாம் பூக்கோலம் !

வாடைக்காற்று வீசுகின்ற
ஓடை எல்லாம் நீர்க்கோலம் !

கீழ்வானம் சிவக்க வரும்
வாழ்வருளும் கதிர்க்கோலம் !

தாகமது தீர்த்திடவே
மேகம் கொட்டும் மழைக்கோலம் !

தென்றல் தவழ் வேளையிலே
மன்றல் எங்கும் சுகக்கோலம் !

அலைகடலின் ஆழத்திலே
நிலை கொள்ளும் அமைதிக்கோலம் !

வசந்தம் வீசையிலே
இந்த பூமியெல்லாம் புதுக்கோலம் !

எண்ணிப் பார்க்கையிலே ,
மனிதன் வாழ்க்கையிலே ,

இறைவன் போட்டுவைத்தான்
நிறைவான காலக்கோலம் !

கொஞ்சிச் சிரிக்கும்
பிஞ்சின் கன்னக்குழிக்கோலம் !

பள்ளிப் பருவத்தில் சுகம்
அள்ளுகின்ற இன்பக்கோலம் !

இளமைப் பருவத்திலோ
காளை நெஞ்சின் குறும்புக்கோலம் !


காதல் வயப்படுகையிலே ,
மோதும் விழி நாணக்கோலம் !

கனவுகள் வளர்த்தபடி
கன்னி காணும் மணக்கோலம் !

தாய்மையுற்ற நேரத்திலே
வாய்க்கும் கைக்கு வளைக்கோலம் !

தொண்டு செய் பருவத்தில்
நீண்டதொரு கடமைக்கோலம் !

ஓய்வான முதுமையிலே
சாய்வு தேடும் தோள் கோலம் !

அமைதி தேடும் நேரத்தில்
அமைந்து விடும் தவக்கோலம் !

ஆட்டமெலாம் முடிந்து உயிர்
ஓட்டம் விடும் நிறைவுக்கோலம் !

காலம் நமக்குத் தரும் கோலம் அனைத்திலுமே,
சீலமாய் வாழ்ந்திட்டால் ,ஞாலப் புகழ் பெறலாம் !

 

"நேர்"மைக் கோலமது கலைந்துவிட்டால் மனமெல்லாம் அலங்கோலம் ...
"ஊடு"ருவும் அன்புக்கோலம் தான் வாழ்வின் ஆதாரக்கோலம் !!

நன்றி @periamma ,

என்றும் அன்புடன்,

பவித்ரா

 

@Harini73 ,

Thank you !:thankyou2:

Regards,

Pavithra

 

@ayyasamy1944 ,

:thankyou2:


@Poetlatha ,

Thank you . Seelam means ozhukkam and here I used it to denote living with principle and Gnaalam means world. Is this is what you meant ?

Regards,

Pavithra