கவிதையில் அந்தாதி

பிறக்கும் முன்பும் உதைத்தாய்
பிறந்த பின்பும் உதைத்தாய்
அன்று கலங்கியது அன்பில்.....
இன்று கலங்குவது வலியில்....

 

வலி தான் அன்பே !
உன் காதல் எனக்கு வலிதான்!
என்னுள் உறைந்த பெண்மையை
எனக்கு ஆவேசமாக உணர வைத்த
உன் காதல் எனக்கு வலிதான் !
என்னுடைய உறவுகளை விட்டு
உன் உறவே அனைத்துமென்ற
உன் காதல் எனக்கு வலிதான் !
எனை மறந்தேன் என் வழிமறந்தேன் !
என் கல்வி எனக்கு போதித்த
அறிவை எல்லாம் மறந்தேன்
கள்வனே உன்னாலே !
நீயே என் உலகமுமாக
உன் உயிரே என் உணர்வாக
கலந்து விட்ட என் தீஞ்சுவையே !
வலிக்கிறது என் உள்ளம் -எனை
பிரிந்து சென்ற என் கண்ணாளா
உன் காதல் எனக்கு வலிதான் !
உன் காதலால் எனக்கு வலிதான் !

 

வலிதான் எனத்தெரிந்தும்
சுகமாய் பெறுகிறாள் அன்னை
அவள் நடமாடும் தெய்வம்!!!!

 

தெய்வம் எங்கே என்று தேடி அலையும் மனமே...
அகக்கண் திறந்து பார்...
உன் வீட்டினிலே இருக்கும் அன்னையும் தெய்வமே!!

 

அன்னையும்(தந்தையும்) தெய்வம்
என்று உணர்ந்தால் என்றும்
விடமாட்டார்கள் அவர்களை
முதியோர் இல்லத்தில்!!!

 

முதியோர் இல்லம் ..
தோள் கொடுக்க தோழர்கள் இல்லை
ஆதரவாய் பேச பிள்ளைகள் இல்லை
முதியோர்களுக்கு கிடைத்தது புதிய சரணாலயம்
முதியோர் இல்லம் ..சமூக தீவிரவாதம்

 

தீவிரவாதியே !
எல்லை தாண்டிய காதல் தீவிரவாதி நீ !
உனது பயங்கரவாதத்தால்
எனை மயக்கிய காதல் தீவிரவாதி நீ !
நித்தமும் சிறிதும் கருணை இல்லாமல்
காதலால் எனை கொல்லும் தீவிரவாதி நீ !
மூச்சில் கலந்து உயிர் குடித்து
எனை வென்ற காதல் தீவிரவாதி நீ !
உனை வெல்லவே போராடினேன் -ஆனால்
தோற்று போனேன் சுகமாகவே !

 

சுகமே
காலையில் கவிதையில் லயித்திடும் மனது சுகமே
செழித்திடும் வாழ்வும் சிரித்திடும் இதயமும்
விழித்தெழும் பட்டென.
பார்வையில் தமிழ் பட்டதுமே
சட்டெனவே சுட்டனவே
வாழ்வின் வாசனைகள்

 

வாழ்வின் வாசனைகள்
அமைதியான வாழ்கை
மகிழ்வான சுற்றம்
நிலையான அன்பு
சுகமான நினைவுகள்
அனைத்தும் கிடைக்க
செய்த இறைவா
நன்றிகள் :bowdown:bowdown

 

நன்றி
தமிழ் நெஞ்சங்கள் மறவாத மூன்றெழுத்து
நலமான உள்ளத்திற்கும் ,வளமான அன்பிற்கும்
நம்பிக்கையூட்டும் எழுச்சிமிக்க மந்திரம்.
நன்றி மறப்பது நன்றன்று.....