ஒரு தாயின் புலம்பல்

அன்று உனக்கு தாய்ப்பால் தரத் தவறியதில்லையே,
இன்று உன் தாய் பால் உனக்கு அக்கறை இல்லையே
உன் நன்மைக்காக நான் உழைக்காத நாள் இல்லையே
உன் வாழ்வில் நான் என்றும் குறுக்கே நின்றதில்லையே

ஊசி நுனியளவே நீ காயப்பட்டாலும் கண்ணே,
என் கண்ணில் ஊசி பாய்ந்தாற் போல் துடித்தேனே,
உலக்கை போல் நிற்கின்றாய் எந்தன் முன்னே,
உணர்ச்சி இன்றி என்னை நீ பார்ப்பது தான் என்னே!

எனக்கென்று உன்னிடம் நான் என்ன கேட்டு விட்டேன்?
விருந்தோ, பட்டோ நான் என்றோ விட்டு விட்டேன்.
மாதத்துக்கு ஒரு முறை என்னை வந்து பாரேன்!
வருடத்தில் ஓர் நாள் உன் குழந்தையைக் காட்டேன்!

உன் தந்தை நல்லவர். சீக்கிரம் போய்ச் சேர்ந்து விட்டார்,
பாவி நான் முன் பிறப்பில் செய்த வினை எத்தனையோ?
என்னை நீ வேண்டாமென இல்லத்தில் சேர்த்து விட்டாய்,
போகட்டும். உனக்கு இந்த நிலை என்றும் வர வேண்டாம்.

-ஸ்ரீ

 

கவிதையின் உட்கருத்தை மிகச் சரியாகப் பிடித்தீர்கள் நட்புடன் (நெத்தியடி).
நன்றி.
-ஸ்ரீ

 

ungaL parivukku migavum nanRi Yashikushi. Vizhudhu verai maRandhu vidugiRadhu, adhuvum oru naa vEraagum enbadhai ninaiyaamal. -rgs

 

ungaL paaraattukku migavum nanRi ramyaraja. -rgs