என்றும் உயர்வே!

தன்னிடத்தே குறைவாய் இருந்தாலும்
தன்னிடம் இரக்கும் மனிதருக்கே
தானுவந்தளிக்கும் மாந்தரிடம்
இருப்பது உயரிய நற்பண்பே!

தன்னுடல் குறைபட்டுப் போனாலும்
தன்னிலை விளக்கி பிறரிடத்தே
தான் இரவாது ஒவ்வொரு நாளும்
தளராமல் உழைப்பவர்களிடத்தே

இருப்பது முன்னதை விஞ்சுவதே!
இல்லாமை என்பது எவர்க்கும் வரும்!
இரவாதிருப்பேன் எனத் துணிந்தே
இருப்பதும் வெகுசிலரால் முடியும்!

அவர் வாணாளில் அவர் உயர்வதுவும்
அரிதாகவே இருக்கலாம். இருந்தாலும்,
அவரிடம் என்றும் அப்பண்பும்
அனைத்தினும் என்றும் உயர்வாகும்!

 

Thanks @pavithras for your appreciation.
I took inspiration from the first few lines of this lovely puRanaanooRu song whose lines are below:
ஈ என இரத்தல் இழிந்தன்று அதனெதிர்
ஈயேன் என்றல் அதனினும் இழிந்தன்று.
கொள்ளெனக் கொடுத்தல் உயர்ந்தன்று அதனெதிர்
கொள்ளேன் என்றல் அதனினும் உயர்ந்தன்று.

தெண்ணீர் பறிப்பின் இமிழ்திரைப் பெருங்கடல்
உண்ணாராகுப நீர் வேட்டோரே!
ஆவும், மாவும் சென்றுணக் கலங்கி
சேறொடு பட்ட சிறுமைத் தாயினும்
உண்ணீர் மருங்கின் அதர் பலவாகும்.
Thanks again for your feedback and support. -rgs

 

Thanks for your appreciation Periamma. Happy to receive from you as always. -rgs

 

அருமையான திருக்குறளை இங்கு பகிர்ந்ததற்கு நன்றி @Harini73. உங்கள் பாராட்டுக்கும்! -rgs

 

Thanks Vaidehi71, for your appreciation. -rgs