என்னிலுன்னைக் காண எனக்கு வரம் அருள்வாய் !

View attachment 130227 ​

எனக்கு சுமார் மூன்று வயதிருக்கும்போது என் வீட்டில் ஒரு ரெகார்ட் பிளேயர் வாங்கினார்கள். His Masters Voice-ல் சூலமங்கலம் சகோதரிகள் பாடிய கந்த சஷ்டிக்கவசம்/ஸ்கந்த குரு கவசம் அடங்கிய இசைத்தட்டு தான் அதில் போட்ட முதல் ரெகார்ட். முருக பக்தையான அம்மாவுடன் தினமும் கந்த சஷ்டி கவசம் சொல்லி சொல்லி மனப்பாடமும் ஆகிவிட்டிருந்தது 6/7 வயதில்.

குடும்பத்தலைவியும்(!) ஆகி இங்கே வந்தபின் பெரிதாக பூஜை செய்வதில்லை. சில நாட்கள் ஒரு ஹலோவுடன் முடித்துக்கொள்வேன்.சில நாட்கள் தூங்கி கொண்டிருக்கும் மனசாட்சி என்னைத் தட்டி எழுப்பி(போன் மூலம் கேட்கும் அம்மாவின் குரல் வடிவில்) விலாவாரியாகப் பூஜை செய்வதும் நடக்கும்.

கூகுளாண்டவர் உபயத்தில் கேள்விப்படும் சுலோக பாராயண வகைகளையெல்லாம் ஐ -டியுனில் தரவிறக்கம் செய்து (சுட்டு)அவ்வப்போது கேட்பதுண்டு. ஆனாலும் மனப்பாடம் ஆன கந்த சஷ்டிக் கவசம் தான் என் மனதிலும் அவ்வப்போது வாய் மூலமும் வீட்டில் ஒலித்துக்கொண்டிருக்கும்.

(சரி எதற்கு இந்த சுய புராணம் எனக் கேட்பவர்களுக்கு...'வரலாறு முக்கியம், அமைச்சரே":thumbsup)

என்றாலும், கேட்கும் தடவைஎல்லாம் மிகுந்த அர்த்தமுள்ளதாகவும், பொருள் செறிவு நிறைந்த செந்தமிழ் வார்த்தைகள் நிறைந்ததாகவும், "Positive Thinking" genre-ல் விற்கும் Best sellers எல்லாவற்றின் சாராம்சத்தை உள்ளடக்கியதாகவும் விளங்குவது ஸ்கந்த குருகவசம் தான். (பெரும்பாலான மற்ற சுலோகங்கள் சமஸ்க்ருதத்தில் இருப்பதால் அம்மொழி தெரியாத எனக்கு இத்துடன் ஒப்புநோக்க வேறு சுலோகங்கள் தெரியவில்லை. தெரிந்தவர்கள் தயவுசெய்து பின்னூட்டத்தில் கூறுங்கள். தெரிந்து கொள்கிறேன். )

சற்றே கனத்த சாரீரம்(சரீரமும் தான்) கொண்ட சகோதரிகளின் குரலில் ஒலிக்கும் அந்தக் கவசத்தை நாள் முழுமைக்கும் கேட்டுக் கொண்டேயிருந்திருக்கிறேன். ஏன் ஏறக்குறைய நாத்திகரான என் கணவரும் ரசித்துக் கேட்கும் பாடல் இது. ஷிவ் கேரா பக்கம் பக்கமாக எழுதி குவிக்கும் புத்தகங்களை 20 நிமிடத்தில் அனாயசமாக சொல்லிச் செல்கிறார் இதை எழுதிய ஸ்ரீ சாந்தானந்த ஸ்வாமிகள்.

மேலோட்டமாக முருகனைப் போற்றிப் பாடும் பாடலாகப் புனையப்பட்டிருந்தாலும், சமயத்தில் புத்த மதத் தத்துவங்களும் இதில் மறை பொருளாக இருப்பது போல் தோன்றும்.

புத்த மதத்திலும் சமஸ்க்ருத வார்த்தையான ஸ்கந்த என்ற சொற்பதம் புழங்குகிறது. ஸ்கந்தா என்றால்-Aggregate of existence என்று பொருளாம். Form,Sensation, perception, mental formation & conciousness ஆகியவற்றை உள்ளடக்கியது தான் மானுடம் என்கிறது அத்தத்துவம். நம் பஞ்ச பூத தத்துவம் சொல்வதும் அதைத்தானே.

"அன்பே சத்தியம்;அன்பே நித்தியம்; அன்பே சாந்தம்; அன்பே ஆனந்தம்"; என வரும் இடத்தில் எல்லா மதங்களின் பொதுக்கருத்தை, மானுடத்திற்கு அவசியமானதை சாந்தானந்த ஸ்வாமிகள் வலியுறுத்துவதை உணரலாம்.

" எதுவாக ஆகவேண்டுமென்று நீ நினைக்கிறாயோ அதுவாகவே ஆகிறாய்"-என்ற நியதியை பக்தியின் மூலம் உணர்த்தும் உற்சாக பானமாகவும், தன்னம்பிக்கை ஊற்றாகவும் எனக்குத் துணை இருக்கிறது இப்பாடல்/செய்யுள் /ஸ்லோகம்.

"எண்ணியதெலாம் கிட்டும்;எமபயம் அகன்றோடும்;
மூவுலகும் பூஜிக்கும்; முருகனருள் முன்னிற்கும் "
என்று வரும் வரிகளைக் கேளுங்கள் சோர்வு ஓடியே போய், புத்துணர்வு பொங்கும்.

ஸ்கந்த குரு கவசத்தை இங்கே கேட்டு மகிழலாம். கந்தனருள் எல்லோருக்கும் கிடைக்கட்டும்!

உங்கள் மனம் கவர்ந்த ஸ்லோகத்தைப் பற்றி நீங்களும் பகிர்ந்து கொள்ளுங்களேன்!

(Pictures: Google images)

 

ஒரு சிறு விளக்கம். ஸ்கந்த குரு கவசத்தைப் பற்றி தான் இந்தப் பதிவு.
தெய்வீக மணம் , பக்திப் பரவசம் போன்ற புரியாத வார்த்தை எல்லாம் சொல்றீங்க.(ம்..நடக்கட்டும் நாச வேலைகள்:crazy)

என் கணவர் கேள்விகேட்காமல் எனக்காக கோயிலுக்கு வரும் Atheist .என் மகன் கேள்வி கேட்டே என்னை அசரடிக்கும் atheist.( அதாவது கணவர் பிரசாதம் கிடைத்தால் சாப்பிட்டுக்கொள்வார். மகன் பிரசாதம் கிடைக்குமா என்று உறுதி செய்து கொண்டபின் தான் கோயிலுக்கே வருவான்.:idea)

அடிக்கடி வாங்க சிங்கம். உங்கள் பின்னூட்டம் என்னை உற்சாகப்படுத்துகிறது. நன்றி.

 

For your eloborate feedback.

Thiruchendur is my favourite Murugan Koil. In my childhood, my parents used to bring me there every year for 5 days. Hmmm...Long time.

In a way we both share same sentiments. I also lost my first born. And my son Abhi is gifted to me by God, the second time. So I can understand the feelings. And I too chant Kandha Sashti Kavasam in the train on the way to office.

Thank you Sunita. Your Comments are more interesting, bringing out so many memories. Visit again.

 

நீங்கள் குறிப்பிட்டுள்ள -ன் பாடல்கள் எனக்கும் பிடிக்கும்.
உங்கள் வருகைக்கும் பின்னூட்டத்திற்கும் நன்றிகள்

 

மன்னிப்பா ..என்னதிது ? நீங்க நேரம் இருக்கும்போது படித்து பின்னூட்டமிட்டால் எனக்கு மகிழ்ச்சிதான்.மற்ற பதிவுகளையும் படிங்க. கருத்தைச் சொல்லுங்க.

குறும்பை ரசித்தமைக்கு நன்றிகள்.