அன்பின் எல்லை

எங்கோ நீ இருந்தாலும் என்றும் என்னுள்
எங்கும் முழுதாகவே நீ இருக்கின்றாய்.
எங்கே நீ எனை நீங்குவாயோ என்னும்
எண்ணம் வராமலே நான் இருக்கின்றேன்.

மிக அரிதாகவே உனை நான் தரிசிக்கின்றேன்.
குறுஞ்சிரிப்பாலே என்னை நீ ஆட்கொள்கின்றாய்.
மெய்மறந்து எனை முற்றும் நான் மறக்கின்றேன்,
வழக்கம் போல் நீ எங்கோ சென்று ஒளிகின்றாய்.

மறுபடியும் உனைக் காண வேண்டும் என்று,
முழு மூச்சாய் நானும் மீண்டும் முயல்கின்றேன்.
நீ வாராதும் இருப்பாயோ? என திடம் கொண்டு,
இருக்கின்றேன் ஐயா! நீ வர விழைகின்றேன்!

ஒருவேளை எனக்கந்த தகுதியும் இல்லை
என்றாலும் விடாமல் நான் தொடர்ந்திடுவேன்!
உன் அன்புக்கு எல்லை ஏதும் இருந்தது இல்லை
என்பதை நீ உணர்த்தி விட்டால் அகமகிழ்ந்திடுவேன்.
-ஸ்ரீ

 

Yes Vidya, its all about that infinite being. Very glad to receive an appreciative feedback from you. Thanks. -rgs

 

Wow! That was a superb smiley Mira. Thanks for your overwhelming appreciation. -rgs

 

Thanks for your continuous support and nice feedback Devapriya. -rgs