அன்னையரால் கேட்க முடிவதில்லை!

உதடு சுழித்து
உடல் முறுக்கி
ஆரோக்கியத்தை
அறிவிக்கும் குழந்தைகளின்
முதல் அழுகுரலை…இன்றைய
அன்னையரால் கேட்க முடிவதில்லை!
-
தாயையும் சேயையும்
தனித் தனி அறைகளில்
பிரித்து போடுகிறது நவீன
மருத்துவ உலகம்
-
குழந்தையை குளிப்பாட்டி..
பவுடர் பூசி பொட்டிட்டு
அழகு பார்த்து ரசிப்பது
பணிப் பெண்ணின் கடமைகளில்
ஒன்றாகி போனது..!
-
இன்று மழலையின் குறும்பும்
குதூகலுமும்
பாலர் பள்ளியின்
சுவற்றுக்குள் சுருங்கிப் போனது..!
-
வேலைக்காரியின்
வேக அதட்டலில்
குழந்தையின் சுட்டித்தனம்
சுறுசுறுப்புடன் சேர்ந்து
மன வளர்ச்சியும்
அடங்கிப் போச்சு!
-
நாகரிக உலகின்
நகர வாழ்க்கை
நசுக்கிப் போட்டது
அன்னையின் உறவை!
-
அவசர யுகத்தில்
சொந்தங்கள்
தொலைந்து போனது போல்…
நாளைய குழந்தைகளும்
அன்னையின் அன்பை
அறியாமலே போயிடுமோ..!

=========================

>ஒதியக்காடு அழகிரிவேல்
நன்றி; தமிழ்முரசு 30-1-11