சர்க்கரை பொங்கல்

periamma · Jan 13, 2016

பொங்கி வழியும் பால் போல்
பொங்கி வழியட்டும் ஆனந்தம்
அரிசியுடன் வெல்லம் சேர்த்து
அடுப்பில் வைத்து பொங்கல் சமைத்து
ஏலக்காய் கிராம்பு சேர்த்து
வெண்ணை உருக்கி நெய்யாக்கி
நெய்யில் முந்திரி பருப்பு வதக்கி
சிறிதளவு பச்சை கற்பூரம் பொடித்து
ஆக்கிய பொங்கலில் கொட்டி கிளறி
வாழை இலையில் பரப்பி வைத்து
கற்பூர ஆரத்தி காட்டி
சூரிய பகவானுக்கு சமர்ப்பிப்போம்

knbg · Jan 13, 2016

இனிய படைப்பு பெரியம்மா!
பதமாக எல்லாம் சேர்த்து பக்குவமாய் சமைத்தால் சர்க்கரைப்பொங்கல் !
வரும் சோதனைகளை இறை நம்பிக்கையுடன் சந்தித்தால் நம் வாழ்வில் இன்பப்பொங்கல் !!
தை பிறந்தால் வழி பிறக்கும் !!
இனிய பொங்கல் வணக்கங்கள் மா !