ஒருபக்கக் கதை – குணம்!

இரவு நேரம் வீட்டுக்கு வந்த சங்கரன் – மூத்த
மருமகள் சப்பாத்தி சாப்பிடுவதையும், இளைய
மருமகள் பழைய கஞ்சி சாப்பிடுவதையும்
கண்டார்.
-

தன் மனைவி கமலாவை அழைத்து, “மூத்த
மருமகள் சீர் வரிசை, நகை, வரதட்சணையோட
வந்ததால அவளுக்கு சப்பாத்தியும் இளைய
மருமகள் காதல் கல்யாணம் பண்ணி வெறும்
கையோட வந்ததால அவளுக்கு பழைய
கஞ்சியும் கொடுக்கறியே! இது நியாயமா?’ என்று
கேட்டார்.
-

மாமனாரின் பேச்சை கேட்ட இளைய மருமகள்,
“இல்லை மாமா, நான்தான் வெயில் காலத்துல
கஞ்சி குடிச்சா உடம்புக்கு நல்லது, தூக்கம் நல்லா
வரும்னு விரும்பி சாப்பிடறேன். அத்தை மேல
எந்த குத்தமும் இல்லை’ என்றாள்.
-

சங்கரன் அங்கிருந்து சென்றதும் கமலா, இளைய
மருமகள் கையைப் பிடிச்சு “என்னை
மன்னிச்சுடும்மா, நான் தப்பு செய்தும் என்னைக்
காட்டிக் கொடுக்காமல் உன் மாமனார்கிட்டே இருந்து
என்னைக் காப்பாத்திட்டே.
-

நீ சீர் செனத்தியோட வரலேன்னாலும் நல்ல
குணத்தோட வந்திருக்கே; அதுவே போதும்’ என்று
நா தழுதழுக்க இளைய மருமகளைப் பாராட்டினாள்.
–
—————————–
– எஸ். முகம்மது யூசுப்
நன்றி – குமுதம்