வா வா கண்ணா வா

காராம்பசு கழுத்து மணியே
கண்டாயோ என் கண்ணனை
துள்ளி ஓடும் கன்று குட்டியே
என் குட்டி கண்ணனை கண்டாயோ

ஏன் இந்த கண்ணாமூச்சி
என் குல தோன்றலே
என் வீட்டு உறியில் உள்ள
தயிர் வெண்ணை வேண்டாமா

முறுக்கு சீடை அதிரசமும்
அவல் வெல்லம் பாயசமும்
அள்ளி தின்ன ஓடி வா
என் ஆசை கண்ணா

பட்டு பீதாம்பரமும்
மயில்பீலி கொண்டையும்
கையில் புல்லாங்குழலும்
காலில் தண்டை கொலுசும்
வாய் நிறைந்த சிரிப்பும் கொண்டு

சின்னஞ்சிறு கால் எடுத்து
சீரான நடை நடந்து
ஓடோடி வா கண்ணா
என் ஒய்யார மாய கண்ணா



அனைவருக்கும் கிருஷ்ண ஜெயந்தி வாழ்த்துக்கள்.

 

நன்றி ராம்.அவர் வரவில்லை என்றால் விடுவதாக இல்லை.

 

நன்றி நட்ஸ்.பேர குழந்தைகள் மாதவன் ,ராகவனுடன் இந்த வருடம் கிருஷ்ண ஜெயந்தியை சந்தோஷமாக கொண்டாடினேன்.இன்னொரு பேரன் கிருஷ்நந்தனுடன் நேரில் கொண்டாடாமல் தொலை பேசி மூலம் பேசி மகிழ்ந்தேன்.

 

நன்றி தீபா.உங்கள் வரவை ஆவலுடன் எதிர் பார்த்து கொண்டிருந்தேன்.கிருஷ்ணாவதாரம் பற்றி எழுதிய நீங்கள் சரியான நேரத்துக்கு வந்து விட்டீர்கள்.சந்தோஷமாக இருந்தது.

 

நன்றி உஷா.இந்த வருடம் மிக சிறப்பாக கொண்டாடினேன்.நீங்க எப்படி இருக்கீங்க.