விவசாயம் -வாழ்க்கை முறை

இது வரை விவசாயம் பற்றி நான்கு பகுதிகளாக பிரித்து எழுதினேன் .வாழ்க்கை ஒரு வட்டம் என்பது போல் வீட்டில் இருந்து விதை நெல் கொண்டு போய் விதைத்து பின் நெல் மணிகளாய் வீட்டுக்கு எடுத்து வந்து விட்டோம் .ஒரு சாக்கு நெல் பல சாக்குகளாக வந்திருக்கிறது .இது இயற்கை அன்னையின் கொடை .

கன்னிப் பெண்ணுக்கும் நாற்றுகன்றுகளுக்கும் ஒரு ஒற்றுமை உண்டு .பருவத்தே பயிர் செய் என்று ஒரு மூதுரை உண்டு .அந்தந்த பருவத்தில் பயிர் செய்தால் அமோக விளைச்சல் இருக்கும் .பட்டம் தவறினால் விட்டத்தை தான் பார்க்க முடியும் .அதாவது காலநிலை தவறி விவசாயம் செய்தால் அது பொய்த்து விடும் .பின் வேலை எதுவும் இல்லாமல் வீட்டு கூரையை தான் வெறித்து பார்க்க முடியும் .அது போல் ஒரு பெண்ணுக்கு உரிய வயதில் திருமணம் செய்ய வேண்டும் .அப்போது தான் அந்த பெண் எல்லா வளங்களும் பெற்று சீரும் சிறப்புமாக வாழ முடியும் .இன்று பெண்களுக்கு திருமண வயது கடந்து போய் விடுகிறது .அவ்வாறு மணம் முடிக்கும் சமயத்தில் குழந்தைப் பேறும் தாமதம் ஆகிறது .இது யார் குற்றம் ?அந்த பெண்ணின் குற்றமா இல்லை இல்லை .காலத்தின் குற்றம் .இதை உணராத அறிவிலிகள் பெண்களை குற்றம் சொல்கிறார்கள் .இது மிகவும் வருத்தம் தரும் செயல் .பயிர் விளையவில்லை என்றால் அது நிலத்தின் குற்றம் அல்ல .பருவம் தவறி விதைத்ததே காரணம் .நாற்றை வளர்த்த இடத்தில் இருந்து வேறொரு இடத்தில் நடும் போது அதற்கு தேவையான நீர் ,ஊட்டசத்து கிடைத்தால் நன்கு செழிப்பாக வளரும் .அதே போல் பெண்களுக்கு புகுந்த வீட்டில் அன்பும் ஆதரவும் கிடைத்தால் அவள் தானும் மகிழ்ந்து பிறரையும் மகிழச் செய்வாள் .ஆனந்தம் நிறைந்திருந்தால் அனைத்து செல்வங்களும் நிறைந்திருக்கும் .

அடுத்து பண்டமாற்று முறை :
முந்தைய பதிவில் களத்துமேடு பற்றி சொல்லி இருந்தேன் .அங்கே தான் கதிரில் இருந்து நெல்மணிகளை பிரித்து எடுப்பார்கள் .அந்த களத்து மேட்டில் சிறு சிறு கடைகளும் இருக்கும் .அங்கே வறுத்த நிலக்கடலை,சுண்டல் மற்றும் வேக வைத்த பனங்கிழங்கு சீனிகிழங்கு விற்பார்கள் .எங்கள் ஊரில் சீனி கிழங்கு என்று சொல்வோம் .அதாவது சர்க்கரை வள்ளி கிழங்கு அல்லது ஆங்கிலத்தில் ஸ்வீட் பொட்டடோ என்று இருக்கலாம் .குவித்து வைத்திருக்கும் நெல்லில் இருந்து கொஞ்சம் நெல் எடுத்து போய் கடையில் கொடுத்து நமக்கு வேண்டியதை வாங்கி கொள்ளாலாம் .இங்கு பணம் செல்லுபடியாகது .நெல்லுக்கு தான் மதிப்பு .நெல்லை கொடுத்து உணவுபொருட்களை வாங்கி கொள்ளும் பண்டமாற்று முறை .எப்பேர்பட்ட முறை .போற்றத்தக்க முறை .

 

களத்துமேட்டில் வைக்கோல் மேல் உட்கார்ந்து இவற்றை சாப்பிடும் போது கிடைக்கும் ஆனந்தம் இருக்கிறதே அதை வார்த்தைகளில் வடிக்க இயலாது .அனுபவிக்கும் போது தான் அந்த சுகம் தெரியும் .

 

பவித்ரா நீங்கள் நன்கு ரசித்து படித்திருக்கிரீர்கள் என்பதை புரிந்து கொண்டேன் .மிக்க நன்றி மா

 

@sarajara நீண்ட நாட்கள் கழித்து தங்களை இங்கு பார்க்கிறேன் .என் பதிவுக்கு விருப்பம் தெரிவித்தமைக்கு மிக்க நன்றி

 

@sarajara சவிதா என்ன ஒரு அருமையான பின்னூட்டம் .தங்களை போன்றோருக்கு என் பதிவு பிடித்திருக்கிறது என்பதை அறிந்து மிக்க மகிழ்ச்சி .விவசாயத்தை உள்வாங்கி பிரதிபலித்திருப்பது அழகு

 

@Padhmu உஷா ஆமா மா .முற்றிலும் உண்மை .பள்ளி நாட்களில் மதிய உணவு இடைவேளையில் இவற்றை வாங்கி சாப்பிடுவோம் .என்னே ஒரு சுவையான சத்தான நொறுக்குதீனி