ஏன் அப்பா பெயரை முதலெழுத்தாக பயன்படுத்துகிறோம்?

அப்பன்நீ... அம்மைநீ... ஐய னும்நீ...
அன்புடைய மாமனும் மாமி யும்நீ...

அம்மை நீ... அப்பன் நீ என்று ஆரம்பிக்கலாம். ஆனால் சுவாமிகள் (திருநாவுக்கரசர்) அப்பன் நீ... அம்மை நீ என்று ஆரம்பிக்கிறார். என்ன காரணம்? பூலோகத்தில வந்து பிறந்த நமக்கு முதல் தொடர்பு அப்பாதான்... அம்மா இல்ல.... ஆன்மாக்கள் மழை வழியாக மண்ணுலகத்திற்கு வருகின்றது. அப்படி வந்த ஆன்மாக்கள் உண்ணுகின்ற காய்கனி தானியங்களிலே கலந்து அது தந்தையாருடைய வயிற்றிலே போய் இரண்டு மாதங்கள் கருவிருந்து, அந்த கரு தாயார் வயிற்றுக்கு வருது.

ஆகவே முதன்முதலாக நம்மை கருச்சுமந்தவர் அப்பா. அம்மாயில்ல. அதனாலதான் பெயருக்கு முந்தி அப்பா எழுத்துப் போடுகின்றோம். பரசுராமன் என்றால் ‘ப’ போடுவோம். வெங்கடாசலம் என்றால் ‘வெ’ போடுவோம். தந்தையார்தான் நம்மை முதலில் கருச்சுமந்தவர். அதனால பேருக்கு முன்பு அப்பா எழுத்தை இடுகிறார்கள். அப்பா வயிற்றிலே இரண்டு மாதம் அம்மா வயிற்றிலே பத்து மாதம் ஆக பன்னிரண்டு மாதம் கருவிருந்தோம். இந்த தத்துவத்தை மக்கள் உணரும் பொருட்டு அப்பர் பெருமான் அப்பனை முதலில் வைத்துப் பாடினார்.

அப்பன்நீ அம்மைநீ ஐய னும்நீ
அன்புடைய மாமனும் மாமி யும்நீ
ஒப்புடைய மாதரும் ஒண்பொரு ளும்நீ
ஒருகுலமும் சுற்றமும் ஓரூ ரும்நீ
துய்ப்பனவும் உய்ப்பனவுந் தோற்று வாய்நீ
துணையாயென் நெஞ்சந் துறப்பிப் பாய்நீ
இப்பொன்நீ இம்மணிநீ இம்முத் து(ம்)நீ
இறைவன்நீ ஏறூர்ந்த செல்வன் நீயே.

திருமுருக கிருபானந்த வாரியார் சுவாமிகள் சொன்னது.

 

உங்கள் பின்னூடத்துக்கு மிக்க நன்றி...நான் அப்பா பேர் மட்டும் தான் முதலெழுத்தாக பயன்படுத்தவேண்டும் என்று சொல்லவே இல்லையே....ஏன் பயன்படுத்துகிறோம் என்று தான் போட்டிருக்கிறேன்.......அவ்வளவுதான்.........மற்றபடி அம்மா பேரை உபயோகிக்கக் கூடாது என்றோ, அப்பா பேர் மட்டும் தான் போடணும் என்றோ நான் சொன்னால், மற்றவர்கள் என்னைக் கேள்வி கேட்பார்கள் என்று நீங்க சொல்லலாம்

single parent பெருகிவரும் இந்தக் காலத்தில் நாம் மேலே சொன்னது, "ஒ! முன்காலத்தில் அப்படி இருந்ததா?" என்று தெரிந்து கொள்ளத்தானே தவிர வேறில்லை.......மேலும் அப்போதே அம்மா பேரை சேர்த்து சொன்னது இல்லியா? " கொந்தேயன்"....என்று குந்தி புத்திரர்களையும் "ராதேயன்" என்று கர்ணனையும், அம்மா பேரை சேர்த்து சொல்லி இருக்கிறார்களே? .............

அன்புடன்,
கிருஷ்ணாம்மா

 

sensitive topic தான், நான் ஜஸ்ட் விவரத்துக்காகத்தான் சொன்னேன் ..மிக்க நன்றி !

 

மேலே ஜெயா மா சொன்னது போல இப்போ காலம் ரொம்ப மாறிப் போச்சு இனியா ............நான் மேலே போட்டது தெரியாதவர்கள் தெரிந்து கொள்ளத்தான்..........உங்கள் அன்பான பின்னூட்டத்துக்கு மிக்க நன்றி !