சில தவறுகளும், இலவச மன்னிப்புகளும் .......

உள்ளுக்குள் அடக்கி வைத்த இயலாமைச் சாபம்
பிள்ளையின் கன்னத்தில் பளீரென்று தன் கை எரிய
அறைந்து விட்டு அடங்கியது தாயின் கோபம்.
கையின் தவறுக்காய் வருந்தியது கண்.
கண்ணீர்!!!!!

திருமணத்தை நீட்டிக்கும் காதல் கயவன் மேல்
நம்பிக்கை அவமதிப்பு.
சட்டை உலுக்கி சகட்டு மேனிக்கு சம்மட்டி வார்த்தை கொண்டு
சவமாக்கி சவட்டியபின் சாந்தமானது காதலியின் தாபம்
வாயின் தவறுக்காய் வருந்தியது உடல்
உண்ணாவிரதம்!!!!!

சம்பள பாக்கி :வறுமையின் தாண்டவம்
தவறேதும் செய்யாத
மாணவனின் காது திருகி பிரம்படி கொடுத்து மதிப்பெண் குறைத்து
அசிங்கப்பட்டது ஆசிரியரின் அறியாமை.
கையின் தவறுக்காய் வருந்தியது மனம்
இலவச மாலை நேரக் கல்வி!!!!!!

காதர் சட்டை:கந்தல் வேட்டி
உரிமையைப் பெற
உயிரோடு எரிக்கப் படும் உண்மைத்(ஊமை) தியாகி.
பணம் பாக்கி மறுத்து மனசாட்சி விற்று,
மகுடம் ஏறும் அரசியல் அல்லக் கைகள்
மனித நேயத்தின் தவறுக்காய் வருந்தியது குணம்.
இலவச முதியோர் காப்பீடு.!!!!!!!

காடு அழித்து மண்மேடு செப்பனிட்டு
மச்சு வீடு மாளிகை கட்டி
இயற்கையைச் சீண்டி செயற்கைத் தரம் உயர்த்தும் காட்டு மிராண்டி.
செலுலோயிடின் தவறுக்காய் மனம் வருந்தியது இயற்கை
மிச்சம் இருக்கும் பசுமை!!!!!!

விழாகால இலவசமாய் மன்னிப்புகள் இருக்கும் வரை
விசேஷ விருந்தாளியாய் இதர சில தவறுகளும் தொடரும்….

 

ஆமாம்.
மன்னிப்பு இருக்கும் வரை
தப்பும் தடை இல்லாமல் நீண்டு கொண்டே போகும்
உன் பண்பான முதல் வரவுக்கும் மிக்க நன்றி தங்கையே

 

பயம் அது இருக்கு
தப்பு செஞ்சுடோம்ன்னு இல்ல
எங்க செஞ்ச தப்பு வெளியில தெரிஞ்சு மாட்டிப்பமோன்னு....
"எனக்கு தமிழ்ல புடிக்காத வார்த்தை மனிப்பு தான்"னு நம்ம விஜயகாந்த சொல்றமாதிரி சொல்லி ..சாட்டைய சுத்தினா தான் சரிப் படும் போல ....
ரொம்ப நன்றி உங்கள் கருத்துக்கும் கனிவான வருகைக்கும்