ஓ..ரா...யி..ர..ம் பார்வையிலே....!!!!!!!

கணவனை இழந்த ஒரு இளம் பெண்ணின் பழைய வாழ்க்கைக்கான புதிய அஸ்திவாரம்..........

வீட்டுக்குள் இருக்கையில்
வேகமாய் என்மேல் படும் பார்வைகள்
சாக்கடைக்குத் தப்பிய வார்த்தைகள்.

வீதியில் நடக்கையில்
வீணாய் என்மேல் படும் பார்வைகள்
வீச்சருவாளுக்குத் தப்பிய வார்த்தைகள்

வீடுவந்து சேர்கையில்
எரிச்சலாய் என்மேல் படும் பார்வைகள்
தற்கொலைக்குத் தப்பிய வார்த்தைகள்.

தப்பர்த்தங்களாய் எப்போதும் பார்வைகள்
என்மேல்.
ஏகமாய்,ஏகாந்தமாய்,ஏளனமாய்
அக்கினியாய்,அழுக்காய்,அசிங்கமாய்
கடினமாய் ,கல்வெட்டாய், கரடுமுரடாய்
முகஸ்துதியாய்,முகாந்திரமாய்.முணுமுணுப்பாய்
பார்வைகளின் வெப்பம் தாளாமல்
அவைகளின் அர்த்தம் தெரியாமல்
நானும் என் விழியும்
மனதோடு ஈரமாய் ........

இத்தனைப் பார்வை என் மேல் ஏன் என்று
அவள் அவனிடம்.
ஒரு மணம் முறிந்து
நான் மறுமணம் தேடுவதாலேயா ?
ஒரு கணம் சிந்தித்து
நான் உன்மனம் நிற்பதாலேயா?
ஒரு கனம் குறைந்து
நான் உள்மனம் நிறைவதாலேயா ?
இத்தனைப் பார்வை என் மேல் ஏன் என்று
அவள் அவனிடம்.

அத்தனை பார்வைகள் இருந்தாலும்
கரை தாண்டா அவை
என் காதல் என்னும் திரை தாண்டி
என் பார்வைக்குள் நீ இருக்கும்போது.
ஓராயிரம் பார்வையில்
உன் பார்வையை நான் அறிவேன்.
உன் காலடி ஓசையிலே
உன் காதலை நான் அறிவேன்.
அவன் அவளிடம்.


ஊரார் பார்வைகள்
இப்போது
அட்ஷதைகள் எங்கள் வழிகளில் !!!!!!

 

என் வரிகளுக்கு நீங்கள் கொடுத்த அடி நாதம் அருமை....
நன்றி :thumbsup

 

களத்தில் இறங்கி போராட முடியா விட்டாலும் என் கவிவரிகளில் அவற்றை கொடுக்கும் சுதந்திரமாவது மிஞ்சி இருக்கிறதே....அதற்காக மகிழ்கிறேன் ...கூடவே மென்மையான உங்கள் வரிகள் ...நன்றி

 

உண்மைதான் பெண்ணே
யார் மடிந்தால் என்ன யார் வாடினால் இவர்களுக்கென்ன ..பேசுகிற வாய் பேசிக்கொண்டே தான் இருக்கும்...அவர்களின் குணம் நமக்கு பலமாய் ....உறவுகளின் பாலமாய்...:thumbsup