செம்மொழி!!!!! தித்திக்கும் என் மொழி ....

இருக்கும் எட்டு திக்கும்
எட்டு எடுத்து வைத்திருக்கும்
என் தீஞ்சுவை தேன்தமிழ்
திக்கெட்டும் பரவட்டும்.
எட்டுத் திக்கும் தித்திக்கும் என் தமிழ்.

வந்தாரை வாழவைக்கும்
என் தமிழ் அன்னை
என்னையும் வாழவைத்து
வாழ்த்திக் கொண்டிருக்கிறாள்
திகட்டாதத் தன் செந்தமிழால் .:bowdown

அந்த
வண்டமிழின் வனத்தினிலே
திக்கித் திணறி
முதல்
எட்டு எடுத்து வைத்திருக்கும்
நான்
பொங்கும் தமிழிலே
என்னை புரையோடச் செய்திடவே
புனைகின்றேன் ஒரு வரி.

எரிகின்ற இன்பத் தீயினிலே
ஒளிர்கின்றேன் தீக்குருவி.

ஒப்பற்ற உன்னதமே
என் உயிர் மூச்சு உன் வசமே

சாதல் இல்லா உன் சாகித்தியமே
வாழ்கின்றேன்
உன் சித்தத்துள் சிரஞ்சீவியாய் !!!!

வாழிய நீ வாழியவே
வையகமே வாழ்துதுவே.
பார் புகழும் உனை ஏற்றிடவே
பாடித் துதித்திடுவேன் பாங்குடனே
என் தித்திக்கும் தேமதுரத் தமிழோசை
நீ
வாழியவே நீ வாழியவே !!!!!!

 

Re: எட்டுத் திக்கும் தித்திக்கும் என் தமிழ&a

ஒரு கரம் ஓசை தராது இருகரம் இன்ப ஓசை தரும்
என் தமிழ் ஓசை ஒலித்திடும் ஆசைக்கு
இன்னொரு கரம் கொடுக்கும் என் காரியையே
நம் தமிழ் வாழ நாம் வாழ்ந்திருப்போம்
அவளின் வற்றாத இன்பப் பெருக்கில் ...அலைகடலின் மேல் அசைந்தாடும் ஓடம் போல்
அவளோடு நாமும்அசைந்தாடிடுவோம் காலம் முழுதும்.நாம் வாழ்ந்திடும் காலம் முழுதும்.
வீழ்வது நாமாக இருப்பினும் வாழ்வது நம் தமிழாக இருக்கட்டும். :thumbsup

 

Re: எட்டுத் திக்கும் தித்திக்கும் என் தமிழ&a

நீ அருமை என்று சொன்னதும் இன்பத் தேன் வந்து பாய்ந்தது என் காதினில் ........
நன்றி

 

என் தமிழ் வரிகள் உங்களுக்கு இன்பத்தை வாரிக் கொடுத்ததில் எனக்கு மகிழ்ச்சியே.
நன்றி.

 

எல்லாம் அடுத்த வாரம் தொடங்க இருக்கும் செம்மொழி மாநாடு தந்த வேகம் தான்.அங்கு போய் கலந்து கொள்ள முடியாது போனாலும் தமிழோடு கலந்து கொள்கிறேன் இங்கிருந்து உங்கள் அனைவரோடும்.
வந்து படித்து ரசித்தமையால் தமிழ் தாய் உங்களை வாழ்த்துகிறாள்.வாழ்க தமிழ்.