உதவிக்கரம்......குற்றமா குறையா

உதவி பெறுபவர் உபத்திரவம் தராதவர்
உதவுபவர் உபத்திரவம் பெறுபவர்.....



காரியம் என்றால் பேச்சு கற்கண்டாய் இனிப்பு
முடிந்ததும் வெறும் பல் இளிப்பு
இவர்களின் வெறுப்பு -சொற்களில் நெருப்பு
எப்படி முடிகிறது இவர்களால் மட்டும்
ஏறிவந்த ஏணியை எட்டி உதைக்க
இது பகட்டு உறவுகளின் பகல் வேஷம்

பிரதி பலன் கேட்க வில்லை.
என்னை பின்னால் பிய்த்து போட வேண்டாம் என்கிறேன்
என்னை மறக்க வேண்டாம் என்று சொல்லவில்லை
என் மனதை ரணமாக்க வேண்டாம் என்கிறேன்.

நானும் விழுவதாய் இல்லை
என் இலக்கில் இருந்து
அவர்களும் திருந்துவதாய் இல்லை
அவர்களின் முனைப்பில் இருந்து
விழி பிதுங்கி நிற்கின்றேன் மீளும் திசை தெரியாமல்.

கருணையை என் கண்ணில்,
கனிவை என் பேச்சில்
உதவும் குணத்தை நெஞ்சில் வைத்தது என் குற்றமா
செய்ததில் குறையா ...என் செய்கையில் குறையா
செய்யாமல் விட்டதில் சில பிழையா
செய்து விட்டதில் சில பிசகா
புரியாமல் நிற்கிறேன் ...
கொஞ்சம் காயங்களுடனும் நிறைய பிரியங்களுடனும்

 

யாருக்கும் என்று இல்லை இது எல்லோருக்கும் வரும் தொல்லை தான் எனக்கு கொஞ்சம் அதிகமாய் போய்விட்டது அது தான் இந்த அதிரடி பதிலடி
போட்டால் மட்டும் புரியவா போகிறது அந்த சுயநல சுப்பன்களுக்கு
பகிர்ந்து கொண்டாதால் பாரம் குறைந்தது எனக்கு.
மகிழ்ச்சி. முதலாய் வந்து பின்னூட்டம் கொடுத்ததற்கு
நன்றி

 

நல்லவளாய் இருப்பது தான் என் குறையோ என்று பல முறை யோசித்து உண்டு.
சில சிற்றெம்புகளுக்கக்காக என் சிந்தையை மாற்றி கொள்ள மனம் இல்லை.திட்டவும் மனம் இல்லை. பொறுத்துக் கொள்கிறேன் அதீத பொறுமையை ஆண்டவன் கொடுத்திருப்பதால்.
அன்பினால் செய்ய முடியாதது ஒன்றும் இல்லை.


நன்றி தோழியே நலிந்து கிடந்த என் மெலிந்த மனதிற்கு உரமாய் நீ கொடுத்த வரமான வரிகளுக்கு :bowdown:bowdown:bowdown:bowdown

 

அதுவும் சரிதான் லதா .
ஆனாலும் கொஞ்சம் கூட மன சாட்சி இல்லாம பேசும் போது ,கொஞ்சம் வலிக்கத்தான் செய்கிறது .
நன்றி .அறுதல் தந்த தோழிக்கு .:bowdown