Tamil And Tulu.

ksuji · Oct 14, 2016

ராமன் பதவி உயர்வு பெற்று மங்களூருக்குச் சென்றார் .
அவர் மனைவி ரேவதி .
இரண்டு பேருக்கும் கன்னடம் , துளு , கொங்கணி மூன்று பாஷையும் தெரியாது .
நல்ல வேளையாக பக்கத்து பிளாட்ல பத்து வருஷமாயிருக்கும் சாந்தாவுக்கு தமிழ் தெரியும் .
சாந்தா ரொம்ப நல்ல மாதிரி .
இவர்கள் வருவதற்கு முதல் நாளே
இவர்களுக்காக , வேலைக்காரியின் உதவியுடன் , பிளாட்டைப் பெருக்கி மெழுகி ,கோலம் போட்டு , காய்கறி வாங்கி வைத்து , பாலுக்கு சொல்லி வைத்து ....என ரொம்ப உதவி செய்தார்கள் . ராமனும்
ரேவதியும் நன்றி தெரிவித்து மாளவில்லை .
மறுநாள் காலை :-
பால்காரம்மா ரேவதி வீட்டுக் கதவைத் தட்டி பால் ஊற்றினாள் .
ரேவதி ," உன் பேரு என்னம்மா ?"
என்று கேட்டாள் .
பால்காரம்மா ," பேரு இஜ்ஜி " என்று சொல்லிவிட்டுக் கிளம்பினாள் .
ரேவதி ஏதோ கேட்பதற்காக பால்காரம்மாவைக் கூப்பிட்டாள் .
அது அந்த அம்மா காதில் விழவில்லை .
உடனே ரேவதி உரத்த குரலில் "இஜ்ஜி , இஜ்ஜி " என்று நான்கைந்து முறை கூப்பிட்டாள் .
உடனே பக்கத்து பிளாட்டில் இருந்து சாந்தா வந்தாள் . " ஏன் கத்துகிறீர்கள் . என்ன வேண்டும் ?" என்றாள் .
ரேவதி : பால்காரம்மாவை
கூப்பிட்டுக்கொண்டு இருக்கின்றேன் .
சாந்தா : என்ன பேர் சொல்லி கூப்பிட்டுக் கொண்டிருக்கிறீர்கள் ?
ரேவதி : இஜ்ஜி என்றுதான் .
சாந்தா : யார் சொன்னது ?
ரேவதி நடந்ததை எல்லாம் சொன்னாள் .
அதைக் கேட்டதும் சாந்தா விழுந்து விழுந்து சிரித்தாள்.
சாந்தா : துளு பாஷயிலே 'பேரு ' என்றால் ' பால் ' ; இஜ்ஜி என்றால் இல்லை .
நீங்க பேரு ன்னு சொன்ன உடனே பால்தான் கேட்கிறீங்க என்று நினைத்துக் கொண்டு , பால் இல்லை என்பதற்கு "பேரு இஜ்ஜி " என்று சொல்லி இருக்கிறாள் .
ஒரே சிரிப்பு .