Picasa கற்பித்த பாடம்!

rajiram · Oct 11, 2011

ஆல்பங்கள் செய்ய விழையும் எனக்கு,
ஆவென வியக்க, ஒரு நிகழ்வு வந்தது!

படமெடுத்த நிலவை ஆல்பத்திலே இட,
படத்தில் வெளிச்சம் அதிகம் தெரிந்திட,

மென்பொருள் Picasa வின் உதவியால்,
மேன்மையாக்க, உடனே முனைந்தேன்.

படத்தின் Exposure ஐக் குறைத்துவிட்டு,
படத்தைப் பார்த்து மிக அதிசயித்தேன்!

பளிச்சென நிலவின் கறைகள் தெரிய,
பளிச்சென நினைவில் எண்ண அலை!

வெளிச்சம் நமது அன்புக்கு ஒப்பானால்,
வெளிச்சம் மறைக்கும் கறைகள் போல்,

அன்பு மறைக்கும் மனிதரின் குறைகள்!
அன்பு கொண்டு, மறப்போம் குறைகள்!

இன்று கற்றுக்கொண்டது நல்ல பாடம்,
என்றும் நிலைத்திட மனமும் வேண்டும்!

:thumbsup

AkhilaaSaras · Oct 11, 2011

ராஜி,

சாதரணமான விஷையத்தை அழகாக சொன்னிர்கள். பல பழத்தை எடுத்து கொண்டான் அதன் தோல் குத்துகிறதே என்று விட்டு வைப்பதில்லை கட்டப்பட்டு அதனை நறுக்குகிறோம். அதே போல் மனிதனின் குறைகளை தூக்கி எரிந்து அவர் நிறையை மட்டும் எடுத்துகொண்டோமானால் நல்லதே நடக்கும்,.