மித்ர மாளிகை..!

Rajeni · Mar 22, 2017

MuraliJK said: ↑

NICE
Click to expand...

Thanks Murali!

ramyarajan · Apr 1, 2017

N

Rajeni said: ↑

*** Climax Chapter ***

32. மித்ர மாளிகை – தீர்ப்பு!

மித்ரா ரெஸிடென்ஸின் பிரம்மாண்டமான வரவேற்பறை! ‘ப’ வடிவில் போடப்பட்டிருந்த சோஃபாக்களில் ஒரு நீண்ட சோஃபாவில் கௌதமும் அவனுக்கு வலதுபுறம் விக்ரமும் இடப்புறம் இராமசந்திரனும் அமர்ந்திருக்க எதிரில் இருந்த ஒரு ஒற்றை சோஃபாவில் டாக்டர் அசோக்குமார் அமர்ந்திருந்தார். மீதமிருந்த சோஃபாக்களில் மித்ராவும் மனோவும் ஒன்றில் அமர்ந்திருக்க மற்றொன்றில் மேகா அமர்ந்திருந்தாள்.

கௌதம் மற்றும் டாக்டரை தவிர மற்ற அனைவர் முகங்களிலும் ஒரு தீர்ப்பை எதிர்நோக்கும் ஆவல். மேகாவின் முகத்தில் கூடுதலாய் குழப்ப ரேகைகள். மித்ராவிற்கும் கௌதமிற்கும் பாங்கில் என்ன கிடைத்தது என்பது அவளுக்கு தெரியவில்லை. அவள் கேட்டபோது ‘சொல்கிறேன் பொறு’ என்றுவிட்டு இந்த கூட்டத்தைக் கூட்டியிருக்கிறான். இது எதற்காக என்று யோசிக்க அவளுள் விபரீதமான சந்தேகங்கள் எழுந்தன. சற்று தலைதிருப்பி டாக்டரின் முகத்தை ஆராயத்துவங்கினாள்.

அறையின் ஏ.சி. குளுமையிலும் அவர் முகத்தில் மெலிதான வியர்வை பிசுபிசுப்பு. தன் ஃப்ரேம்லெஸ் கண்ணாடியை கழற்றி துடைத்து மீண்டும் அணிந்து கொண்டவர் நிமிர்ந்து கௌதமைப்பார்த்தார். அவனும் அவரைத்தான் அமைதியாக பார்த்துக்கொண்டிருந்தான். அந்த இடத்தின் அமைதி அங்கிருந்த அனைவருக்கும் ஒரு அசௌரியத்தை தந்தது. டாக்டருக்கும் அது தாங்கமுடியாமல் போக கௌதமை பார்த்துக்கேட்டார், “சொல்லுங்க கௌதமன்.. எதுக்கு என்ன இங்க வர சொன்னிங்க?” என்றார்.

“ஏ.பி.யோட கேஸ் ஒரு முடிவுக்கு வரவேண்டாமா? உங்க ஃபெரெண்டுக்கு நியாயம் கெடைக்கனும்னு உங்களுக்கு ஆசையில்லையா டாக்டர்?” என்றான் சாதாரணமாக.

“நியாயமா? நீங்க என்ன சொல்றிங்க? அவன்.. அவன்.. ஹார்ட் அட்டாக்ல இறந்தான்..” தடுமாறியவருக்கு இன்னும் அதிகமாக வியர்த்தது.

“ஹார்ட் அட்டாக்! இவ்வளவு சொத்துள்ள உங்க ஃப்ரெண்டுக்கு திடீர்னு ஹார்ட் அட்டாக் வருது.. உங்களுக்கு சந்தேகமே வரலயா? ஒரு அட்டாப்ஸி பண்ணனும்னு ஏன் தோணல?” கௌதமின் கண்கள் ஈட்டியாக அவரைத் துளைத்தன.

“அவனுக்கு ஏற்கெனவே ஹார்ட் அட்டாக் வந்திருக்கு.. ஹீ இஸ் அ ஹார்ட் பேஷன்ட்.. ஸோ.. அதுல சந்தேகபட என்ன இருக்கு?” என்றார்.

“உங்க நண்பனோட விசித்திரமான உயில் பத்தி தெரிஞ்சும் கூடவா சந்தேகம் வரல?”

“நான் டாக்டர்..போலீஸோ வக்கிலோ இல்ல” கோபமாக வந்தது பதில். “நீங்க பேசறத பாத்தா நான் வேணும்னே அட்டாப்ஸி பண்ணலனு சொல்லுவிங்க போல.. ஏன் நான் தான் கொன்னேன்னு சொல்லுங்களேன்!” என்றார்.

“அத நீங்க தான் சொல்லனும்..”

“கௌதமன்!”

“ரிலாக்ஸ்! இதோ உங்க ஃப்ரெண்டுக்கு நீங்க ப்ரிஸ்கைப் பண்ண மெடிசின்னோட கெமிக்கல் அனாலிஸிஸ் ரிப்போர்ட்” என்று அந்த லேப் ரிப்போர்ட்டை அவரிடம் நீட்டினான்.

“மெடிசின்ஸ் கூட நீங்களே வாங்கிட்டு வரதுதான் வழக்கம் இல்லையா?” என்றான் கௌதம் தொடர்ந்து.

தன் கைக்குட்டயை எடுத்து நெற்றியை ஒற்றிக்கொண்டவர் சொன்னார், “திஸ்... திஸ் இஸ் ரிடிகுலஸ்.. நான் ப்ரிஸ்க்ரைப் பண்ண மெடிசின்ல இவ்ளோ டைஜாக்ஸின் இருக்காது..”

“அப்பறம் எப்படி டாப்லெட்ல இவ்ளோ வந்துச்சு? நீங்க வாங்கிட்டு வந்த டாப்லெட் தானே?” என்றான் கௌதம். பின் அவனே தொடர்ந்து, “சரி அத விடுங்க.. இவரு யாருனு தெரியுதா?” என்றான் விக்ரமைக்காட்டி.

“தெரியாது” என்றார் டாக்டர் பொறுமையிழந்திருந்த குரலில்

“டேய்.. அவன நிஜமாவே உனக்கு அடையாளம் தெரியலயா?” என்றார் இராமசந்திரன் நம்பமுடியாமல்.

மீண்டும் விக்ரமைப்பார்த்த டாக்டரின் முகம் மாறியது. “விஜய்நந்தனையும் தெரியாதா?” என்றான் கௌதம்.

டாக்டர் பேச்சிழந்து அவனை பார்த்தார். கௌதம் தொடர்ந்தான், “விஜய் நந்தன்.. அவருக்கும் அருள் பிராபாகருக்கும் நடந்த சண்டை.. அதுக்கு காரணமான பொண்ணு.. அவள நீங்க எதேர்ச்சியா விஜய் வீட்ல பாத்தது.. நியாபகம் வருதா?” என்றான் கேலியாக.

ஆமோதிப்பாய் தலையசைத்தார் டாக்டர்.

“அந்த பொண்ண பாத்த அன்னைக்கு நீங்க தான் டென்னிஸ் விளையாண்டே ஆகனும் சொல்லி எல்லாரையும் விஜய் வீட்டுக்கு கூடீட்டு போனிங்க.. அது நியாபகம் இருக்கா? அன்ட் விஜயோட கார அந்த பொண்ணு வீட்ல கொண்டுபோய் நிறுத்துனது நியாபகமிருக்கா?” என்றான் தொடர்ந்து.

“ஸ்டாப் இட்.. திஸ் இஸ் த லிமிட்.. நான் அந்த மாதிரி பல தடவ அவங்கள விளையாட கூப்ட்ருக்கேன்.. அதுக்கெல்லாம் இப்படி அர்த்தம் கற்பிப்பிங்களா? வாட் எவிடென்ஸ் யூ ஹாவ் அகென்ஸ்ட் மீ?” என்றார் காட்டமாக.

“எவிடென்ஸ்? ஏ.பி.க்கு அந்த மருந்த ப்ரிஸ்க்ரைப் பண்ணி வாங்கியும் குடுத்தது நீங்க! ஏ.பி. இறந்தப்போ அட்டாப்ஸியே பண்ணாம ஹார்ட் அட்டாக்னு சர்டிஃபை பண்ணது நீங்க..” என்று அவன் முடிப்பதற்குள் டாக்டர் வேகமாக குறுக்கிட்டார், “என்ன குற்றவாளினு நிருபிக்க இந்த எவிடென்ஸ் போதாது”

“அத சொல்ல நீங்க போலீஸோ வக்கீலோ இல்லையே!” என்றான் கேலியாக.டாக்டரின் முகத்தில் ஒரு பயத்தின் சாயல் படிந்துகொண்டது.

“சரி அந்த வேலக்காரப்பொண்ணு மீனாவ எதுக்கு கொன்னிங்க? உங்கள பாத்துட்டானா? ராஜிய ஏன் கொல்ல வந்திங்க? இப்பவும் கோமால இருக்கவரைக்கும் தான் உயிரோட வச்சிருப்பிங்க இல்லையா?” என்றான்.

“நா.. நான் எதுக்கு அவங்கள எல்லாம் கொல்லனும்? ராஜிய கொல்ல வந்தாங்கனு உங்களுக்கே நான் தானே கால் பண்ணேன்?” என்றார் தடுமாற்றத்துடன்.

“அப்படி ஒரு அட்டாகே நடக்கல! நீங்க சொன்ன அந்த ரெண்டு பேர உங்கள தவிர ஹாஸ்பிட்டல்ல யாருமே பாக்கல.. அண்ட் சி.சி டி.வி. காமிராஸ் எதுவுமே ரெக்கார்ட் ஆகல.. ஸோ.. எங்கள திசை திருப்ப அது உங்களோட ட்ராமா”. அவன் பேசிக்கொண்டிருக்க சஞ்சை உள்ளே வந்து மேகா அருகில் அமர்ந்தான். ஒரு வினாடி கௌதமின் விழிகள் அவன் மீதுபட சஞ்சை அவனுக்கு மட்டும் புரியும் வண்ணம் மெல்ல ஒரு முறை ஆமோதிப்பாய் தலையசைத்தான்.

“இல்ல.. நோ.. சி.சி டிவி காமிரா வேலை செய்யல” டாக்டர் திணறினார்.

“அது ராஜி ரூம் இருந்த ஃப்ளோர்ல மட்டும் தான் வேலை செய்யல.. பட் மத்த எந்த காமிராலையும் சந்தேகப்படற மாதிரி ஒன்னுமே இல்லையே! ஏ.பி.யோட மரணத்துக்கு மட்டுமில்ல விஜய்நந்தனோட மரணத்துக்கும் நீங்க பதில் சொல்லனும்” என்ற கௌதம் தொடர்ந்து, “சொல்லுங்க மாமா.. அன்னைக்கு இவர் தானே உங்கள எல்லாம் விளையாட கூப்ட்து?” என்றான் கௌதம் இராமசந்திரனை நோக்கி.

அதிர்ந்து அமர்ந்திருந்த அவர் ஆமோதிப்பாய் தலையசைத்து சொன்னார், “ஆமா.. ஆனா அது.. அதுக்கு பின்னாடி இப்படி ஒரு சூழ்ச்சி இருக்கும்னு நான்.. நாங்க யாருமே நினைக்கலயே!” என்றார் நடுக்கத்துடன். அவர் கண்களில் கண்ணீர் வழிந்தது.

“டேய்.. இதெல்லாம் நடந்தப்போ நான் ஊர்லயே இல்ல.. கான்ஃப்ரென்ஸ் போயிருந்தேன்.. நடந்தது முக்கால் வாசி நீயும் ஏ.பி.யும் தான டா எனக்கு சொன்னிங்க?”

“ஆமா.. கான்ஃப்ரென்ஸ் பொயிட்டெல்ல.. ஒரு வேல உம்மேல சந்தேகம் வரக்கூடாதுனு தான் பொயிட்டியோ? எல்லாமே ப்ளாட்ட் இல்ல? சொல்லு டா.. எதுக்கு இப்படி எல்லாம் பண்ணேனு சொல்லிடு.. அது மட்டும் தான் எனக்கு புரியல.. விஜய் தொடங்கி அந்த மீனா வரைக்கும் எல்லாரையும் எதுக்கு கொன்ன? சொல்லு.. சொல்றியா இல்ல நானே உன்ன கொல்லவா?” என்று பாய்ந்து டாக்டரின் சட்டையை பிடித்தார் இராமசந்திரன்.

கௌதம் அவரை பிடித்து விலக்கி அமர வைத்தவாறு சொன்னான், “ரிலாக்ஸ் மாமா! உங்களுக்கு ஆல் ரெடி உடம்பு சரியில்ல!” என்றான் கௌதம்.

“இல்ல கௌதம்.. கூடவே இருந்து இப்படி பண்ணிருக்கான்.. நாங்களும் ஃப்ரெண்டுன்னு கன்மூடித்தனமா இவன நம்பிருக்கோம்.. ஆனா இவனுக்கு அப்படி எதுவுமே இல்லயே. துரோகி! ஹாஸ்பிட்டல்ல யாருமே வராம அட்டாக்னு பொய் சொல்லிருக்கான் உங்கிட்ட. அந்த மாதிரி தான் எங்களையும் இவனே ப்ளான் பண்ணி விஜய் வீட்டுக்கு கூடிட்டு போயி.. அந்த மாதவிய வரவச்சு.. அப்புறம் ஒன்னும் தெரியாத மாதிரி கான்ஃப்ரென்ஸ்னு வெளியூர் பொயிட்டு.. அதே சமயம் ஏ.பி. மாதிரி பேசி விஜய் கார வாங்கி அந்த பொண்ணு வீட்ல நிறுத்தி எங்கள நம்பவச்சு.. எவ்” என்று தொடர்ந்தவர் சட்டென நிறுத்தி திரும்பி கௌதமைப்பார்த்தார். அவனும் பளிச்சிடும் கண்களுடன் அவரைத்தான் பார்த்துக்கொண்டிருந்தான்.

அதிர்ந்து எழுந்த மேகா கேட்டாள், “ஏ.பி. மாதிரி பேசியா? அது உங்களுக்கு எப்படி தெரியும்?” என்றாள்.

கௌதம் பதில் கூறாமல் இராமசந்திரனையே பார்த்துக்கொண்டிருந்தான்.

“அது.. அது எனக்கு தெரியும்.. ஜெயில்க்கு போகும் போது விஜய் எங்கிட்ட சொன்னான்.. ஏ.பி. தான் ஃபோன் பண்ணி கார் கேட்டான்னு.. ஸோ இவன் தான் அவன மாதிரி பேசிருக்கனும்” என்று தடுமாற்றமாக துவங்கி கோபமாக டாக்டரைப்பார்த்து சொன்னார்.

“ஏ.பி. மாதிரி யாரோ பேசி ஏமாத்திருக்காங்கனு தெரிஞ்சும் நீங்க விஜய் நந்தன காபாத்த ட்ரை பண்ணாம விட்டுடிங்களா?” என்றான் கௌதம் பொய்யான வியப்போடு.

“கௌதம் நான் தான் ஏற்கெனவே சொன்னேனே இன்வெஸ்டிகேட் பண்ண போதுமான இன்ஃபர்மேஷன் இல்ல.. விஜய்யும் அதுக்கு மேல எங்கிட்ட எதுவுமே சொல்லல..” என்றார் கவலையாக.

“த ஃபேமஸ் க்ரிமினல் லாயர் இராமசந்திரனுக்கு இது ஒரு விஷயமா? கொலைனு டிஸ்ட்ரிக்ட் கோர்ட்ல தீர்ப்பான ஒரு கேஸ்ஸ தற்கொலைனு ஹை கோர்ட்ல மாத்தி தீர்ப்பாக வச்ச இராமசந்திரனுக்கு குரல மாத்தி பேசினது யாருனு கண்டுபிடிக்க முடியாதா?” என்றான். குரலில் ஏளனம் எட்டிப்பார்த்தது.

சஞ்சை தவிர அறையிலிருந்த அனைவரும் அதிர்ந்து அவர்களின் இருக்கையின் நுனிக்கு வந்திருந்தனர். மேகா அப்படியே அதிர்ந்து நின்றிருந்தாள். எல்லா முகங்களும் மிதமிஞ்சிய திகைப்பில் உரைந்திருந்தது.

“இன்னொரு இன்ட்ரெஸ்டிங் இன்ஃபோ சொல்லட்டுமா? அப்படி நீங்க தற்கொலைனு மாத்தி விடுதலை வாங்கி குடுத்தது அந்த மாதவியோட அண்ணனுக்கு! இல்லையா?” என்றான்.

அதற்குமேல் தாங்கமாட்டாமல் மேகாவின் கால்கள் வழுவிழக்க அவள் தொய்வாய் சோஃபாவில் அமர்ந்தாள்.

ஒரு நொடி மகள் மீது கவலையோடு பதிந்த அவர் விழிகள் மீண்டும் கௌதமை பார்த்தன.

“அவ அண்ணன் கேஸ்ல நான் ஆஜர் ஆனா அவளுக்கும் எனக்கும் சம்மந்தம் இருக்குனு அர்த்தமா?”

“குட் பாய்ன்ட்.. ஆனா நீங்க ஃப்லாஸ்பேக் சொல்லும் போது டி.வி ஆட்ல தான் மாதவிய முதல்ல பாத்தா சொன்னிங்க.. எதுக்காக அவள யாருன்னே தெரியாதுனு மறச்சிங்க? அவ வீட்டுக்கு உங்க ஃப்ரெண்ஸோட போனப்போ கூட அவள தெரிஞ்ச மாதிரி ஏன் காட்டிக்கல?”

நடப்பது புரியாமல் குழம்பி பார்த்துக்கொண்டிருந்த டாக்டர் தன்னையறியாமல் கேட்டார், “அவள உனக்கு தெரியுமா?”

“அது.. அது..”

“அண்ட்.. உங்க ஃப்லாஷ்பாக்ல இன்னொரு திருத்தம்.. ஹைப்போதெட்டிகலி (hypothetically), இந்த மாதவிய உங்களுக்கு ஆல்ரெடி தெரியும்னு வச்சுக்குவோம்.. அவள விஜய் வீட்டுக்கு வரசொன்னதும் நீங்கதானு வச்சுக்குவோம்., அப்போ டாக்டர் எப்படி கரக்டா விளையாட கூப்டாரு? ஸோ லாஜிக் படி கூப்டது நீங்களா தான இருக்கனும்? ம்? ஸோ உங்க வசதிக்காக கதைய லேசா டுவிஸ்ட் பண்ணி டாக்டர் கூப்டாருனு நீங்க சொல்லிருக்க சான்ஸ் இருக்கு? ஐ மீன் ஹைப்போதெட்டிகலி, இல்லையா?” என்றவன், “எப்பவுமே நீங்க தான் விளையாட கூப்பிடுவிங்க.. ஸோ.. நீங்க கூப்டிங்கனு சொன்னதும் உங்களுக்கு மறுக்கத்தோணல.. உண்மைல உங்களுக்கு யாரு கூப்பிட்டானு நியாபகமிருக்கா?” என்றான் டாக்டரைப்பார்த்து. அவர் இல்லை என்பதாய் தலையசைத்தார்.

“நல்ல கற்பனை” என்றார் இராமசந்திரன்.

“கற்பனையில்ல கணிப்பு..” என்றான் கௌதம்.

“கோர்டுக்கு கணிப்பு பத்தாது.. சாட்சி வேணும்..”

“இது சாட்சிக்கு போதுமானு பாருங்க?” என்று ஒரு காகிதத்தை தன் சட்டைக்குளிருந்து எடுத்து படிக்கத்துவங்கினான்.

“அன்புள்ள அருள்,

இந்த கடிதம் கிடைக்கும் பொழுது வயசாகியிருக்கும் உனக்கு! வயசானால் நீ எப்படி இருப்பாய் என்று இப்போதே கற்பனை செய்ய முயற்சி செய்கிறேன். கற்பனையில் மட்டுமே உன்னை என்னால் அப்படி பார்க்க முடியும்.

உன்போல ஒரு நண்பன் யாருக்கும் கிடைக்கமாட்டான். துரியோதன்னுக்கு கர்ணன் கிடைத்தது போல! அதில் கூட துரியோதனனால் கர்ணனுக்கு அங்கீகாரமும் அரசும் கிடைத்தது. ஆனால் என்னால் உனக்கு எந்த பயனுமில்லை, கடைசியில் நான் சுமத்திய பழியைத்தவிர! என்ன மன்னிச்சுருடா. உன்ன சந்தேகப்பட்டது முட்டாள்தனம். பொறுமையா உங்கிட்ட பேசிருந்தா பாரதியையும் இழந்து இப்படி இந்த நிலமைக்கு வந்திருக்கமாட்டேன்.

ஏதேதோ உங்கிட்ட சொல்லனும்னு நினைச்சேன். ஆனா இப்ப எழுத முடியல. நான் உன்ன சந்தேகப்பட முக்கிய காரணம், அன்னைக்கு கார் வேணும்னு உன் குரல்லயே யாரோ போசினாங்க! அது நீதான்னு அப்போ நான் நினேச்சேன்.. இப்போ யோசிச்சா உன் குரல கேட்ட யாரு வேணா உன் மாதிரி மிமிக்கெரி பண்ணிருக்கலாமே! ஏன் நம்ப இராம் கூட காலேஜ்ல உன்னமாதிரி பேசுவான் நியாபகமிருக்க? அந்த மாதிரி யாரோ பேசினத நீனு நம்பி தப்பு பண்ணிட்டேன். ஏற்கெனவே எனக்குள்ள இருந்த தாழ்வு மனப்பாண்மை உன் மேல கோவப்பட வச்சிடுச்சு.

இதெல்லாம் இப்போதான் புரியுது. நீ எப்பவும் சொல்ற மாதிரி எனக்கு சாமர்த்தியம் பத்தாதுடா. இந்த உலகத்துல சாமர்த்தியமில்லாதவங்களுக்கு இடமில்ல!

என்ன நினச்சு வருத்தப்படாதே! விக்ரம பாத்துக்கோ! அவன் என்ன மாதிரி இருக்கமாட்டான். வாழ்க்கை அவனுக்கு நிறைய கத்துக்கொடுத்திருக்கும். இனி அவனோட எதிர்காலத்துக்கு உன்னவிட சிறந்த வழிகாட்டி யாரும் இருக்கமுடியாது!

என் வாழ்வில் அனைத்தும் நீ தந்ததே! அதை காப்பாற்றி கொள்ளதெரியாமல் தொலைத்ததுதான் நான்! என்னை மன்னித்துவிடு!

என்றும் உன் நண்பன்,

விஜய்"

அந்த கடிதத்தை மடித்தவன், “இது ஏ.பி.க்கு விஜய்நந்தன் எழுதின கடைசி லெட்டர்” என்றான். “இதுல விஜய் தனக்கே தெரியாம ஒரு க்ளுவ குடுத்துட்டாரு.. இல்ல?” என்றான் அவனே தொடர்ந்து.

இராமசந்திரனின் முகம் வெளிறியிருந்தது. அவர் கைககளில் சிக்காமல் ஆட்டம் காட்டிய அதே கடிதம்.

கௌதம் திரும்பி சஞ்சையைப்பார்க்க அவன் தன் சட்டை பாக்கெட்டிலிருந்து எதையோ எடுத்து கௌதமிடம் நீட்டினான். அதை வாங்கி பிரித்த கௌதம் அதை இராமசந்திரன் முன் காட்டி இது என்னனு தெரியுதா?”என்றான்.

அது ஏ.பி.யின் டைரியிலிருந்து காணாமல் போயிருந்த பக்கம். “காண்டாக்ட் டிடெக்டிவ் ரெக்ஸ் – ரிகார்டிங் மாதவி” என்று குறித்திருந்தது அதில். இராமசந்திரன் அதைப்பார்த்த நொடியிலிருடந்து அதிகமாய் வியர்க்க துவங்கியிருந்தார். அடிக்கடி அவர் பார்வை மேகா மேல் படிந்து மீண்டது. அவள் எதையும் உணராமல் தரையை வெறித்தவண்ணம் அமர்ந்திருந்தாள்.

“இது எங்க இருந்தது தெரியுமா? ஹை கோர்ட்ல உங்களோட சாம்பர்ல” என்ற சஞ்சை, “அப்படியே இவங்கள தெரியுதானு பாருங்க..” என்று கூறி “சார்..” என்று அழைத்தான் வாயிலைப்பார்த்து.

இரு கான்ஸ்டெபில்கள் துணையோடு இருவர் உள்ளே நுழைந்தனர்.

“இவங்க உங்க கிளைன்ட்.. ட்ரங்க் அண்ட் ட்ரைவ் கேஸ்ல போன வாரம் நீங்க ஜாமின் வாங்கி குடுத்த டிரைவரும் அவரோட தம்பியும். திடீர்னு உடம்பு சரியில்லனு ரெண்டு நாளைக்கு முன்னாடி டாக்டரோட ஹாஸ்பிட்டல் அட்மிட் ஆயிருக்காங்க.. டெஸ்டெல்லாம் நார்மல் ஆனா தீராத நெஞ்சு வலி!” என்றான் சஞ்சை.

“இட்ஸ் ஓவர் மாமா!” என்றான் கௌதம்.

இராமசந்திரன் சட்டென எழுந்தார். கௌதமும் சஞ்சையும் ஒரு சேர எழுந்தனர். மெல்ல சிரித்தவர், “ஐ ஹாவ் டு யூஸ் த ரெஸ்ட் ரூம்” என்றார்.

“நீங்க சொல்ல வேண்டிய சில விளக்கங்கள் இருக்கு.. அத சொல்லிட்டு போலாமே” என்றான் கௌதம்.

“என்ன விளக்கம்?”

“மோட்டோ! ஏன் மாதவிய கொன்னிங்க? விஜய் மேல பழி போட்டிங்க?”

“இவ்வளவு பண்ண நீங்க.. அதையும் யூகிச்சிருப்பிங்களே.. சொல்லுங்க.. லெட் மீ சீ” என்றார்.

“ஹ்ம்ம்.. மாதவியோட அண்ணன் கேஸ்ல அறிமுகமான மாதவிக்கும் உங்களுக்கும் கேஸ தாண்டி தவறான உறவு. ஆரம்பத்துல இருந்த நன்றி உணர்வு நாளாக ஆக குறைஞ்சிருக்கும். மாதவி ஒரு நடிகை வேற. அவளோட தேவைகள் அதிகமாயிட்டே இருந்திருக்கும். அத பூர்த்தி செய்ய உங்களுக்கு பணம் தேவை. ஏ.பி.யில்லாத சமயம் விஜய் நந்தனோட அப்பாவித்தனத்த நீங்க பயன்படுத்திகிட்டிங்க.. சரிதானே” என்றான் கௌதம்.

“ரொம்ப ஈஸி கெஸ்தான் இல்லையா?” என்ற இராமசந்திரன் தொடர்ந்தார், “பணம் எடுத்த பழி விஜய் மேல விழும்னு நான் நிம்மதியா இருந்தப்போதான் ஏ.பி. சி.சி டிவி காமிரா பத்தி சொன்னான். அவன் அத பாக்கறதுக்குள்ள பிரட்சனைய திசை திருப்பவேண்டிய நிர்பந்தம். விஜய் ஏ.பி.யோட வீக்னெஸ்.. அவன் தப்பு பண்ணா மன்னிச்சுடுவான்.. அதே கருணைய எனக்கு காட்டிருப்பானானா சந்தேகம் தான்.. ஸோ மாதவி கிட்ட பேசி அவளுக்கு விஜய்க்கும் அஃபேர்னு ஏ.பி.ய நம்ப வைக்க டிராமா போட்டோம். ஏ.பி.யும் என்ன நம்பினான். அந்த கேப்ல நான் அந்த கேஸட்ஸ்ச எடுத்துட்டேன். விஜய் போய் கேஸட்ஸ தேடினது உண்மைதான் ஆனா அவனுக்கு முன்னடியே நா அத எடுத்துட்டேன். அவன் கேஸட்ஸ கானோம்னு எங்கிட்ட சொன்னப்போ ஏ.பி. தான் எடுத்து வச்சிருக்கான்னு அவன ஏத்திவிட்டேன். என்ன தான் ஏ.பி. என்ன நம்பினாலும் மாதவி உயிரோட இருக்குற வரைக்கும் என்னைக்கும் எனக்கு ஆபத்துனு தெரியும். ஏ.பி. சும்மா இருக்கற ஆளும் இல்ல.

ஸோ மாதவிய என்ன பண்ணலாம்னு நான் யோச்சுட்டிருக்கும் போதுதான் விஜய் எனக்கு ஃபோன் பண்ணான். அவனுக்கு மறைமுகமா மாதவி மேல கோவம் வரமாதிரி பேசினேன். அவள போயி ரெண்டு விட்டா ஒரு வேள உண்மைய சொல்லுவாளோ என்னவோனு இன் டேரக்ட்டா அவனுக்கு ஐடியா குடுத்தேன். எதுக்கும் இருக்கட்டிம்னு விஜய் வீட்ல இருந்து அவன் சட்டைய எடுக்கும் போதே நான் திருடிட்டு வந்த கத்தி அப்போ பயன்பட்டுச்சு. இரகசியமா மாதவி வீட்டுக்கு போயி விஜய் வரதுக்கு முன்னாடியே அவள கொன்னேன். எதிர்பார்த்த மாதிரியே பழி விஜய் மேல விழுந்துது. ஏ.பி. கோவமா இருக்கற மாதிரியே விஜய் கிட்ட பேசி அவங்கள முடிஞ்ச அளவு சந்திக்க விடாம பாதுக்கிட்டேன். கொழப்பத்த அதிகமாக்க தான் பாரதிக்கு தகவல் குடுத்தேன்.. ஆனா அவ அப்படி பண்ணிட்டா.. பட் அதுவும் வசதியா போச்சு. விஜய் அதுக்கபுறம் தானாவே யார்கிட்டயும் எதுவும் பேசல.. என் வேல ஈஸி ஆய்டுச்சு. ஏ.பி.கிட்ட அவன வெளிய கொண்டுவர முயற்சி பண்றதாவும் அவன் ஒத்துழைக்க மாட்டேங்கிறான்னும் சொன்னேன். விஜய் அவன பாக்க விரும்பல இன்னும் அவன் மேல கோபமா இருக்கான்னு சொன்னதுனால ஏ.பி. விஜய்ய மீட் பண்ண ட்ரை பண்ணல..” வருத்தமோ கோபமோ எதுவுமில்லாமல் சாதாரணமாக சொல்லிக்கொண்டிருந்தார் இராமசந்திரன்.

“எல்லாம் முடிஞ்சு அல்மோஸ்ட் அதையெல்லாம் மறந்தப்புறம் இத்தன வருஷம் கழிச்சு இந்த ஜெண்டில்மேன் வந்தான். இவன் மித்ராவ கல்யாணம் பண்ண வந்தப்போவே எனக்கு உறுத்தல்.. பட் அவனோட பாட்டி சொல்லி அவன் ஏ.பி. மேல தான் கோவமா இருக்கான்னு தெரிஞ்சு சும்மா இருந்தேன். பட் விஜய் இப்படி லெட்டர்லாம் எழுதுவான்னு நான் எதிர்பாக்கல. விக்ரம் ஏ.பி.ய மீட் பண்ணது எனக்கு தெரியாது. ஆனா அவன் வந்துட்டு போனப்புறம் ஒரு நாள் ஏ.பி. சாதாரணமா விஜய்ய பத்தியும் மாதவிய பத்தியும் பேசினான். அவன் என்ன ஆழம் பாக்கறான்னு எனக்கு தெரிஞ்சுது. அவனுக்கு தெரியாம கிடைச்ச ரெண்டு நிமிஷத்துல அவனோட ட்ராவ தேடினப்போ ஏ.பி.யோட லெட்டரும் அவன் டைரில மாதவி விஷயமா டிடெக்டிவ காண்டாக்ட் பண்றதுக்கு எழுதி வச்சிருந்ததும் கண்ல பட்டுது. அப்போ அத எடுத்தா அவனுக்கு சந்தேகம் வரும்னு அத அப்படியே வச்சிட்டேன். இயற்கையா அவன் செத்த மாதிரி தெரியனும்னு தான் அவனோட டாப்லெட்ஸ மாத்தினேன். டைஜாக்ஸீன் பாய்ஸனிங் நம்ப பாக்காததா?” என்றார் இடையில் கௌதமைப்பார்த்து. அவன் விரக்தியாய் சிரித்துக்கொண்டான்.

பின், அவரே தொடர்ந்தார். “அவன் செத்தப்புறம் நான் எதிர் பாத்த மாதிரியே இவன் ஹார்ட் அட்டாக்னு முடிச்சுட்டான். வில் படிக்க வந்தப்போ ஏ.பி. ரூம்க்கு போய் டேப்லெட்ஸ்ஸ எடுத்துட்டு மறுபடியும் நார்மல் டாப்லெட்ஸ வச்சுட்டு அந்த லெட்டர தேடினப்போ அத காணோம். அந்த டைரி பேஜ்ஜ மட்டும் கிழிச்சுட்டு லெட்டர அப்புறம் மத்த ரூம்ல தேடலாம்னு நினச்சேன். அதுக்குள்ள மித்ரா வந்துட்டா. எதேர்ச்சியா நீங்க பேசினத ரெஸ்டாரன்ட்ல கேட்டேன். அவளுக்கு சந்தேகம் வந்திருச்சுனு புரிஞ்சுது. அவ வீட்ல வேற தங்கியிருக்கானு தெரிஞ்சவுடனே அந்த லெட்டர அவளுக்கு முன்னாடி எடுத்துடனும்னு அவ ரூம்க்கு போனேன். அப்போதான் அந்த மீனா என்ன பாத்துட்டா. பாத்தத உடனே சொல்லியிருந்தா கதை அப்பொவே முடிஞ்சிருக்கும் ஆனா அவ எனக்கு ஃபோன் பண்ணி பேரம் பேசினா.

இதுக்கு நடுல மனோவ ஃபாலோ பண்ணதுல அவனும் அவன் ஃப்ரெண்டும் பார்ல பேசினத கேட்டேன். அவன் ஏதோ தப்பு பண்ணிருக்கான்னு புரிஞ்சுது. அந்த ஆக்ஸிடென்ட் பத்தியும் தெரிஞ்சுது. அந்த மீனா கேட்ட பணத்த தரேன்னு சொல்லி அவள பாக்க போனேன். அவள விட்டே மனோக்கு ஃபோன் பண்ணேன். ஆக்ஸிடென்ட் பத்தி சொன்னவுடனே வரேன்னு சொன்னான். அவன் வரதுக்குள்ள மீனாவ கொன்னுட்டேன். பழி மனோ மேல விழுந்துது. மனோ உள்ள இருந்தாலும் அந்த கதைய நீ நம்ப மாட்டேன்னு தெரியும். ஸோ மறுபடியும் அந்த லெட்டர் எடுக்க அடெம்ப்ட் பண்ணப்போ ராஜி என்ன பாத்துட்டா. பட் லக்கி பிட்ச்.. தப்பிச்சுட்டா. இதுல எனக்கு தெரியாம நடந்தது கீழ கிடந்த மாத்திரை, மீட் ஹிம்னு இருந்த அந்த டைரி குறிப்பு. இது ரெண்டையுமே நான் பாக்கல . அதையும் என் வீட்ல கிடைச்ச ஃபோட்டோவையும் வச்சு நீங்க என்னோட கடந்த காலத்த கண்டுபிடிச்சு அதுக்கு விளக்கம் கேட்டு எங்கிட்டயே வந்திங்க. நீங்க கொஞ்சம் லேட்டா வந்திருந்த இவன (அந்த ட்ரைவரை சுட்டி) நீங்க என் வீட்லயே பாத்திருப்பிங்க. நீங்க எங்கிட்ட பேசிட்டிருந்தப்போ வெளிய தான் நின்றுப்பான். ராஜி இருக்கறது டேஞ்சர்னு தான் இவனுங்கள அனுப்பினேன். பொதுவா ஆள் வச்சு செய்றது டேஞ்சரஸ்.. எனக்கு அது பிடிக்காது.. பட் கடைசி ரெண்டு தடவையும் என்ன யாராவது பாத்ததுல மறுபடியும் நானே போறது ரிஸ்க்னு தான் இவனுங்கள அனுப்சேன். பட் அதுவும் ஃப்லாப்” என்று நிறுத்தியவர், “டஸ் தட் ஆன்ஸர் ஆல் யுவர் கொஸ்டின்ஸ்?” என்றார் கேள்வியாக. ஏதோ பாடம் எடுத்து முடித்த ஆசிரியரைப்போல.

“பெர்ஃபெக்ட்லி!” என்றான் கௌதம் சாதாரணமாக.

“மாதவிய பத்தி எப்போ விசாரிச்சிங்க?” என்றார் அவனைப்பார்த்து.

“நீங்க ஃப்ளாஸ்பேக் சொன்னப்போதான் எனக்கு டௌட் ஆரம்பிச்சுது. உங்க கதைப்படி டாக்டர் மேல தான் சந்தேகம் வரனும். வந்துச்சு. பட் அதுல ஒரு விஷயம் இடிச்சுது. அவர் தான் மர்டரர்னா அவர் நிச்சயம் அவர் கொண்டுவந்து குடுத்த மாத்திரைல பாய்ஸன் வைக்க மாட்டாரு. அது நான் தான் கொன்னேன்னு பேப்பர்ல சொல்ற மாதிரி. அவ்ளோ முட்டாளா அவர் இருக்க மாட்டார் இல்லையா? அவர் இல்லைனா.. தட் லீவ்ஸ் ஒன்லி யூ! உங்க மேல சந்தேகப்பட காரணம்.. நீங்க விஜய்ய காப்பாத்த முடியலனு ரொம்ப ஃபீல் பண்ணிங்க. ஆனா அதுக்கான முயற்சியே நீங்க செய்யல. யுவர் ஸ்டேட்மென்ட் கான்ட்ராடிக்டட் யுவர் வேர்ட்ஸ்! நீங்க ட்ரை பண்ணிருந்த விஜய்ய காப்பத்திருக்கலாம்னு ஆஸ் அ லாயர் எனக்கு தெரியும். ஸோ அதான் ஃப்ர்ஸ்ட் டௌட். அதுக்கபுறம் இந்த டிரைவர்க்கும் உங்களுக்கும் உள்ள சம்பந்தம் தெரிஞ்சுது. உங்க பழைய கேஸ்சஸ் பத்தி விசாரிக்கறதும், உங்கள இங்க வரவச்சிட்டு உங்க சாம்பர சர்ச் பண்றதும் ஒண்ணும் பெரிய விஷமில்லயே!” என்றான் சாதாரணமாக.

ஆமோதிப்பாய் தன் தோளைக்குலுக்கினார் இராமசந்திரன்.

அங்கு நடந்த திருப்பங்கள் தந்த அதிர்ச்சியைவிட அவர்கள் இருவரும் வேறு ஏதோ ஒரு வழக்கைப்பற்றி உரையாடுவது போல சர்வசாதாரணமாக பேசிக்கொண்டிருந்தது மற்ற அனைவரையும் பிரம்மிக்கச்செய்தது.

இராமசந்திரன் மெல்ல எழுந்தார். பின் கௌதமைப்பார்த்து தன் கையை உட்புறம் காட்டி, “ஷால் ஐ?” என்றார்.

“ப்ளீஸ்..” என்று அவனும் அனுமதி வழங்கிவிட்டு சோஃபாவில் சாய்ந்து விட்டத்தை வெறித்தான்.

மேகாவின் அருகில் சென்ற இராமசந்திரன் ஒரு கரம் உயர்த்தி அவள் தலையை தொடப்போக அசைவு கண்டு மெல்ல நிமிர்ந்து அவரைப்பார்த்தாள் அவள். அவள் கண்களை கண்ட அவர் கரம் பாதியில் நின்றது. ஏதோ சொல்ல எத்தனித்த அவருக்கு வார்த்தை வரவில்லை. திரும்பி உட்புறம் நடந்தார். அங்கே வந்தபொழுது இருந்ததைவிட பல ஆண்டுகள் வயதாகிவிட்டது போல தளர்ந்துவிட்டிருந்தது அவர் நடை.

சஞ்சை கழிவறை நோக்கி செல்லும் இராமசந்திரனை ஒரு பார்வை பார்த்துவிட்டு சற்று பதட்டத்துடன் கௌதமை ஏறிட்டான். அவன் அமர்ந்திருந்த காட்சியைக்கண்டு சங்கடத்துடன் தன் நகங்களை கடிக்கத்துவங்கினான்.

முழுதாக ஒரு நிமிடம் கழித்து அங்கே சூழ்ந்திருந்த அச்சுருத்தும் அமைதியை கிழித்துக்கொண்டு கேட்டது துப்பாக்கியின் குண்டு பாயும் சத்தம்.

அனைவரும் அதிர்ந்து எழ கௌதம் நிதானமாய் எழுந்தான். அவன் முகம் உணர்ச்சிகள் துடைக்கப்பட்டிருந்தது. நடந்தது உரைத்து மேகா மயங்க மித்ரா விரைந்து சென்று அவளைத்தாங்கிக்கொண்டாள். தான் நின்ற இடத்திலிருந்து அவளை ஒரு பார்வை பார்த்த கௌதமிடமிருந்து ஒரு நீண்ட மூச்சு வெளிப்பட்டது. மெல்ல நடந்து சென்று மேகாவை மித்ராவிடமிருந்து தன் தோளில் மாற்றிக்கொண்டான். பின், சஞ்சையை அங்கிருக்குமாறு பணித்துவிட்டு மேகாவைத்தூக்கிக்கொண்டு தன் கார் நோக்கி நடந்தான்.

இராமசந்திரன் இறந்து ஒரு வாரம் ஆகியிருந்த்து. ஹாஸ்பிட்டலில் ராஜியின் அறையில் டாக்டர், கௌதம், சஞ்சை, மித்ரா, விக்ரம், மனோ அனைவரும் கூடியிருந்தனர்.

“மேகா எப்டி இருக்கா?” கவலையாய் கேட்டார் டாக்டர்.

“அப்டியே தான்.. பெரிய இம்ப்ரூவ்மென்ட் இன்னும் இல்ல.. எப்பவும் ஏதோ யோசனை.. தென் தலவலி.. ஸ்லீப்லெஸ்னெஸ்..” என்றான் கௌதம்.

“நான் வந்து பாக்கலாமா?” என்றாள் மித்ரா

“இப்போ வேண்டாம் மித்ரா.. அவ யாரையும் ஃபேஸ் பண்ண வெக்கப்படறா.. இட் அஃபெக்டெட் ஹெர் ஈகோ.. அவளையும் எல்லாரும் ஜட்ஜ் பண்ணுவாங்கனு பயப்படறா.. ‘கோர்ட்கே இன்னிமே நான் வரமுடியாதுல’னு கேக்கறா” என்றான் கௌதம் கவலையாக.

“கவலைப்படாதிங்க கௌதம்.. ஷீ வில் பீ ஆல்ரைட்.. மருந்த கண்டினியூ பண்ணுங்க.. ஒரு ஒன் வீக் கழிச்சு.. என்னோட ஃப்ரெண்ட் ஒரு சைக்கற்றிஸ்ட் இருக்கான்.. அவன் கிட்ட கவுஸ்லிங் கூடிட்டு போலாம்.. ஷீ வில் ஹீல்..” என்றார் டாக்டர்.

அவரையே பார்த்துக்கொண்டிருந்த விக்ரம் கேட்டான், “அன்னைக்கு ஏன் நீங்க நெர்வஸா இருந்திங்க?”

டாக்டர் கௌதமை பார்த்து சிரிக்க, அவன் சொன்னான், “நம்ப இன்வெஸ்டிகேட் பண்ண ஆரம்பிச்சது தெரிஞ்சு டாக்டருக்கு ஒரு கிஸ்டி காண்ஸியஸ் அட்டாப்ஸி பண்ணாம விட்டுட்டோமேனு.. அது மட்டுமில்லாம மனோ பண்ண ஆன்ஸிடென்ட் டாக்டருக்கு தெரியும்.. ஏ.பி. அத இவருகிட்ட மட்டும் தான் சொன்னாரு.. ட்ரீட்மென்ட் வந்தப்போ.. பட் அத இவரு நான் விசாரிச்சப்போ சொல்லல.. அதுவும் தெரிஞ்சிருக்குமோனு ஒரு பதட்டம்.. பட் கொலைப்பழியே போடுவேன்னு அவரே எதிர்ப்பாக்கல.. டைஜாக்ஸின் பத்தி கேள்விப்பட்டு நிஜமான ஷாக்” என்றான்

“அவன்(ஏ.பி.) தான் வெளிய தெரிய வேண்டாம்னு சொன்னான்.. அதுக்காக அந்த ஆக்ஸிடென்ட மறைக்கபோயி பிரட்சனை பெரிசாய்டுச்சோனு ஒரு பயம்.. ஆனா, இவரு போட்ட போடுல தலையே சுத்திடுச்சு” என்றார் கௌதமைக்காட்டி.

“சஞ்சை வர வரைக்கும் ஐ ஹாட் டூ பை இன் டைம்.. ஆல்ஸோ, இவரு மேல பழிப்போட்டா அவரு கொஞ்சம் ரிலாச்ஸாயி ஏதாவது வாய்விடுவாருனு ஒரு ஐடியா.. அதான்..” என்றான்.

“அவரு ஃப்ளாஸ்பேக் சொன்னப்போவே பாஸ்ஸோட செவெந்த் சென்ஸ்ல ஒரு நெருடல்!” என்று சஞ்சை ஆரம்பிக்க, “டேய்!” என்று அவனை கௌதம் அதட்ட அனைவருக்கும் அவன் சொன்னவிதம் சிரிப்பை வரவழைத்தது. “இருங்க பாஸ்! நீங்க சொல்லுங்க சஞ்சை!” என்றாள் மித்ரா. “ஹ்ம்.. எங்க விட்டேன்? யெஸ்.. பாஸ்க்கு சந்தேகம்.. அடுத்த நாள் ராஜிய கொல்ல அடுத்த அட்டெம்ப்ட்னு டாக்டர்கிட்ட இருந்து ஃபோன்.. விசாரிச்சதுல வெளியாளு உள்ள போயிருக்க சான்ஸ் இல்லனு தெரிஞ்சுது.. ஆனா.. டாக்டரோட பதட்டமும் முகமும் அவர் பொய் சொல்லலைனு தோணிச்சு..ஸோ.. ரீசன்டா அட்மிட் ஆன பேஷன்ட்ஸ பத்தி விசாரிச்சேன்.. அதுல தான் அந்த ட்ரைவரோட சேத்து ஒரு நாலு பேரு மேல சந்தேகம் வந்துச்சு.. விசாரிச்சதுல அந்த ட்ரைவர் தண்ணிய போட்டுட்டு வண்டிய ஓட்டி ஒரு ஆள காலிபண்ணிட்டு போன வாரம் தான் ஜாமின்ல வெளிய வந்திருக்கானு தெரிஞ்சுது.. அப்பியர் ஆனது இராமசந்திரன் சார்னும் தெரிஞ்சுது.. அதுக்கப்புறம் தான் அவரோட பழைய க்ளைன்ட்ஸ் பத்தி விசாரிச்சா மாதவி பத்தி ஏதாவது க்ளு கிடைக்கலாம்னு பாஸ்க்கு ஒரு ஸ்பார்க்.. இன்வெஸ்டிகேட் பண்ணோம்.. பழைய கேஸ் ஃபைல்ஸ் எல்லாம் அவரோட கோர்ட் சாம்பர்ல தான் இருக்கும்.. டே டைம்ல இவரு அங்க இருப்பாரு.. ஸோ.. அவரு இங்க இருக்கறபோ ப்ரேம்குமாரோட அங்க போயி தேடினேன்.. டைரியோட பேப்பர் கிடைச்சது போனஸ்!” என்று முடித்தான் சஞ்சை.

“இப்போ கூட அவனா அப்படினு நம்பமுடியல.. பட்.. வெல் டன்.. கௌதம்!” என்றார் டாக்டர், “யூ டூ சஞ்சை” என்று சேர்த்துச்சொன்னார் அவனைப்பார்த்து.

“தாங்க் யூ கௌதம்! தங்க்ஸ் ஃபார் எவ்ரிதிங்க்.. உங்களால தான் எங்க அப்பாவுக்கும் அவரோட ஃப்ரெண்டுக்கும் ஜஸ்டிஸ் கிடைச்சுது” என்றாள் மித்ரா.

“சொல்ல மறந்துட்டேனே! பாங்க் லாக்கர்ல விஜய் நந்தனோட லெட்டரோட ஏ.பி.யோட ஒரிஜினல் வில்லும் இருந்துது. அவரோட சொத்துக்கள் மித்ராவுக்கும் மனோவுக்கும் சரி பாதியாகவும், பிஸினஸ் முழுசா மித்ராவுக்கும் எழுதிருக்காரு. ஹீ ஹாஸ் ஆல்ஸொ லெஃப்ட் அ பிக் லெகேசி டூ ராஜி” என்றான் கௌதமன்.

“தாங்க்ஸ்” என்று மறுபடியும் சொன்னாள் மித்ரா.

அனைவரும் வெளியே வர விக்ரம் மனோவுடன் பேசிக்கொண்டு தள்ளி நடந்தான்.

கௌதம் சற்று தயங்கி மித்ராவிடம் சொன்னான், “மித்ரா.. ஹோப் யூ டோன்ட் மைன்ட் மீ சேயிங் திஸ்.. விக்ரம் பாவம்.. நீங்க அவர மன்னிக்கனும். உங்க அப்பாவும் அத தானே ஆசப்பட்டாரு?”

“யெஸ்! அப்பா மன்னிச்சுட்டாரு.. இன் ஃபாக்ட் நான் கூட மன்னிச்சுட்டேன்.. அவரு அப்பாவ பழிவாங்கனும்னு நினச்சத.. அவர ஹர்ட் பண்னத மன்னிச்சுட்டேன்.. பட் அதுக்காக என்ன முட்டாளாக்கினத மன்னிக்க முடியாது.. மன்னிச்சாலும் மறக்கமுடியாது!” என்றாள் தீவிரமாக. பின், “ஸாரி கௌதம்.. டோன்ட் டேக் மீ ராங்க்.. பட் இத மட்டும் என்ன கேக்காதிங்க” என்றாள் தணிவாக.

மெலிதாக புன்னகைத்து “டேக் கேர்” என்றுவிட்டு நடந்தான் கௌதமன்.

பின்னுரை:

ஃபேமிலி கோர்ட் வெளியே நின்றிருந்தான் கௌதமன். மதிய உணவிற்கு கோர்ட் கலைய மேகா வெண்ணிறத்தில் சாம்பல் வண்ணபூக்கள் போட்டிருந்த புடவையும் கருப்பு கோட்டுமாய் வெளியே வந்தாள். அறு மாதங்களுக்கு பின், அன்று தான் அவள் நீதிமன்றதிற்கு வந்திருந்தாள்.

கௌதமை கண்டு, “என்ன சார் இந்தப்பக்கம்?” என்றாள் கேலியாக.

“ப்ரீதா வரலையா?” என்றான் உள்ளே எட்டிப்பார்த்து.

அவள் முறைக்க இவன் சிரித்து, “லெட்ஸ் கோ அவுட் ஃபார் லன்ச்” என்றான்.

அவர்கள் சேர்ந்து நடக்க, எதிரே விக்ரம் வந்தான்.

“ஹலோ விக்ரம்” என்றான் கௌதம்

“என்ன இந்த பக்கம்” என்றாள் மேகா

“மித்ரா டிவோர்ஸ் ஃபைல் பண்ணிருக்கா” என்றான் சுருக்கமாக.

“ஓ! ஐ ஆம் சாரி.. எங்களுக்கு தெரியாது..” என்றான் கௌதம்

“இது ஓரளவு எதிர்பார்த்தது தான்.. நீங்க எங்க ரெண்டு பேருக்கும் ஃப்ரெண்ட்.. ஸோ உங்கள இன்வால்வ் பண்ண வேண்டாம்னு நினச்சிருப்பா.. அதுனால தான் நானும் உங்க கிட்ட வரல..” என்றான்

“என்ன பண்ண போறிங்க”

“நான் நிச்சயம் ஒத்துக்க மாட்டேன்.. எனக்கு நம்பிக்கை இருக்கு கௌதம்.. ஷி வில் அண்டர்ஸ்டான்ட் மீ ஒன் டே.. ஐ வில் வெய்ட்” என்றான் திடமாக.

“நிச்சயமா! அதுவும் சீக்கிரமாவே நடக்கும்.. கவலபாடாதிங்க.. ஆர் யூ கோயிங் பேக் டு ஸ்டேட்ஸ்?” என்றான் கௌதம்.

“இல்ல.. ஐ மூவ்ட் டு இண்டியா.. மறுபடியும் மொதல இருந்து அவள இம்ப்ரெஸ் பண்ற வேலை.. செகண்ட் இன்னிங்ஸ்!” என்று சிரித்தான்.

“தட்ஸ் த ஸ்பிரிட்!” அவன் தோளை தட்டி தானும் சிரித்தான் கௌதம்

“ஆல் த பெஸ்ட்!” என்று மேகா புன்னகைத்தாள்.

மித்ரா ரெஸிடென்ஸ்.

ராஜியை வீட்டிற்கு மாற்றி அவளை முழு நேரமும் கவனிக்க நர்ஸ் ஏற்பாடு செய்திருந்தாள் மித்ரா.

மனோ படிப்பை தொடர்ந்து கொண்டே மித்ராவோடு அலுவலகத்திற்கும் சென்றான். விக்ரம் பற்றி அவ்வப்போது பேசி வாங்கிகட்டிக்கொள்ளும் நேரம் தவிர அவனது மாற்றம் மித்ராவிற்கு திருப்தியாக இருந்தது. மித்ராவும் விக்ரமும் சேரவேண்டும் என்பதில் மனோவும் தீவிரமாக இருந்தான். அவள் செல்லும் இடங்களை விக்ரமிற்கு சொல்வது விக்ரமை நினைவூட்டும் விஷயங்களை மித்ரா பார்க்க செய்வது என்று அவனுடைய முயற்சிகள் தொடர்ந்தன.

எம்.எம் குரூப்ஸ் மித்ராவின் எல்லாமுமாகியது. அதன் வளர்ச்சி மட்டுமே அவள் குறிக்கோலாகியது.

மனோ உணவு மேஜையில் அமர்ந்து சாப்பிட்டுக்கொண்டுருக்க மதுரம் பரிமாறிக்கொண்டிருந்தார். மித்ரா காப்பர் சல்ஃபேட் வண்ணத்தில் இளம்பச்சை வண்ண கரையிட்ட சில்க் காட்டன் புடவையில் படியிறங்கினாள்.

“சாப்டியாக்கா?” அவளைப்பார்த்து புன்னகைத்து கேட்டான் மனோ.

“நான் சாப்டேன்.. யூ காரி ஆன்” என்றவள், “நான் ஆஃபீஸ் கிளம்புறேன் டா.. வரேன் மா” என்றுவிட்டு திரும்பி நடந்தாள்.

“ஈவ்னிங் சீக்கிரம் வருவியா?”

“இல்லடா.. ஒரு பிஸினஸ் டின்னர்.. அட் ஹையாட் ரீஜன்சி.. நீ ஃப்ரீனா வாயேன்”

“வில் ட்ரை”

மித்ரா திரும்பி நடக்க மனோ தன் அலைபேசியில் விக்ரமின் எண்ணை அழுத்தினான்.

மித்ராவின் கார் மித்ரா ரெஸிடென்ஸிலிருந்து புறப்பட்டு எம்.எம். குரூப்ஸ் அலுவலகம் நோக்கி விரைந்தது.

(முற்றும்)
Click to expand...

nice bigggggggg episode twist at last unfolded Rajeni nice waiting for ur next story

Rajeni · Apr 2, 2017

ramyarajan said: ↑

N
nice bigggggggg episode twist at last unfolded Rajeni nice waiting for ur next story
Click to expand...

Thanks a lot Ramya!

Ragavisang · Apr 2, 2017

Wow... brilliant, unpredictable climax Rajeni . You should publish this as a book. Thank you very much entertaining us with your murder mystery story which had all human emotions possible.

Ragavisang · Apr 2, 2017

Wow... brilliant unpredictable Climax Rajeni. You can publish this as a book. Thank you very much for entertaining us with a brain teasing murder mystery story . Can't wait to read your next story.

One small request ( sorry I'm just a reader not a writer, so don't know your situation) please post the episodes without much intervel because we tend to forget the side characters role and the connection withthe story.

Rajeni · Apr 3, 2017

Ragavisang said: ↑

Wow... brilliant unpredictable Climax Rajeni. You can publish this as a book. Thank you very much for entertaining us with a brain teasing murder mystery story . Can't wait to read your next story.

One small request ( sorry I'm just a reader not a writer, so don't know your situation) please post the episodes without much intervel because we tend to forget the side characters role and the connection withthe story.
Click to expand...

Thanks a lot Ragavisang, for reading and liking the story. I know the long intervals makes one forget the plot, but what to do, often was held up with hectic work schedule!!

Ragavisang · Apr 3, 2017

I know it is very hard to juggle things around Rajeni. I really appreciate your efforts in writing the story which has all elements of human emotion. Your writing style is so beautiful. Keep writing please. Neenga oru kathai ezhuthinalae 100 kathai ezhuthina maathri iurkku RAJENI

Rajeni · Apr 3, 2017

Ragavisang said: ↑

I know it is very hard to juggle things around Rajeni. I really appreciate your efforts in writing the story which has all elements of human emotion. Your writing style is so beautiful. Keep writing please. Neenga oru kathai ezhuthinalae 100 kathai ezhuthina maathri iurkku RAJENI
Click to expand...

Aww! Thank you so much Means a lot!

readerensudha · Apr 9, 2017

Very nice and interesting story Rajeni. You deserve all appreciation for taking the story althrough very well. Keep it up. Waiting to read your next story.

samplereader · Apr 30, 2017

Hi Rajeni,

Very nice story...came to know thro a friend abt ur story....wow ...amazing ....i m reading first ever thriller blog novel that too 'ganesh vasanth' type ....tooo very good yaar ....keep writing in this genre ... very rare to see ppl write this zoner in tamil i guess.... too very good..i loved it ..wanted to know if u hav written any other story??? if so where do i find it ?help pls .....

anyways i hav got few silly doubts ...if u can ,pls help me to understand?
1.AP ...has he started smelling something abt the lawyer? bcos he has written treasure hunt na?
2. If so , why has he not re-written his will ..since he s doubting something bad can happen?
3. or has AP really worried that mano will go to an extend of killing him ? if so y has he not mentioned that in his letter to mithra? y only the letter abt vikram and nothing else?
4.if lawyer has planned the death of AP, why did he first execute the will which gives everything to raji? didnt he give the least important to AP 's son? has he really not cared abt mano?
5. and lastly y did goutham let lawyer to shoot himself? has he not really cared for mega?

Rajeni said: ↑

*** Climax Chapter ***

32. மித்ர மாளிகை – தீர்ப்பு!

மித்ரா ரெஸிடென்ஸின் பிரம்மாண்டமான வரவேற்பறை! ‘ப’ வடிவில் போடப்பட்டிருந்த சோஃபாக்களில் ஒரு நீண்ட சோஃபாவில் கௌதமும் அவனுக்கு வலதுபுறம் விக்ரமும் இடப்புறம் இராமசந்திரனும் அமர்ந்திருக்க எதிரில் இருந்த ஒரு ஒற்றை சோஃபாவில் டாக்டர் அசோக்குமார் அமர்ந்திருந்தார். மீதமிருந்த சோஃபாக்களில் மித்ராவும் மனோவும் ஒன்றில் அமர்ந்திருக்க மற்றொன்றில் மேகா அமர்ந்திருந்தாள்.

கௌதம் மற்றும் டாக்டரை தவிர மற்ற அனைவர் முகங்களிலும் ஒரு தீர்ப்பை எதிர்நோக்கும் ஆவல். மேகாவின் முகத்தில் கூடுதலாய் குழப்ப ரேகைகள். மித்ராவிற்கும் கௌதமிற்கும் பாங்கில் என்ன கிடைத்தது என்பது அவளுக்கு தெரியவில்லை. அவள் கேட்டபோது ‘சொல்கிறேன் பொறு’ என்றுவிட்டு இந்த கூட்டத்தைக் கூட்டியிருக்கிறான். இது எதற்காக என்று யோசிக்க அவளுள் விபரீதமான சந்தேகங்கள் எழுந்தன. சற்று தலைதிருப்பி டாக்டரின் முகத்தை ஆராயத்துவங்கினாள்.

அறையின் ஏ.சி. குளுமையிலும் அவர் முகத்தில் மெலிதான வியர்வை பிசுபிசுப்பு. தன் ஃப்ரேம்லெஸ் கண்ணாடியை கழற்றி துடைத்து மீண்டும் அணிந்து கொண்டவர் நிமிர்ந்து கௌதமைப்பார்த்தார். அவனும் அவரைத்தான் அமைதியாக பார்த்துக்கொண்டிருந்தான். அந்த இடத்தின் அமைதி அங்கிருந்த அனைவருக்கும் ஒரு அசௌரியத்தை தந்தது. டாக்டருக்கும் அது தாங்கமுடியாமல் போக கௌதமை பார்த்துக்கேட்டார், “சொல்லுங்க கௌதமன்.. எதுக்கு என்ன இங்க வர சொன்னிங்க?” என்றார்.

“ஏ.பி.யோட கேஸ் ஒரு முடிவுக்கு வரவேண்டாமா? உங்க ஃபெரெண்டுக்கு நியாயம் கெடைக்கனும்னு உங்களுக்கு ஆசையில்லையா டாக்டர்?” என்றான் சாதாரணமாக.

“நியாயமா? நீங்க என்ன சொல்றிங்க? அவன்.. அவன்.. ஹார்ட் அட்டாக்ல இறந்தான்..” தடுமாறியவருக்கு இன்னும் அதிகமாக வியர்த்தது.

“ஹார்ட் அட்டாக்! இவ்வளவு சொத்துள்ள உங்க ஃப்ரெண்டுக்கு திடீர்னு ஹார்ட் அட்டாக் வருது.. உங்களுக்கு சந்தேகமே வரலயா? ஒரு அட்டாப்ஸி பண்ணனும்னு ஏன் தோணல?” கௌதமின் கண்கள் ஈட்டியாக அவரைத் துளைத்தன.

“அவனுக்கு ஏற்கெனவே ஹார்ட் அட்டாக் வந்திருக்கு.. ஹீ இஸ் அ ஹார்ட் பேஷன்ட்.. ஸோ.. அதுல சந்தேகபட என்ன இருக்கு?” என்றார்.

“உங்க நண்பனோட விசித்திரமான உயில் பத்தி தெரிஞ்சும் கூடவா சந்தேகம் வரல?”

“நான் டாக்டர்..போலீஸோ வக்கிலோ இல்ல” கோபமாக வந்தது பதில். “நீங்க பேசறத பாத்தா நான் வேணும்னே அட்டாப்ஸி பண்ணலனு சொல்லுவிங்க போல.. ஏன் நான் தான் கொன்னேன்னு சொல்லுங்களேன்!” என்றார்.

“அத நீங்க தான் சொல்லனும்..”

“கௌதமன்!”

“ரிலாக்ஸ்! இதோ உங்க ஃப்ரெண்டுக்கு நீங்க ப்ரிஸ்கைப் பண்ண மெடிசின்னோட கெமிக்கல் அனாலிஸிஸ் ரிப்போர்ட்” என்று அந்த லேப் ரிப்போர்ட்டை அவரிடம் நீட்டினான்.

“மெடிசின்ஸ் கூட நீங்களே வாங்கிட்டு வரதுதான் வழக்கம் இல்லையா?” என்றான் கௌதம் தொடர்ந்து.

தன் கைக்குட்டயை எடுத்து நெற்றியை ஒற்றிக்கொண்டவர் சொன்னார், “திஸ்... திஸ் இஸ் ரிடிகுலஸ்.. நான் ப்ரிஸ்க்ரைப் பண்ண மெடிசின்ல இவ்ளோ டைஜாக்ஸின் இருக்காது..”

“அப்பறம் எப்படி டாப்லெட்ல இவ்ளோ வந்துச்சு? நீங்க வாங்கிட்டு வந்த டாப்லெட் தானே?” என்றான் கௌதம். பின் அவனே தொடர்ந்து, “சரி அத விடுங்க.. இவரு யாருனு தெரியுதா?” என்றான் விக்ரமைக்காட்டி.

“தெரியாது” என்றார் டாக்டர் பொறுமையிழந்திருந்த குரலில்

“டேய்.. அவன நிஜமாவே உனக்கு அடையாளம் தெரியலயா?” என்றார் இராமசந்திரன் நம்பமுடியாமல்.

மீண்டும் விக்ரமைப்பார்த்த டாக்டரின் முகம் மாறியது. “விஜய்நந்தனையும் தெரியாதா?” என்றான் கௌதம்.

டாக்டர் பேச்சிழந்து அவனை பார்த்தார். கௌதம் தொடர்ந்தான், “விஜய் நந்தன்.. அவருக்கும் அருள் பிராபாகருக்கும் நடந்த சண்டை.. அதுக்கு காரணமான பொண்ணு.. அவள நீங்க எதேர்ச்சியா விஜய் வீட்ல பாத்தது.. நியாபகம் வருதா?” என்றான் கேலியாக.

ஆமோதிப்பாய் தலையசைத்தார் டாக்டர்.

“அந்த பொண்ண பாத்த அன்னைக்கு நீங்க தான் டென்னிஸ் விளையாண்டே ஆகனும் சொல்லி எல்லாரையும் விஜய் வீட்டுக்கு கூடீட்டு போனிங்க.. அது நியாபகம் இருக்கா? அன்ட் விஜயோட கார அந்த பொண்ணு வீட்ல கொண்டுபோய் நிறுத்துனது நியாபகமிருக்கா?” என்றான் தொடர்ந்து.

“ஸ்டாப் இட்.. திஸ் இஸ் த லிமிட்.. நான் அந்த மாதிரி பல தடவ அவங்கள விளையாட கூப்ட்ருக்கேன்.. அதுக்கெல்லாம் இப்படி அர்த்தம் கற்பிப்பிங்களா? வாட் எவிடென்ஸ் யூ ஹாவ் அகென்ஸ்ட் மீ?” என்றார் காட்டமாக.

“எவிடென்ஸ்? ஏ.பி.க்கு அந்த மருந்த ப்ரிஸ்க்ரைப் பண்ணி வாங்கியும் குடுத்தது நீங்க! ஏ.பி. இறந்தப்போ அட்டாப்ஸியே பண்ணாம ஹார்ட் அட்டாக்னு சர்டிஃபை பண்ணது நீங்க..” என்று அவன் முடிப்பதற்குள் டாக்டர் வேகமாக குறுக்கிட்டார், “என்ன குற்றவாளினு நிருபிக்க இந்த எவிடென்ஸ் போதாது”

“அத சொல்ல நீங்க போலீஸோ வக்கீலோ இல்லையே!” என்றான் கேலியாக.டாக்டரின் முகத்தில் ஒரு பயத்தின் சாயல் படிந்துகொண்டது.

“சரி அந்த வேலக்காரப்பொண்ணு மீனாவ எதுக்கு கொன்னிங்க? உங்கள பாத்துட்டானா? ராஜிய ஏன் கொல்ல வந்திங்க? இப்பவும் கோமால இருக்கவரைக்கும் தான் உயிரோட வச்சிருப்பிங்க இல்லையா?” என்றான்.

“நா.. நான் எதுக்கு அவங்கள எல்லாம் கொல்லனும்? ராஜிய கொல்ல வந்தாங்கனு உங்களுக்கே நான் தானே கால் பண்ணேன்?” என்றார் தடுமாற்றத்துடன்.

“அப்படி ஒரு அட்டாகே நடக்கல! நீங்க சொன்ன அந்த ரெண்டு பேர உங்கள தவிர ஹாஸ்பிட்டல்ல யாருமே பாக்கல.. அண்ட் சி.சி டி.வி. காமிராஸ் எதுவுமே ரெக்கார்ட் ஆகல.. ஸோ.. எங்கள திசை திருப்ப அது உங்களோட ட்ராமா”. அவன் பேசிக்கொண்டிருக்க சஞ்சை உள்ளே வந்து மேகா அருகில் அமர்ந்தான். ஒரு வினாடி கௌதமின் விழிகள் அவன் மீதுபட சஞ்சை அவனுக்கு மட்டும் புரியும் வண்ணம் மெல்ல ஒரு முறை ஆமோதிப்பாய் தலையசைத்தான்.

“இல்ல.. நோ.. சி.சி டிவி காமிரா வேலை செய்யல” டாக்டர் திணறினார்.

“அது ராஜி ரூம் இருந்த ஃப்ளோர்ல மட்டும் தான் வேலை செய்யல.. பட் மத்த எந்த காமிராலையும் சந்தேகப்படற மாதிரி ஒன்னுமே இல்லையே! ஏ.பி.யோட மரணத்துக்கு மட்டுமில்ல விஜய்நந்தனோட மரணத்துக்கும் நீங்க பதில் சொல்லனும்” என்ற கௌதம் தொடர்ந்து, “சொல்லுங்க மாமா.. அன்னைக்கு இவர் தானே உங்கள எல்லாம் விளையாட கூப்ட்து?” என்றான் கௌதம் இராமசந்திரனை நோக்கி.

அதிர்ந்து அமர்ந்திருந்த அவர் ஆமோதிப்பாய் தலையசைத்து சொன்னார், “ஆமா.. ஆனா அது.. அதுக்கு பின்னாடி இப்படி ஒரு சூழ்ச்சி இருக்கும்னு நான்.. நாங்க யாருமே நினைக்கலயே!” என்றார் நடுக்கத்துடன். அவர் கண்களில் கண்ணீர் வழிந்தது.

“டேய்.. இதெல்லாம் நடந்தப்போ நான் ஊர்லயே இல்ல.. கான்ஃப்ரென்ஸ் போயிருந்தேன்.. நடந்தது முக்கால் வாசி நீயும் ஏ.பி.யும் தான டா எனக்கு சொன்னிங்க?”

“ஆமா.. கான்ஃப்ரென்ஸ் பொயிட்டெல்ல.. ஒரு வேல உம்மேல சந்தேகம் வரக்கூடாதுனு தான் பொயிட்டியோ? எல்லாமே ப்ளாட்ட் இல்ல? சொல்லு டா.. எதுக்கு இப்படி எல்லாம் பண்ணேனு சொல்லிடு.. அது மட்டும் தான் எனக்கு புரியல.. விஜய் தொடங்கி அந்த மீனா வரைக்கும் எல்லாரையும் எதுக்கு கொன்ன? சொல்லு.. சொல்றியா இல்ல நானே உன்ன கொல்லவா?” என்று பாய்ந்து டாக்டரின் சட்டையை பிடித்தார் இராமசந்திரன்.

கௌதம் அவரை பிடித்து விலக்கி அமர வைத்தவாறு சொன்னான், “ரிலாக்ஸ் மாமா! உங்களுக்கு ஆல் ரெடி உடம்பு சரியில்ல!” என்றான் கௌதம்.

“இல்ல கௌதம்.. கூடவே இருந்து இப்படி பண்ணிருக்கான்.. நாங்களும் ஃப்ரெண்டுன்னு கன்மூடித்தனமா இவன நம்பிருக்கோம்.. ஆனா இவனுக்கு அப்படி எதுவுமே இல்லயே. துரோகி! ஹாஸ்பிட்டல்ல யாருமே வராம அட்டாக்னு பொய் சொல்லிருக்கான் உங்கிட்ட. அந்த மாதிரி தான் எங்களையும் இவனே ப்ளான் பண்ணி விஜய் வீட்டுக்கு கூடிட்டு போயி.. அந்த மாதவிய வரவச்சு.. அப்புறம் ஒன்னும் தெரியாத மாதிரி கான்ஃப்ரென்ஸ்னு வெளியூர் பொயிட்டு.. அதே சமயம் ஏ.பி. மாதிரி பேசி விஜய் கார வாங்கி அந்த பொண்ணு வீட்ல நிறுத்தி எங்கள நம்பவச்சு.. எவ்” என்று தொடர்ந்தவர் சட்டென நிறுத்தி திரும்பி கௌதமைப்பார்த்தார். அவனும் பளிச்சிடும் கண்களுடன் அவரைத்தான் பார்த்துக்கொண்டிருந்தான்.

அதிர்ந்து எழுந்த மேகா கேட்டாள், “ஏ.பி. மாதிரி பேசியா? அது உங்களுக்கு எப்படி தெரியும்?” என்றாள்.

கௌதம் பதில் கூறாமல் இராமசந்திரனையே பார்த்துக்கொண்டிருந்தான்.

“அது.. அது எனக்கு தெரியும்.. ஜெயில்க்கு போகும் போது விஜய் எங்கிட்ட சொன்னான்.. ஏ.பி. தான் ஃபோன் பண்ணி கார் கேட்டான்னு.. ஸோ இவன் தான் அவன மாதிரி பேசிருக்கனும்” என்று தடுமாற்றமாக துவங்கி கோபமாக டாக்டரைப்பார்த்து சொன்னார்.

“ஏ.பி. மாதிரி யாரோ பேசி ஏமாத்திருக்காங்கனு தெரிஞ்சும் நீங்க விஜய் நந்தன காபாத்த ட்ரை பண்ணாம விட்டுடிங்களா?” என்றான் கௌதம் பொய்யான வியப்போடு.

“கௌதம் நான் தான் ஏற்கெனவே சொன்னேனே இன்வெஸ்டிகேட் பண்ண போதுமான இன்ஃபர்மேஷன் இல்ல.. விஜய்யும் அதுக்கு மேல எங்கிட்ட எதுவுமே சொல்லல..” என்றார் கவலையாக.

“த ஃபேமஸ் க்ரிமினல் லாயர் இராமசந்திரனுக்கு இது ஒரு விஷயமா? கொலைனு டிஸ்ட்ரிக்ட் கோர்ட்ல தீர்ப்பான ஒரு கேஸ்ஸ தற்கொலைனு ஹை கோர்ட்ல மாத்தி தீர்ப்பாக வச்ச இராமசந்திரனுக்கு குரல மாத்தி பேசினது யாருனு கண்டுபிடிக்க முடியாதா?” என்றான். குரலில் ஏளனம் எட்டிப்பார்த்தது.

சஞ்சை தவிர அறையிலிருந்த அனைவரும் அதிர்ந்து அவர்களின் இருக்கையின் நுனிக்கு வந்திருந்தனர். மேகா அப்படியே அதிர்ந்து நின்றிருந்தாள். எல்லா முகங்களும் மிதமிஞ்சிய திகைப்பில் உரைந்திருந்தது.

“இன்னொரு இன்ட்ரெஸ்டிங் இன்ஃபோ சொல்லட்டுமா? அப்படி நீங்க தற்கொலைனு மாத்தி விடுதலை வாங்கி குடுத்தது அந்த மாதவியோட அண்ணனுக்கு! இல்லையா?” என்றான்.

அதற்குமேல் தாங்கமாட்டாமல் மேகாவின் கால்கள் வழுவிழக்க அவள் தொய்வாய் சோஃபாவில் அமர்ந்தாள்.

ஒரு நொடி மகள் மீது கவலையோடு பதிந்த அவர் விழிகள் மீண்டும் கௌதமை பார்த்தன.

“அவ அண்ணன் கேஸ்ல நான் ஆஜர் ஆனா அவளுக்கும் எனக்கும் சம்மந்தம் இருக்குனு அர்த்தமா?”

“குட் பாய்ன்ட்.. ஆனா நீங்க ஃப்லாஸ்பேக் சொல்லும் போது டி.வி ஆட்ல தான் மாதவிய முதல்ல பாத்தா சொன்னிங்க.. எதுக்காக அவள யாருன்னே தெரியாதுனு மறச்சிங்க? அவ வீட்டுக்கு உங்க ஃப்ரெண்ஸோட போனப்போ கூட அவள தெரிஞ்ச மாதிரி ஏன் காட்டிக்கல?”

நடப்பது புரியாமல் குழம்பி பார்த்துக்கொண்டிருந்த டாக்டர் தன்னையறியாமல் கேட்டார், “அவள உனக்கு தெரியுமா?”

“அது.. அது..”

“அண்ட்.. உங்க ஃப்லாஷ்பாக்ல இன்னொரு திருத்தம்.. ஹைப்போதெட்டிகலி (hypothetically), இந்த மாதவிய உங்களுக்கு ஆல்ரெடி தெரியும்னு வச்சுக்குவோம்.. அவள விஜய் வீட்டுக்கு வரசொன்னதும் நீங்கதானு வச்சுக்குவோம்., அப்போ டாக்டர் எப்படி கரக்டா விளையாட கூப்டாரு? ஸோ லாஜிக் படி கூப்டது நீங்களா தான இருக்கனும்? ம்? ஸோ உங்க வசதிக்காக கதைய லேசா டுவிஸ்ட் பண்ணி டாக்டர் கூப்டாருனு நீங்க சொல்லிருக்க சான்ஸ் இருக்கு? ஐ மீன் ஹைப்போதெட்டிகலி, இல்லையா?” என்றவன், “எப்பவுமே நீங்க தான் விளையாட கூப்பிடுவிங்க.. ஸோ.. நீங்க கூப்டிங்கனு சொன்னதும் உங்களுக்கு மறுக்கத்தோணல.. உண்மைல உங்களுக்கு யாரு கூப்பிட்டானு நியாபகமிருக்கா?” என்றான் டாக்டரைப்பார்த்து. அவர் இல்லை என்பதாய் தலையசைத்தார்.

“நல்ல கற்பனை” என்றார் இராமசந்திரன்.

“கற்பனையில்ல கணிப்பு..” என்றான் கௌதம்.

“கோர்டுக்கு கணிப்பு பத்தாது.. சாட்சி வேணும்..”

“இது சாட்சிக்கு போதுமானு பாருங்க?” என்று ஒரு காகிதத்தை தன் சட்டைக்குளிருந்து எடுத்து படிக்கத்துவங்கினான்.

“அன்புள்ள அருள்,

இந்த கடிதம் கிடைக்கும் பொழுது வயசாகியிருக்கும் உனக்கு! வயசானால் நீ எப்படி இருப்பாய் என்று இப்போதே கற்பனை செய்ய முயற்சி செய்கிறேன். கற்பனையில் மட்டுமே உன்னை என்னால் அப்படி பார்க்க முடியும்.

உன்போல ஒரு நண்பன் யாருக்கும் கிடைக்கமாட்டான். துரியோதன்னுக்கு கர்ணன் கிடைத்தது போல! அதில் கூட துரியோதனனால் கர்ணனுக்கு அங்கீகாரமும் அரசும் கிடைத்தது. ஆனால் என்னால் உனக்கு எந்த பயனுமில்லை, கடைசியில் நான் சுமத்திய பழியைத்தவிர! என்ன மன்னிச்சுருடா. உன்ன சந்தேகப்பட்டது முட்டாள்தனம். பொறுமையா உங்கிட்ட பேசிருந்தா பாரதியையும் இழந்து இப்படி இந்த நிலமைக்கு வந்திருக்கமாட்டேன்.

ஏதேதோ உங்கிட்ட சொல்லனும்னு நினைச்சேன். ஆனா இப்ப எழுத முடியல. நான் உன்ன சந்தேகப்பட முக்கிய காரணம், அன்னைக்கு கார் வேணும்னு உன் குரல்லயே யாரோ போசினாங்க! அது நீதான்னு அப்போ நான் நினேச்சேன்.. இப்போ யோசிச்சா உன் குரல கேட்ட யாரு வேணா உன் மாதிரி மிமிக்கெரி பண்ணிருக்கலாமே! ஏன் நம்ப இராம் கூட காலேஜ்ல உன்னமாதிரி பேசுவான் நியாபகமிருக்க? அந்த மாதிரி யாரோ பேசினத நீனு நம்பி தப்பு பண்ணிட்டேன். ஏற்கெனவே எனக்குள்ள இருந்த தாழ்வு மனப்பாண்மை உன் மேல கோவப்பட வச்சிடுச்சு.

இதெல்லாம் இப்போதான் புரியுது. நீ எப்பவும் சொல்ற மாதிரி எனக்கு சாமர்த்தியம் பத்தாதுடா. இந்த உலகத்துல சாமர்த்தியமில்லாதவங்களுக்கு இடமில்ல!

என்ன நினச்சு வருத்தப்படாதே! விக்ரம பாத்துக்கோ! அவன் என்ன மாதிரி இருக்கமாட்டான். வாழ்க்கை அவனுக்கு நிறைய கத்துக்கொடுத்திருக்கும். இனி அவனோட எதிர்காலத்துக்கு உன்னவிட சிறந்த வழிகாட்டி யாரும் இருக்கமுடியாது!

என் வாழ்வில் அனைத்தும் நீ தந்ததே! அதை காப்பாற்றி கொள்ளதெரியாமல் தொலைத்ததுதான் நான்! என்னை மன்னித்துவிடு!

என்றும் உன் நண்பன்,

விஜய்"

அந்த கடிதத்தை மடித்தவன், “இது ஏ.பி.க்கு விஜய்நந்தன் எழுதின கடைசி லெட்டர்” என்றான். “இதுல விஜய் தனக்கே தெரியாம ஒரு க்ளுவ குடுத்துட்டாரு.. இல்ல?” என்றான் அவனே தொடர்ந்து.

இராமசந்திரனின் முகம் வெளிறியிருந்தது. அவர் கைககளில் சிக்காமல் ஆட்டம் காட்டிய அதே கடிதம்.

கௌதம் திரும்பி சஞ்சையைப்பார்க்க அவன் தன் சட்டை பாக்கெட்டிலிருந்து எதையோ எடுத்து கௌதமிடம் நீட்டினான். அதை வாங்கி பிரித்த கௌதம் அதை இராமசந்திரன் முன் காட்டி இது என்னனு தெரியுதா?”என்றான்.

அது ஏ.பி.யின் டைரியிலிருந்து காணாமல் போயிருந்த பக்கம். “காண்டாக்ட் டிடெக்டிவ் ரெக்ஸ் – ரிகார்டிங் மாதவி” என்று குறித்திருந்தது அதில். இராமசந்திரன் அதைப்பார்த்த நொடியிலிருடந்து அதிகமாய் வியர்க்க துவங்கியிருந்தார். அடிக்கடி அவர் பார்வை மேகா மேல் படிந்து மீண்டது. அவள் எதையும் உணராமல் தரையை வெறித்தவண்ணம் அமர்ந்திருந்தாள்.

“இது எங்க இருந்தது தெரியுமா? ஹை கோர்ட்ல உங்களோட சாம்பர்ல” என்ற சஞ்சை, “அப்படியே இவங்கள தெரியுதானு பாருங்க..” என்று கூறி “சார்..” என்று அழைத்தான் வாயிலைப்பார்த்து.

இரு கான்ஸ்டெபில்கள் துணையோடு இருவர் உள்ளே நுழைந்தனர்.

“இவங்க உங்க கிளைன்ட்.. ட்ரங்க் அண்ட் ட்ரைவ் கேஸ்ல போன வாரம் நீங்க ஜாமின் வாங்கி குடுத்த டிரைவரும் அவரோட தம்பியும். திடீர்னு உடம்பு சரியில்லனு ரெண்டு நாளைக்கு முன்னாடி டாக்டரோட ஹாஸ்பிட்டல் அட்மிட் ஆயிருக்காங்க.. டெஸ்டெல்லாம் நார்மல் ஆனா தீராத நெஞ்சு வலி!” என்றான் சஞ்சை.

“இட்ஸ் ஓவர் மாமா!” என்றான் கௌதம்.

இராமசந்திரன் சட்டென எழுந்தார். கௌதமும் சஞ்சையும் ஒரு சேர எழுந்தனர். மெல்ல சிரித்தவர், “ஐ ஹாவ் டு யூஸ் த ரெஸ்ட் ரூம்” என்றார்.

“நீங்க சொல்ல வேண்டிய சில விளக்கங்கள் இருக்கு.. அத சொல்லிட்டு போலாமே” என்றான் கௌதம்.

“என்ன விளக்கம்?”

“மோட்டோ! ஏன் மாதவிய கொன்னிங்க? விஜய் மேல பழி போட்டிங்க?”

“இவ்வளவு பண்ண நீங்க.. அதையும் யூகிச்சிருப்பிங்களே.. சொல்லுங்க.. லெட் மீ சீ” என்றார்.

“ஹ்ம்ம்.. மாதவியோட அண்ணன் கேஸ்ல அறிமுகமான மாதவிக்கும் உங்களுக்கும் கேஸ தாண்டி தவறான உறவு. ஆரம்பத்துல இருந்த நன்றி உணர்வு நாளாக ஆக குறைஞ்சிருக்கும். மாதவி ஒரு நடிகை வேற. அவளோட தேவைகள் அதிகமாயிட்டே இருந்திருக்கும். அத பூர்த்தி செய்ய உங்களுக்கு பணம் தேவை. ஏ.பி.யில்லாத சமயம் விஜய் நந்தனோட அப்பாவித்தனத்த நீங்க பயன்படுத்திகிட்டிங்க.. சரிதானே” என்றான் கௌதம்.

“ரொம்ப ஈஸி கெஸ்தான் இல்லையா?” என்ற இராமசந்திரன் தொடர்ந்தார், “பணம் எடுத்த பழி விஜய் மேல விழும்னு நான் நிம்மதியா இருந்தப்போதான் ஏ.பி. சி.சி டிவி காமிரா பத்தி சொன்னான். அவன் அத பாக்கறதுக்குள்ள பிரட்சனைய திசை திருப்பவேண்டிய நிர்பந்தம். விஜய் ஏ.பி.யோட வீக்னெஸ்.. அவன் தப்பு பண்ணா மன்னிச்சுடுவான்.. அதே கருணைய எனக்கு காட்டிருப்பானானா சந்தேகம் தான்.. ஸோ மாதவி கிட்ட பேசி அவளுக்கு விஜய்க்கும் அஃபேர்னு ஏ.பி.ய நம்ப வைக்க டிராமா போட்டோம். ஏ.பி.யும் என்ன நம்பினான். அந்த கேப்ல நான் அந்த கேஸட்ஸ்ச எடுத்துட்டேன். விஜய் போய் கேஸட்ஸ தேடினது உண்மைதான் ஆனா அவனுக்கு முன்னடியே நா அத எடுத்துட்டேன். அவன் கேஸட்ஸ கானோம்னு எங்கிட்ட சொன்னப்போ ஏ.பி. தான் எடுத்து வச்சிருக்கான்னு அவன ஏத்திவிட்டேன். என்ன தான் ஏ.பி. என்ன நம்பினாலும் மாதவி உயிரோட இருக்குற வரைக்கும் என்னைக்கும் எனக்கு ஆபத்துனு தெரியும். ஏ.பி. சும்மா இருக்கற ஆளும் இல்ல.

ஸோ மாதவிய என்ன பண்ணலாம்னு நான் யோச்சுட்டிருக்கும் போதுதான் விஜய் எனக்கு ஃபோன் பண்ணான். அவனுக்கு மறைமுகமா மாதவி மேல கோவம் வரமாதிரி பேசினேன். அவள போயி ரெண்டு விட்டா ஒரு வேள உண்மைய சொல்லுவாளோ என்னவோனு இன் டேரக்ட்டா அவனுக்கு ஐடியா குடுத்தேன். எதுக்கும் இருக்கட்டிம்னு விஜய் வீட்ல இருந்து அவன் சட்டைய எடுக்கும் போதே நான் திருடிட்டு வந்த கத்தி அப்போ பயன்பட்டுச்சு. இரகசியமா மாதவி வீட்டுக்கு போயி விஜய் வரதுக்கு முன்னாடியே அவள கொன்னேன். எதிர்பார்த்த மாதிரியே பழி விஜய் மேல விழுந்துது. ஏ.பி. கோவமா இருக்கற மாதிரியே விஜய் கிட்ட பேசி அவங்கள முடிஞ்ச அளவு சந்திக்க விடாம பாதுக்கிட்டேன். கொழப்பத்த அதிகமாக்க தான் பாரதிக்கு தகவல் குடுத்தேன்.. ஆனா அவ அப்படி பண்ணிட்டா.. பட் அதுவும் வசதியா போச்சு. விஜய் அதுக்கபுறம் தானாவே யார்கிட்டயும் எதுவும் பேசல.. என் வேல ஈஸி ஆய்டுச்சு. ஏ.பி.கிட்ட அவன வெளிய கொண்டுவர முயற்சி பண்றதாவும் அவன் ஒத்துழைக்க மாட்டேங்கிறான்னும் சொன்னேன். விஜய் அவன பாக்க விரும்பல இன்னும் அவன் மேல கோபமா இருக்கான்னு சொன்னதுனால ஏ.பி. விஜய்ய மீட் பண்ண ட்ரை பண்ணல..” வருத்தமோ கோபமோ எதுவுமில்லாமல் சாதாரணமாக சொல்லிக்கொண்டிருந்தார் இராமசந்திரன்.

“எல்லாம் முடிஞ்சு அல்மோஸ்ட் அதையெல்லாம் மறந்தப்புறம் இத்தன வருஷம் கழிச்சு இந்த ஜெண்டில்மேன் வந்தான். இவன் மித்ராவ கல்யாணம் பண்ண வந்தப்போவே எனக்கு உறுத்தல்.. பட் அவனோட பாட்டி சொல்லி அவன் ஏ.பி. மேல தான் கோவமா இருக்கான்னு தெரிஞ்சு சும்மா இருந்தேன். பட் விஜய் இப்படி லெட்டர்லாம் எழுதுவான்னு நான் எதிர்பாக்கல. விக்ரம் ஏ.பி.ய மீட் பண்ணது எனக்கு தெரியாது. ஆனா அவன் வந்துட்டு போனப்புறம் ஒரு நாள் ஏ.பி. சாதாரணமா விஜய்ய பத்தியும் மாதவிய பத்தியும் பேசினான். அவன் என்ன ஆழம் பாக்கறான்னு எனக்கு தெரிஞ்சுது. அவனுக்கு தெரியாம கிடைச்ச ரெண்டு நிமிஷத்துல அவனோட ட்ராவ தேடினப்போ ஏ.பி.யோட லெட்டரும் அவன் டைரில மாதவி விஷயமா டிடெக்டிவ காண்டாக்ட் பண்றதுக்கு எழுதி வச்சிருந்ததும் கண்ல பட்டுது. அப்போ அத எடுத்தா அவனுக்கு சந்தேகம் வரும்னு அத அப்படியே வச்சிட்டேன். இயற்கையா அவன் செத்த மாதிரி தெரியனும்னு தான் அவனோட டாப்லெட்ஸ மாத்தினேன். டைஜாக்ஸீன் பாய்ஸனிங் நம்ப பாக்காததா?” என்றார் இடையில் கௌதமைப்பார்த்து. அவன் விரக்தியாய் சிரித்துக்கொண்டான்.

பின், அவரே தொடர்ந்தார். “அவன் செத்தப்புறம் நான் எதிர் பாத்த மாதிரியே இவன் ஹார்ட் அட்டாக்னு முடிச்சுட்டான். வில் படிக்க வந்தப்போ ஏ.பி. ரூம்க்கு போய் டேப்லெட்ஸ்ஸ எடுத்துட்டு மறுபடியும் நார்மல் டாப்லெட்ஸ வச்சுட்டு அந்த லெட்டர தேடினப்போ அத காணோம். அந்த டைரி பேஜ்ஜ மட்டும் கிழிச்சுட்டு லெட்டர அப்புறம் மத்த ரூம்ல தேடலாம்னு நினச்சேன். அதுக்குள்ள மித்ரா வந்துட்டா. எதேர்ச்சியா நீங்க பேசினத ரெஸ்டாரன்ட்ல கேட்டேன். அவளுக்கு சந்தேகம் வந்திருச்சுனு புரிஞ்சுது. அவ வீட்ல வேற தங்கியிருக்கானு தெரிஞ்சவுடனே அந்த லெட்டர அவளுக்கு முன்னாடி எடுத்துடனும்னு அவ ரூம்க்கு போனேன். அப்போதான் அந்த மீனா என்ன பாத்துட்டா. பாத்தத உடனே சொல்லியிருந்தா கதை அப்பொவே முடிஞ்சிருக்கும் ஆனா அவ எனக்கு ஃபோன் பண்ணி பேரம் பேசினா.

இதுக்கு நடுல மனோவ ஃபாலோ பண்ணதுல அவனும் அவன் ஃப்ரெண்டும் பார்ல பேசினத கேட்டேன். அவன் ஏதோ தப்பு பண்ணிருக்கான்னு புரிஞ்சுது. அந்த ஆக்ஸிடென்ட் பத்தியும் தெரிஞ்சுது. அந்த மீனா கேட்ட பணத்த தரேன்னு சொல்லி அவள பாக்க போனேன். அவள விட்டே மனோக்கு ஃபோன் பண்ணேன். ஆக்ஸிடென்ட் பத்தி சொன்னவுடனே வரேன்னு சொன்னான். அவன் வரதுக்குள்ள மீனாவ கொன்னுட்டேன். பழி மனோ மேல விழுந்துது. மனோ உள்ள இருந்தாலும் அந்த கதைய நீ நம்ப மாட்டேன்னு தெரியும். ஸோ மறுபடியும் அந்த லெட்டர் எடுக்க அடெம்ப்ட் பண்ணப்போ ராஜி என்ன பாத்துட்டா. பட் லக்கி பிட்ச்.. தப்பிச்சுட்டா. இதுல எனக்கு தெரியாம நடந்தது கீழ கிடந்த மாத்திரை, மீட் ஹிம்னு இருந்த அந்த டைரி குறிப்பு. இது ரெண்டையுமே நான் பாக்கல . அதையும் என் வீட்ல கிடைச்ச ஃபோட்டோவையும் வச்சு நீங்க என்னோட கடந்த காலத்த கண்டுபிடிச்சு அதுக்கு விளக்கம் கேட்டு எங்கிட்டயே வந்திங்க. நீங்க கொஞ்சம் லேட்டா வந்திருந்த இவன (அந்த ட்ரைவரை சுட்டி) நீங்க என் வீட்லயே பாத்திருப்பிங்க. நீங்க எங்கிட்ட பேசிட்டிருந்தப்போ வெளிய தான் நின்றுப்பான். ராஜி இருக்கறது டேஞ்சர்னு தான் இவனுங்கள அனுப்பினேன். பொதுவா ஆள் வச்சு செய்றது டேஞ்சரஸ்.. எனக்கு அது பிடிக்காது.. பட் கடைசி ரெண்டு தடவையும் என்ன யாராவது பாத்ததுல மறுபடியும் நானே போறது ரிஸ்க்னு தான் இவனுங்கள அனுப்சேன். பட் அதுவும் ஃப்லாப்” என்று நிறுத்தியவர், “டஸ் தட் ஆன்ஸர் ஆல் யுவர் கொஸ்டின்ஸ்?” என்றார் கேள்வியாக. ஏதோ பாடம் எடுத்து முடித்த ஆசிரியரைப்போல.

“பெர்ஃபெக்ட்லி!” என்றான் கௌதம் சாதாரணமாக.

“மாதவிய பத்தி எப்போ விசாரிச்சிங்க?” என்றார் அவனைப்பார்த்து.

“நீங்க ஃப்ளாஸ்பேக் சொன்னப்போதான் எனக்கு டௌட் ஆரம்பிச்சுது. உங்க கதைப்படி டாக்டர் மேல தான் சந்தேகம் வரனும். வந்துச்சு. பட் அதுல ஒரு விஷயம் இடிச்சுது. அவர் தான் மர்டரர்னா அவர் நிச்சயம் அவர் கொண்டுவந்து குடுத்த மாத்திரைல பாய்ஸன் வைக்க மாட்டாரு. அது நான் தான் கொன்னேன்னு பேப்பர்ல சொல்ற மாதிரி. அவ்ளோ முட்டாளா அவர் இருக்க மாட்டார் இல்லையா? அவர் இல்லைனா.. தட் லீவ்ஸ் ஒன்லி யூ! உங்க மேல சந்தேகப்பட காரணம்.. நீங்க விஜய்ய காப்பாத்த முடியலனு ரொம்ப ஃபீல் பண்ணிங்க. ஆனா அதுக்கான முயற்சியே நீங்க செய்யல. யுவர் ஸ்டேட்மென்ட் கான்ட்ராடிக்டட் யுவர் வேர்ட்ஸ்! நீங்க ட்ரை பண்ணிருந்த விஜய்ய காப்பத்திருக்கலாம்னு ஆஸ் அ லாயர் எனக்கு தெரியும். ஸோ அதான் ஃப்ர்ஸ்ட் டௌட். அதுக்கபுறம் இந்த டிரைவர்க்கும் உங்களுக்கும் உள்ள சம்பந்தம் தெரிஞ்சுது. உங்க பழைய கேஸ்சஸ் பத்தி விசாரிக்கறதும், உங்கள இங்க வரவச்சிட்டு உங்க சாம்பர சர்ச் பண்றதும் ஒண்ணும் பெரிய விஷமில்லயே!” என்றான் சாதாரணமாக.

ஆமோதிப்பாய் தன் தோளைக்குலுக்கினார் இராமசந்திரன்.

அங்கு நடந்த திருப்பங்கள் தந்த அதிர்ச்சியைவிட அவர்கள் இருவரும் வேறு ஏதோ ஒரு வழக்கைப்பற்றி உரையாடுவது போல சர்வசாதாரணமாக பேசிக்கொண்டிருந்தது மற்ற அனைவரையும் பிரம்மிக்கச்செய்தது.

இராமசந்திரன் மெல்ல எழுந்தார். பின் கௌதமைப்பார்த்து தன் கையை உட்புறம் காட்டி, “ஷால் ஐ?” என்றார்.

“ப்ளீஸ்..” என்று அவனும் அனுமதி வழங்கிவிட்டு சோஃபாவில் சாய்ந்து விட்டத்தை வெறித்தான்.

மேகாவின் அருகில் சென்ற இராமசந்திரன் ஒரு கரம் உயர்த்தி அவள் தலையை தொடப்போக அசைவு கண்டு மெல்ல நிமிர்ந்து அவரைப்பார்த்தாள் அவள். அவள் கண்களை கண்ட அவர் கரம் பாதியில் நின்றது. ஏதோ சொல்ல எத்தனித்த அவருக்கு வார்த்தை வரவில்லை. திரும்பி உட்புறம் நடந்தார். அங்கே வந்தபொழுது இருந்ததைவிட பல ஆண்டுகள் வயதாகிவிட்டது போல தளர்ந்துவிட்டிருந்தது அவர் நடை.

சஞ்சை கழிவறை நோக்கி செல்லும் இராமசந்திரனை ஒரு பார்வை பார்த்துவிட்டு சற்று பதட்டத்துடன் கௌதமை ஏறிட்டான். அவன் அமர்ந்திருந்த காட்சியைக்கண்டு சங்கடத்துடன் தன் நகங்களை கடிக்கத்துவங்கினான்.

முழுதாக ஒரு நிமிடம் கழித்து அங்கே சூழ்ந்திருந்த அச்சுருத்தும் அமைதியை கிழித்துக்கொண்டு கேட்டது துப்பாக்கியின் குண்டு பாயும் சத்தம்.

அனைவரும் அதிர்ந்து எழ கௌதம் நிதானமாய் எழுந்தான். அவன் முகம் உணர்ச்சிகள் துடைக்கப்பட்டிருந்தது. நடந்தது உரைத்து மேகா மயங்க மித்ரா விரைந்து சென்று அவளைத்தாங்கிக்கொண்டாள். தான் நின்ற இடத்திலிருந்து அவளை ஒரு பார்வை பார்த்த கௌதமிடமிருந்து ஒரு நீண்ட மூச்சு வெளிப்பட்டது. மெல்ல நடந்து சென்று மேகாவை மித்ராவிடமிருந்து தன் தோளில் மாற்றிக்கொண்டான். பின், சஞ்சையை அங்கிருக்குமாறு பணித்துவிட்டு மேகாவைத்தூக்கிக்கொண்டு தன் கார் நோக்கி நடந்தான்.

இராமசந்திரன் இறந்து ஒரு வாரம் ஆகியிருந்த்து. ஹாஸ்பிட்டலில் ராஜியின் அறையில் டாக்டர், கௌதம், சஞ்சை, மித்ரா, விக்ரம், மனோ அனைவரும் கூடியிருந்தனர்.

“மேகா எப்டி இருக்கா?” கவலையாய் கேட்டார் டாக்டர்.

“அப்டியே தான்.. பெரிய இம்ப்ரூவ்மென்ட் இன்னும் இல்ல.. எப்பவும் ஏதோ யோசனை.. தென் தலவலி.. ஸ்லீப்லெஸ்னெஸ்..” என்றான் கௌதம்.

“நான் வந்து பாக்கலாமா?” என்றாள் மித்ரா

“இப்போ வேண்டாம் மித்ரா.. அவ யாரையும் ஃபேஸ் பண்ண வெக்கப்படறா.. இட் அஃபெக்டெட் ஹெர் ஈகோ.. அவளையும் எல்லாரும் ஜட்ஜ் பண்ணுவாங்கனு பயப்படறா.. ‘கோர்ட்கே இன்னிமே நான் வரமுடியாதுல’னு கேக்கறா” என்றான் கௌதம் கவலையாக.

“கவலைப்படாதிங்க கௌதம்.. ஷீ வில் பீ ஆல்ரைட்.. மருந்த கண்டினியூ பண்ணுங்க.. ஒரு ஒன் வீக் கழிச்சு.. என்னோட ஃப்ரெண்ட் ஒரு சைக்கற்றிஸ்ட் இருக்கான்.. அவன் கிட்ட கவுஸ்லிங் கூடிட்டு போலாம்.. ஷீ வில் ஹீல்..” என்றார் டாக்டர்.

அவரையே பார்த்துக்கொண்டிருந்த விக்ரம் கேட்டான், “அன்னைக்கு ஏன் நீங்க நெர்வஸா இருந்திங்க?”

டாக்டர் கௌதமை பார்த்து சிரிக்க, அவன் சொன்னான், “நம்ப இன்வெஸ்டிகேட் பண்ண ஆரம்பிச்சது தெரிஞ்சு டாக்டருக்கு ஒரு கிஸ்டி காண்ஸியஸ் அட்டாப்ஸி பண்ணாம விட்டுட்டோமேனு.. அது மட்டுமில்லாம மனோ பண்ண ஆன்ஸிடென்ட் டாக்டருக்கு தெரியும்.. ஏ.பி. அத இவருகிட்ட மட்டும் தான் சொன்னாரு.. ட்ரீட்மென்ட் வந்தப்போ.. பட் அத இவரு நான் விசாரிச்சப்போ சொல்லல.. அதுவும் தெரிஞ்சிருக்குமோனு ஒரு பதட்டம்.. பட் கொலைப்பழியே போடுவேன்னு அவரே எதிர்ப்பாக்கல.. டைஜாக்ஸின் பத்தி கேள்விப்பட்டு நிஜமான ஷாக்” என்றான்

“அவன்(ஏ.பி.) தான் வெளிய தெரிய வேண்டாம்னு சொன்னான்.. அதுக்காக அந்த ஆக்ஸிடென்ட மறைக்கபோயி பிரட்சனை பெரிசாய்டுச்சோனு ஒரு பயம்.. ஆனா, இவரு போட்ட போடுல தலையே சுத்திடுச்சு” என்றார் கௌதமைக்காட்டி.

“சஞ்சை வர வரைக்கும் ஐ ஹாட் டூ பை இன் டைம்.. ஆல்ஸோ, இவரு மேல பழிப்போட்டா அவரு கொஞ்சம் ரிலாச்ஸாயி ஏதாவது வாய்விடுவாருனு ஒரு ஐடியா.. அதான்..” என்றான்.

“அவரு ஃப்ளாஸ்பேக் சொன்னப்போவே பாஸ்ஸோட செவெந்த் சென்ஸ்ல ஒரு நெருடல்!” என்று சஞ்சை ஆரம்பிக்க, “டேய்!” என்று அவனை கௌதம் அதட்ட அனைவருக்கும் அவன் சொன்னவிதம் சிரிப்பை வரவழைத்தது. “இருங்க பாஸ்! நீங்க சொல்லுங்க சஞ்சை!” என்றாள் மித்ரா. “ஹ்ம்.. எங்க விட்டேன்? யெஸ்.. பாஸ்க்கு சந்தேகம்.. அடுத்த நாள் ராஜிய கொல்ல அடுத்த அட்டெம்ப்ட்னு டாக்டர்கிட்ட இருந்து ஃபோன்.. விசாரிச்சதுல வெளியாளு உள்ள போயிருக்க சான்ஸ் இல்லனு தெரிஞ்சுது.. ஆனா.. டாக்டரோட பதட்டமும் முகமும் அவர் பொய் சொல்லலைனு தோணிச்சு..ஸோ.. ரீசன்டா அட்மிட் ஆன பேஷன்ட்ஸ பத்தி விசாரிச்சேன்.. அதுல தான் அந்த ட்ரைவரோட சேத்து ஒரு நாலு பேரு மேல சந்தேகம் வந்துச்சு.. விசாரிச்சதுல அந்த ட்ரைவர் தண்ணிய போட்டுட்டு வண்டிய ஓட்டி ஒரு ஆள காலிபண்ணிட்டு போன வாரம் தான் ஜாமின்ல வெளிய வந்திருக்கானு தெரிஞ்சுது.. அப்பியர் ஆனது இராமசந்திரன் சார்னும் தெரிஞ்சுது.. அதுக்கப்புறம் தான் அவரோட பழைய க்ளைன்ட்ஸ் பத்தி விசாரிச்சா மாதவி பத்தி ஏதாவது க்ளு கிடைக்கலாம்னு பாஸ்க்கு ஒரு ஸ்பார்க்.. இன்வெஸ்டிகேட் பண்ணோம்.. பழைய கேஸ் ஃபைல்ஸ் எல்லாம் அவரோட கோர்ட் சாம்பர்ல தான் இருக்கும்.. டே டைம்ல இவரு அங்க இருப்பாரு.. ஸோ.. அவரு இங்க இருக்கறபோ ப்ரேம்குமாரோட அங்க போயி தேடினேன்.. டைரியோட பேப்பர் கிடைச்சது போனஸ்!” என்று முடித்தான் சஞ்சை.

“இப்போ கூட அவனா அப்படினு நம்பமுடியல.. பட்.. வெல் டன்.. கௌதம்!” என்றார் டாக்டர், “யூ டூ சஞ்சை” என்று சேர்த்துச்சொன்னார் அவனைப்பார்த்து.

“தாங்க் யூ கௌதம்! தங்க்ஸ் ஃபார் எவ்ரிதிங்க்.. உங்களால தான் எங்க அப்பாவுக்கும் அவரோட ஃப்ரெண்டுக்கும் ஜஸ்டிஸ் கிடைச்சுது” என்றாள் மித்ரா.

“சொல்ல மறந்துட்டேனே! பாங்க் லாக்கர்ல விஜய் நந்தனோட லெட்டரோட ஏ.பி.யோட ஒரிஜினல் வில்லும் இருந்துது. அவரோட சொத்துக்கள் மித்ராவுக்கும் மனோவுக்கும் சரி பாதியாகவும், பிஸினஸ் முழுசா மித்ராவுக்கும் எழுதிருக்காரு. ஹீ ஹாஸ் ஆல்ஸொ லெஃப்ட் அ பிக் லெகேசி டூ ராஜி” என்றான் கௌதமன்.

“தாங்க்ஸ்” என்று மறுபடியும் சொன்னாள் மித்ரா.

அனைவரும் வெளியே வர விக்ரம் மனோவுடன் பேசிக்கொண்டு தள்ளி நடந்தான்.

கௌதம் சற்று தயங்கி மித்ராவிடம் சொன்னான், “மித்ரா.. ஹோப் யூ டோன்ட் மைன்ட் மீ சேயிங் திஸ்.. விக்ரம் பாவம்.. நீங்க அவர மன்னிக்கனும். உங்க அப்பாவும் அத தானே ஆசப்பட்டாரு?”

“யெஸ்! அப்பா மன்னிச்சுட்டாரு.. இன் ஃபாக்ட் நான் கூட மன்னிச்சுட்டேன்.. அவரு அப்பாவ பழிவாங்கனும்னு நினச்சத.. அவர ஹர்ட் பண்னத மன்னிச்சுட்டேன்.. பட் அதுக்காக என்ன முட்டாளாக்கினத மன்னிக்க முடியாது.. மன்னிச்சாலும் மறக்கமுடியாது!” என்றாள் தீவிரமாக. பின், “ஸாரி கௌதம்.. டோன்ட் டேக் மீ ராங்க்.. பட் இத மட்டும் என்ன கேக்காதிங்க” என்றாள் தணிவாக.

மெலிதாக புன்னகைத்து “டேக் கேர்” என்றுவிட்டு நடந்தான் கௌதமன்.

பின்னுரை:

ஃபேமிலி கோர்ட் வெளியே நின்றிருந்தான் கௌதமன். மதிய உணவிற்கு கோர்ட் கலைய மேகா வெண்ணிறத்தில் சாம்பல் வண்ணபூக்கள் போட்டிருந்த புடவையும் கருப்பு கோட்டுமாய் வெளியே வந்தாள். அறு மாதங்களுக்கு பின், அன்று தான் அவள் நீதிமன்றதிற்கு வந்திருந்தாள்.

கௌதமை கண்டு, “என்ன சார் இந்தப்பக்கம்?” என்றாள் கேலியாக.

“ப்ரீதா வரலையா?” என்றான் உள்ளே எட்டிப்பார்த்து.

அவள் முறைக்க இவன் சிரித்து, “லெட்ஸ் கோ அவுட் ஃபார் லன்ச்” என்றான்.

அவர்கள் சேர்ந்து நடக்க, எதிரே விக்ரம் வந்தான்.

“ஹலோ விக்ரம்” என்றான் கௌதம்

“என்ன இந்த பக்கம்” என்றாள் மேகா

“மித்ரா டிவோர்ஸ் ஃபைல் பண்ணிருக்கா” என்றான் சுருக்கமாக.

“ஓ! ஐ ஆம் சாரி.. எங்களுக்கு தெரியாது..” என்றான் கௌதம்

“இது ஓரளவு எதிர்பார்த்தது தான்.. நீங்க எங்க ரெண்டு பேருக்கும் ஃப்ரெண்ட்.. ஸோ உங்கள இன்வால்வ் பண்ண வேண்டாம்னு நினச்சிருப்பா.. அதுனால தான் நானும் உங்க கிட்ட வரல..” என்றான்

“என்ன பண்ண போறிங்க”

“நான் நிச்சயம் ஒத்துக்க மாட்டேன்.. எனக்கு நம்பிக்கை இருக்கு கௌதம்.. ஷி வில் அண்டர்ஸ்டான்ட் மீ ஒன் டே.. ஐ வில் வெய்ட்” என்றான் திடமாக.

“நிச்சயமா! அதுவும் சீக்கிரமாவே நடக்கும்.. கவலபாடாதிங்க.. ஆர் யூ கோயிங் பேக் டு ஸ்டேட்ஸ்?” என்றான் கௌதம்.

“இல்ல.. ஐ மூவ்ட் டு இண்டியா.. மறுபடியும் மொதல இருந்து அவள இம்ப்ரெஸ் பண்ற வேலை.. செகண்ட் இன்னிங்ஸ்!” என்று சிரித்தான்.

“தட்ஸ் த ஸ்பிரிட்!” அவன் தோளை தட்டி தானும் சிரித்தான் கௌதம்

“ஆல் த பெஸ்ட்!” என்று மேகா புன்னகைத்தாள்.

மித்ரா ரெஸிடென்ஸ்.

ராஜியை வீட்டிற்கு மாற்றி அவளை முழு நேரமும் கவனிக்க நர்ஸ் ஏற்பாடு செய்திருந்தாள் மித்ரா.

மனோ படிப்பை தொடர்ந்து கொண்டே மித்ராவோடு அலுவலகத்திற்கும் சென்றான். விக்ரம் பற்றி அவ்வப்போது பேசி வாங்கிகட்டிக்கொள்ளும் நேரம் தவிர அவனது மாற்றம் மித்ராவிற்கு திருப்தியாக இருந்தது. மித்ராவும் விக்ரமும் சேரவேண்டும் என்பதில் மனோவும் தீவிரமாக இருந்தான். அவள் செல்லும் இடங்களை விக்ரமிற்கு சொல்வது விக்ரமை நினைவூட்டும் விஷயங்களை மித்ரா பார்க்க செய்வது என்று அவனுடைய முயற்சிகள் தொடர்ந்தன.

எம்.எம் குரூப்ஸ் மித்ராவின் எல்லாமுமாகியது. அதன் வளர்ச்சி மட்டுமே அவள் குறிக்கோலாகியது.

மனோ உணவு மேஜையில் அமர்ந்து சாப்பிட்டுக்கொண்டுருக்க மதுரம் பரிமாறிக்கொண்டிருந்தார். மித்ரா காப்பர் சல்ஃபேட் வண்ணத்தில் இளம்பச்சை வண்ண கரையிட்ட சில்க் காட்டன் புடவையில் படியிறங்கினாள்.

“சாப்டியாக்கா?” அவளைப்பார்த்து புன்னகைத்து கேட்டான் மனோ.

“நான் சாப்டேன்.. யூ காரி ஆன்” என்றவள், “நான் ஆஃபீஸ் கிளம்புறேன் டா.. வரேன் மா” என்றுவிட்டு திரும்பி நடந்தாள்.

“ஈவ்னிங் சீக்கிரம் வருவியா?”

“இல்லடா.. ஒரு பிஸினஸ் டின்னர்.. அட் ஹையாட் ரீஜன்சி.. நீ ஃப்ரீனா வாயேன்”

“வில் ட்ரை”

மித்ரா திரும்பி நடக்க மனோ தன் அலைபேசியில் விக்ரமின் எண்ணை அழுத்தினான்.

மித்ராவின் கார் மித்ரா ரெஸிடென்ஸிலிருந்து புறப்பட்டு எம்.எம். குரூப்ஸ் அலுவலகம் நோக்கி விரைந்தது.

(முற்றும்)
Click to expand...