பொங்கும் இன்பம் எங்கும் பரவி....

வெற்றியும் தோல்வியும் வாழ்வின்
இருபக்கங்கள்... மாறி மாறி வரும்

மாறிடும் உலகில் மாறாது இருப்பது
மாறும் நிலையது...

மாற்றங்களை, ஏற்றங்களாக்கி, நீ
உன் நிலையை உயர்த்திக் காட்டு...

உன் வாழ்வு இருக்கட்டும் மற்றவருக்கு
ஒரு உதாரணமாய்...

உன் நண்பர்கள் ரணம் தீர்க்கும் மருந்தாய்
அவர் மனதுக்கு விருந்தாய்...

புது வருடம், வரும் வருடம் ஒரு முறை
புதிதாய் அதில் என்ன உண்டு??

புது மனிதனாய் நீ மாறு... அதில்தான்
அனைத்துமே உண்டு...

மாறிய உன்னைக் கண்டு, உன் வாழ்வும்
மாறிடும் வீறு கொண்டு...

முடியாது என்பதை மூலையில் வைத்து
முடியும் என்பதை மூளையில் தைத்திடு
விடியும் உலகம் உனக்கு... ஒளி கொண்டு

பொங்கும் இன்பம் எங்கும் பரவி
தங்கட்டும் எங்கெங்கும்...

புதிய மனிதனாய், மனிதம் கொண்டு,
புனிதன் ஆவாய்...

*************************************************************

பிறந்தது புத்தாண்டு
இறந்திடும் துன்பங்கள்
மறைந்திடும் சோகம்
கலைந்திடும் மேகம்
செழித்திடும் வாழ்வு.

இனிய இதயம் நிறைந்த, புத்தாண்டு நல்வாழ்த்துக்கள் என் வலை உலக நண்பர்கள் அனைவருக்கும்....

 

என் அன்பான அன்னையிடம் இருந்து முதல் பதிலும், வாழ்த்துக்கும் வந்ததில் மிக்க மகிழ்ச்சி எனக்கு...

உங்களுக்கும், தந்தைக்கும் என் இனிய புத்தாண்டு வாழ்த்துக்கள் விஜி மா.

 

மிக்க நன்றி Sublakshmi.

உங்கள் வருகைக்கும், வாழ்த்துக்களுக்கும்....

 

அன்புள்ள வேதா,

இனிய புத்தாண்டு வாழ்த்துக்கள்...

புதுவருஷத் தீர்மானம்???? ஒ... எடுத்தாச்சே....

இந்த வருஷம், இன்னைக்கு தொடங்கி... என் மனசறிஞ்சு யார் மனசையும் காயப்படுத்தக் கூடாது-ன்னு....

போன வருஷம் என்ன எடுத்தே-ன்னு நீங்க என்னைக் கேக்கக் கூடாது... நானும் உங்களை கேக்க மாட்டேன் சரியா???

நன்றி தோழி, உங்கள் வருகைக்கும், வரிகளுக்கும்

 

அன்புள்ள அன்னைக்கு,

புத்தாண்டாம் இந்நாளில், அன்னையின் அன்பும், ஆசியும் கிட்டியதில், மிக்க மகிழ்ச்சி எனக்கு....

நன்றி அன்னையே... உங்கள் அன்புக்கும், ஆசிகளுக்கும், அன்பான வரிகளுக்கும்