சில விண்மீன்களும் அவள் விழிகளும் .....

நடைபாதை அங்காடிகள் அவள் விருப்பம்
கிண்டல் தெறித்தபடி சுண்டுமவள் பேச்சோடு
சுண்டலும் சோளமும் சண்டையும் காதலுமாய்
சனியன்று அலையாடி ஓய்ந்து வருவழியில்
மணல் பரப்பிக் கடைவிரித்த ஆயாவிடம்
இனியும் கருப்பதற்கில்லை என்ற சட்டியில்
கொதிக்கும் வஸ்துவில் பொரித்த ஏதோவொன்று
சுளித்தாலும் பணமளித்து மகிழும் மடையன் நான்
சூடு பொறுக்காத முகபாவங்களோடு துள்ளல்
குவிந்த இதழூதி ஆற்றுமவள் குழந்தைமை
வெட்கமேயின்றி வழித்துண்ணும் அவள் திருப்தி
கரங்கோர்த்து தோள்சாய்ந்து பார்க்கும் பார்வையில்
வேண்டுமாயென்று வினாவுதல் போன்றே மின்னும்
மேலே சில விண்மீன்களும் அவள் விழிகளும் ....

Regards,

Pavithra

 

பாரதி பாரதி தான் !

உங்கள் பாராட்டிற்கு மிக்க நன்றி பெரியம்மா !

Thank you !

 

உங்கள் பின்னூட்டம் மிகுந்த மகிழ்ச்சியளிக்கிறது தோழி ! மிக்க நன்றி !