கல்யாணம் to காதல் !!

Caide · Sep 14, 2016

jaga3421 said: ↑

22 ஒரு காதலனின் டைரி

எனக்கு தெரிந்திருக்கவில்லை
என் உள்மனம்
ஏங்கிக்கொண்டிருந்தது..

எனக்கு தெரிந்திருக்கவில்லை
என் உயிர்
வெந்துகொண்டிருந்தது..

தீயின் மீது
காய்ந்துகொண்டிருக்கும் இரும்பு
ஏதுமற்றதாய் தான் தெரியும்..
அதன் மீது தண்ணீர் விழும் வரை..

என் உயிர் நிலை
உலர்ந்திருந்ததை
உணரவில்லை ..
நீ மழை நீராய்
விழும் வரை..

பஞ்சாங்கம் பார்த்து
பாக்கு வெற்றிலை மாற்றி
வாழை நட்டு
மாலை இட்டு
அம்மி மிதித்து
அருந்ததி பார்த்து
நடக்காமல்..
லவ்கீக விதிகளை மீறிகொண்டல்லவா
வந்தாய்..

சருகாய் காய்ந்திருந்த
என் உடலில் சிறகுகள் ..
வீடெனும் குப்பை மேடு
உன் வருகையினால்
அழகிய கூடாகிறது..

கண்களில் குறும்பு பேசுகிறாய்
இதழ்களில் மௌனம பேசுகிறாய்
கன்னங்களில் நாணம் பேசுகிறாய்
என்னை மட்டும் தவிக்கவிட்டு வீசுகிறாய் ..

நான் தவிக்கிறேன்
நீ தாகம் தீர்க்க வந்தவள்..
நான் சோர்ந்து கிடக்கிறேன்
நீ வேகம் சேர்க்க வந்தவள்..
நான் கண் மூடி கிடக்கிறேன்
நீ வண்ணம் சேர்க்க வந்தவள்..

எனக்கு விழுவது
பிடிக்காது..
உன்னை பார்த்த பின்பு தான்
விழுவதில் உள்ள சுகத்தை
உணர்ந்தேன்..

உன் புன்னகையில்
புண் பட்டு விழுந்தேன்
உன் கார் இமையின்
கண் பட்டு விழுந்தேன்
உன் கன்னக் குழியின்
கற்பனையில் கூட விழுந்தேன்
வாய் பேசாத வானதி பெண்ணே
உன்னிடம் சொல்லிகொல்லாமல்
உன் மீது காதலில் விழுந்தேன் ..

இதயம் எனக்காக துடிக்கிறது..
நானோ உனக்காக துடிக்கிறேன்..
உனக்கு புரியவில்லை, எனில்
என் இதயத்தில் நீ இல்லையா??
இல்லை உன்னிடம் சொல்லாமல்
என் இதயம் என்னை ஏமாற்றுகிறதா..
ஐயோ.. உன்னை போல கண்களால் பேச
எனக்கு தெரியவில்லையே..

நான் மொழியில் வல்லவன்
என்று பெருமை கொண்டிருந்தேன்
அந்த கர்வத்தை
உன் காலடியில் போட்டுவிட்டேன் ..
ஒத்துகொள்கிறேன் ,
என் காதலை
உன் காதிலே
வார்த்தைகளாய் சொல்ல
தெரியவில்லை ..

அமேசான் நதிக்கரையில்
அபூர்வமான ஒரு மரம்
தன்னையே உணவாய் உண்டு
தன் உயிரை வளர்த்துகொல்லுமாம் ..

என் காதலை நானே காதலித்து
அந்த காதலை வளர்க்கிறேன்
என் கனவுகளில் நானே உறங்கி
மேலும் கனவுகளை காண்கிறேன்
என் ஆசைகளை நானே தின்று
அந்த ஆசைகளை வளர்க்கிறேன் ..

வாசம் ஈர்த்ததால்
வரும் வண்டுகளை
வண்ணபூக்கள்
வேண்டாம் என்று ஒதுக்குவதில்லை..
நீ மட்டும் என்னை ஒதுக்கியது ஏன் ?

நான் கலங்கமானவன்
என்று நினைத்தாயா..
அதனால் தான் கலங்கவைக்கிறாயா ?

அளவை தாண்டி நிரப்பினால்
பாத்திரத்தின் நீர் வழிந்து விடும்
அதிகப்படியாக ஊதினால்
பலூனின் காற்று வெடித்து விடும்..

நான் அஞ்சி நடுங்குகிறேன் ,
இந்த காதலை மேலும் மேலும்
உள்ளே அடைத்து
என் இதயம் வெடித்து செத்துவிடுவேனோ ..

காதலை உன்னிடம்
சொல்லாமல் இல்லை..
நீ தான் கவனிக்க மறுக்கிறாய்..

காலையில் நீ எழும் முன்பு
கதிரவன் எழுந்துவிடுவான்..
ஜன்னல் வழி கைநீட்டி
உன்னை கண்ணை தொட்டு எழுப்பும் முன்
கதவை அடைத்து
உன் தூக்கத்தை காப்பாற்றினேன் ..

கண் கசக்கி
கை உயர்த்தி
உடல் முறுக்கி
எழுந்து உட்கார்ந்து
அனிச்சையாய் உன் வலது கை
காபி கோப்பை தேடும்..
காபியின் மேல் பரப்பில்
இதய பிம்பத்தை
நுரையில் வரைந்து வைப்பேன்..
இமை கூட திறக்காமல்
குடித்து விட்டு எழுந்து செல்வாய்..

அதிகாலை தலைகுளித்து
அழகாய் அல்லிமுடிந்து,
சேலை அணிந்து கொள்வாய்..
உன் சேலை நிறத்தில்
ஸ்டிக்கர் போட்டி தேடி பிடித்து
கண்ணாடியில் ஓட்டி வைப்பேன்..
நீ கண்டுகொள்ளாமல் சென்றுவிடுவாய்..

ஆசைகளை என்னிடம்
வைத்துக்கொண்டு
தோசைகளை மட்டுமே
உன்னிடம் தருகிறேன்..
உணவை மட்டும்
பிரமாதமாய் செய்துவிட்டு
கனவை என்னுள்ளே வைத்து
கொள்கிறேன்.. கொல்கிறேன் ..

காற்றிடம்
கடல் அலையிடம்
உன்னை காதலிப்பதாய் சொன்னேன்..
காற்று ஆர்ப்பாரித்தது..
கடல் அச்சதை தூவியது..
நீ மட்டும் மெளனம் காப்பதேன்..

என்னிடமும் தவறு உண்டு தான்..
உன்னை பார்த்துவிட்டால்,
அடி தொண்டையில் இருந்து
நுனி நாக்கு வரை
நாணம், ஏணி வைத்து
ஏறி நிற்கிறது..

ஒரே வீட்டில்
இருவரும் இருவராகவே
இருக்கிறோமே..
காதல் தேவதை
நம்மை மன்னிக்குமா..??

என் ஆசைகள் என்ன தெரியுமா..??
என் ஏக்கங்கள் என்ன புரியுமா..??
சொல்கிறேன் கேள்..

விடிகாலை
இருண்டிருக்கும் நேரம்
விழித்த பின்பு கூட
நான் சுருண்டிருப்பேன்.
நீ கட்டி அனைத்து எழுப்பினால் தான்
கண்விழிப்பேன்.

நேரம் ஆனதும்
குளிக்க போகச்சொல்லி
தள்ளி விடுவாய்..
அப்புறம் அப்புறம் என்று சொல்லிவிட்டு
நீ உள்ளே போகும்போது
நானும் வருவேன் என
அடம்பிடிப்பேன்..

இளம் பச்சை நிறத்தில்
இரண்டு கோப்பைகள் எடுத்து
இஞ்சி ஏலம் கிள்ளி
நெஞ்சை அல்லும் தேநீர் போட்டு
நீட்டுவாய்..
எனது கோப்பையை வைத்து விட்டு
உனது கோப்பையின் பாதியை அருந்துவேன்..
தேநீர் அப்பொழுது தேனீ நீராய் இருக்கும்..

வண்டியில் அழைத்துகொண்டு
வெளியே செல்லும்பொழுது
இல்லாத வேகத்தடைகளை
நானே உருவாக்குவேன்..
புரிந்து கொண்டு நீ
கோபமான வார்த்தைகளை வீசி
முதுகில் குத்தினாலும்,
கண்ணாடியில் உன் வெட்கத்தை பார்த்து
ரசிப்பேன் ..

மழை வரும் காலத்தில்
குடைகளை ஒளித்துவைப்பேன்..
ஒதுங்குவதற்கு இடம் இருந்தாலும்
உன்னையும் இழுத்துக்கொண்டு நனைவேன்..

உன் சமையல்
ஒவ்வொன்றிலும் குறை சொல்வேன்..
உன் விரலால் ஊட்டிவிட்டால் தான்
உப்பிருக்கும் என்று
கருத்து சொல்வேன்..

நிமிடத்திற்க்கொருமுறை உன்னை அணைப்பேன்..
உடனுக்குடன் முத்தம் கேட்பேன்..
இப்பொழுது தான் தந்தேன் என்பாய்..
'அது போன நிமிஷம், இது இந்த நிமிஷம்'
என்று புன்னகைப்பேன்...

நீ நினைத்தாலே
நான் புரிந்துகொள்வேன்..
நீ யோசித்தாலே
நான் உணர்ந்துகொல்வேன்..
உன் தயக்கங்கள்
என்னிடம் செல்லா காசுகள்..
உன் மீது கொண்ட
மயக்கங்கள் மாறாத நிரந்தரங்கள்..

சராசரி மனிதனின்
ஆயுட்காலம் அறுபது வருடமாம்..
அந்த அறிவியல் உண்மையை
நினைத்து வருத்தபடுகிறேன்
உன்னோடு வாழ
அறுபதாயிரம் வருடங்கள் வேண்டுகிறேன்..

ஆனால்..
அத்தனை நாட்களும்
இன்றைய நாள் போல
கனவில் மட்டும் தான்
காதலிக்க முடியும் என்றால்.....
ஹ்ம்ம்.. சந்தோசமாக எற்றுகொல்வேன்...

வானதி அந்த டைரியை மூடி வைத்தாள்.. அவள் கண்களில் அனிச்சையாய் கண்ணீர் அருவியாய் பொங்கி வீழ்ந்துகொண்டிருந்தது.. அடுத்த நிமிடமே அருள்மொழியை பார்க்க அவள் மனம் தவித்தது.. அருள்மொழி தான் வானதி நினைத்தாலே புரிந்து கொள்பவன் ஆயிற்றே..

வீட்டின் உள்ளிருந்து வசந்தியின் குரல் பலமாய் கேட்டது, " அடடே.. வாங்க தம்பி தம்பி வாங்க.. வானதி... இங்க வா மா.. யார் வந்திருக்கா பாரு..."

கண்களை துடைத்து கொண்டு, எழுந்து வெளியே வந்தா வானதிக்கு ஆச்சரியமான அதிர்ச்சி தரும் வகையல், அருள்மொழி நின்றுகொண்டிருந்தான்..

( அடுத்த பகுதியில் முடியும் .. ):cheers
Click to expand...

sama kavidhai loved it

Caide · Sep 14, 2016

lovely story samaya irunthuchi kadathuran pervalinu etha ethayo imagine pana vachi kadasila bulb kuduthutinga hmm ena pandrathu imagine pandruka kudathu, aprm love ore nerathula rendu iruka kudathu sonathu nice .... poems ellame super .... climax konjam extend panirukalamla next day or next yr nu oru episode dabakunu heroine ipdi oditangaley.....

jaga3421 · Feb 13, 2017

தமிழ் ஆர்வலர் அனைவருக்கு காதலர் தின வாழ்த்துக்கள்

Rajeni · Feb 14, 2017

jaga3421 said: ↑

தமிழ் ஆர்வலர் அனைவருக்கு காதலர் தின வாழ்த்துக்கள்
Click to expand...

Romba Naala ungala IL pakkam kaanom pola iruke?! Thondarndhu ezhudhungal!

ritz1 · Feb 19, 2017

Lovely story. Came to this section to read rajeni's mitra maalikai and thought of giving ur story a try by reading its title. I am a tamilian but raised in another state so reading tamil is difficult for me. I started reading and I was hooked on it. I never read peotries. Basically I am not interested in it. but ur poetries are amazing.

RanjiniShiva · Mar 6, 2017

Hi Jaga,
It was an awesome story
Enjoyed reading throughout.. Arul-Vaanathi jodi is cute..
18th epi romance scene romba arumaiya elimaiya athe samayam padippavar mugam sulikkathavaru sonnathu nalla irunthathu.
Oru kadhalanin diary naan thirumba thirumba paditha ondru.
Thanks a lot for such a nice story Jaga

Psurya · Feb 6, 2018

It's really a good and beautiful story.. enjoyed reading it. Thanks for the nice story..

sujamakil · Sep 3, 2018

mahesaran said: ↑

நான் அஞ்சி நடுங்குகிறேன் ,
இந்த காதலை மேலும் மேலும்
உள்ளே அடைத்து
என் இதயம் வெடித்து செத்துவிட
எனக்கு இந்த வரிகள் ரொம்ப பிடிசிருக்கு. நீங்க கதை நல்லா எழுதுவீங்கன்னு ரொம்ப நல்லா தெரியும், ஆனா கவிதை இவ்வள்ளவு நல்லா எழுதுவீங்கன்னு நான் எதிர்ப்பார்கவேயில்லை வாழ்த்துக்கள்.:thumbsup
Click to expand...

mahesaran said: ↑

நான் அஞ்சி நடுங்குகிறேன் ,
இந்த காதலை மேலும் மேலும்
உள்ளே அடைத்து
என் இதயம் வெடித்து செத்துவிடுவேனோ ..
Bro this is Awsom. I can't express how much I love it and I don't know how to express my feelings for those lines and really loved it. Thank you dear friend for the Kavithai..
Click to expand...