எது சுகம் ?

சுகங்கள் எதுவென்று அறியாத மானுடர்காள் !
சுவை குன்றா உணவிலில்லை- அதனைப்
பசித்தோருடன் சேர்ந்துப் புசித்தல் சுகமே !
சேர்க்கும் செல்வமில்லை- சேர்ந்த சுற்றத்தில்
சோர்ந்து வீழ்ந்தவர்க்குப் பகிர்ந்தளித்தல் சுகமே !
அடையும் வெற்றியில்லை - துவண்டு போகாமல்
தோல்வியினை ஏற்று மீண்டிடுதல் சுகமே !
கற்ற கல்வியில்லை - கற்றதைக் கொண்டு
மற்றவர்க்கு நன்மை செய்தல் சுகமே !
பெற்ற பிள்ளையில்லை- பண்போடு வளர்த்தெடுத்து
அற்றவர்க்கவர் உதவச் செய்தல் சுகமே !
தேகமெரியும் போதோ,மண்ணோடு மக்கும்போதோ
ஊராரழுதால் வாழ்ந்த வாழ்க்கை சுகம் !
போகும்போதில் அவர்கள் புன்னகைப் பூத்திட்டால்
வேகாத கட்டையதன் வாழ்க்கையே பெருஞ்சோகம் !
சுகமாயிருப்பதாக சுய தம்பட்டம் சொல்லும்
பாக்கியசாலிகளே - சற்றே சுகம் எதுவென்று
சிந்தனை செய்யுங்கள் ,கிடைக்கும் பதிலாலே
உங்களை நீங்களே மதிப்பீடும் செய்யுங்கள் !

Regards,

Pavithra

 

நன்றி தோழி ! உங்கள் கருத்து மிக அழகு !

 

"ஈதல் இசை பட வாழ்தல் அதுவல்லது
ஊதியம் இல்லை உயிர்க்கு " ---- இல்லையா ? உங்கள் பாராட்டிற்கு மிக்க நன்றி, காயத்ரி !