உள்ளபடி உள்ளவர் யார் ?

விலாசம் அற்றவர்களின் விசால மனம்
பல சமயம் வில்லாக்களில் வசிப்போர்க்கில்லை !
மழைக்கொதுங்க இடங் கொடாத மாடிகளில்
அடைப்பிட்டக் கதவுக் கம்பிகளின் பின்
குளிரூட்டிய நான்கு சுவற்றுக்குள் வாழ்வதைப்
பெருஞ்சுகம் என்று என்னும் மூடர்களுக்கில்லை !
ஒருவேளைச் சோற்றுக்குப் பலவாறு துயருற்றும்
பசியென்று வந்த யாரோ ஒருவருக்கு
மனமாரச் சோறிடும் ஓலைக் குடிசைகளில்
ஒண்டி வாழ்பவருக் கிருக்கும் கருணையிலே
ஒரு சிறிதும் மேற்சொன்ன மேல்வகுப்பிற்கில்லை !
இப்படியிருக்க அவர்கள் உள்ளவர் என்றும்
நல்ல உள்ளத்தார் ஏதும் இல்லாதவரென்றும்
வகுக்கப்பட்டிருக்கும் பொருளாதார விதிகளைக் சற்றே
சிந்தனை செய்தபடி சிரித்துக் கொள்கிறேன் !
விந்தையை ஏற்க மறுக்கும் நெஞ்சின்
வேதனைகளை உள்ளே மூடி வைக்கிறேன் !

Regards,

Pavithra

 

நன்றி லக்ஷ்மி ! எனக்கும் அந்தப் பாடல் பிடிக்கும்.

 

மீண்டும் இப்பாடலைக் கேட்டு இரசித்தேன்

 

நல்ல வரிகள் !
அப்பாக்கள் எல்லோருமே பெண் குழந்தைகளோடு தத்துவம் பேசுகிறார்கள், அவள் புரிந்து கொள்வாள்,பரிந்து நடப்பாள் என்ற நம்பிக்கை போலும் ! என் தந்தையின் தத்துவ முத்துக்கள் இன்னும் என் செவிகளில் ஒலித்தபடியே இருக்கின்றன.....

 

படித்துப் பின்னூட்டம் அளித்தமைக்கு நன்றி ! ஒளவையின் வாக்கே என் கருத்தும் !

 

நன்று சொன்னீர்கள், பெரியம்மா !
அன்பிலார் எல்லாம் தமக்குரியர்- அன்புடையார்
என்பும் உரியர் பிறர்க்கு.