அழுக்கு மறைந்தது!

எப்போதும் பக்கத்து வீட்டில் நடப்பதை நோக்கி,
தப்பாது குறையே சொல்வாள், ஒரு பெண்ணரசி.

தேடிக் குறைகள் காண, தினம் சலிக்காது அவள்,
மூடிய தன் கண்ணாடி ஜன்னல் வழியே பார்ப்பாள்!

உலர்த்திய துணிகளை, பக்கத்து வீட்டில் பார்த்து,
உல்லாசமாய் குதிப்பாள், அழுக்காக இருப்பதால்!

தன் கணவனிடம் இதையே சொல்லிச் சொல்லி,
தன் சலவையே சிறப்பான சலவை என்றிடுவாள்.

எப்படியேனும் அந்த வீட்டிற்கு சென்று, ஒருமுறை,
எப்படியேனும் தன் சலவை பற்றிப் பெருமைப்பட

வேண்டும் என்று, தினம் தன் மனத்தில் நினைத்து,
வேண்டினாள், அதற்கென நல்லதொரு சந்தர்ப்பம்.

இரண்டு நாள் அன்னையின் இல்லம் சென்று, ஒரு
பிறந்த நாள் கொண்டாட்டம் நன்கு முடித்த பின்,

திரும்பிய நாள் கண்டாள், பக்கத்து வீட்டில், தான்
விரும்பிய நல்ல சுத்தம், உலர்த்திய ஆடைகளில்!

அதிசயமாக இதைத் தன் கணவனிடம் சொல்லி,
அதிவேகமாக அந்தப் பெண் சலவை கற்றாளென,

தன் கண்டுபிடிப்பைக் கூற, அவன் பதிலளித்தான்,
'என் ஓய்வு நேரம், நம் ஜன்னலைத் துடைத்தேன்!'

:biglaugh . . :biglaugh

 

Thank you for the apt piture

and nice comment, dear Sunitha! :cheers

 

Thank you dear Sree.

Glad to note you like this post! R R :cheers

 

Thank you SaiKripa.

Please read my other blogs.

Hope you will enjoy them too!

Raji Ram

 

Dear Tulips,

Thanks for your encouraging feed back!

Acts like a TONIC :cheers

Raji Ram :thumbsup