அல்ப ஆசை!

rajiram · Aug 8, 2012

என்னவர், கூடைப் பந்து விளையாட்டிலே
தன்னிகர் இல்லாதவர், தம் இளமையிலே!

இசையில் மட்டும் ஈடுபாடு கொண்டதால்,
இசை அன்றி நான் வேறேதும் அறியேன்!

எனக்கும் அல்ப ஆசை உண்டு; என்றேனும்
எனக்கும் கூடையில் பந்து இட வேண்டும்!

இன்று கணினி நிறைவேற்றியது; எப்படி?
இன்று Google Home page திறந்தவுடன், ஒரு

சின்னப் படத்தில், விரும்பிய விளையாட்டு!
சின்னச் சின்னக் 'கிளிக்'குகள் செய்தவுடன்,

பந்து கூடைக்கருகில் செல்கிறது; சரியாகப்
பந்து கூடையில் விழ ஒரு காலக் கணக்கு!

தாளம் கற்றுத் தந்த இசைதான் உதவியது!
தாளம் தப்பாது நான் செய்த 'கிளிக்'குகளே

அழகாய்ப் பந்தைக் கூடையில் இடுகிறதே!
பழகிய ஆட்டம்போல உள்ளம் மகிழ்கிறதே!

:yes: . . . :goodidea: