1. Have an Interesting Snippet to Share : Click Here
    Dismiss Notice

இதுவன்றி அதுவில்லை !

Discussion in 'Regional Poetry' started by PavithraS, Jul 10, 2018.

  1. PavithraS

    PavithraS Platinum IL'ite

    Messages:
    2,048
    Likes Received:
    4,129
    Trophy Points:
    290
    Gender:
    Female
    தாய்க்குப் பாலுண்டு தாய்மைக்குப் பாலில்லை !
    சேய்க்குத் தாலாட்டும் தந்தைக்கு சூலில்லை !
    நோய்க்கு மருந்தொன்று அன்புக்கு மேலில்லை !
    வாய்மைக்கு நிகரெந்த ஆயுதமும் வலுவில்லை !

    வாடும் பயிர்க்கெல்லாம் நீரின்றி உயிரில்லை !
    தேடும் பொருளுக்கும் பகிர்வின்றி உயர்வில்லை !
    கேடில் குணத்தாலே வருமின்பம் அயர்வில்லை !
    கூடி வாழாமல் தனித்திருத்தல் இயல்பில்லை !

    நாட்ட மெதன்மீதும் மிகவாதல் சரியில்லை !
    ஆட்டம் அகம்பாவம் கைக்கோடல் உரித்தில்லை !
    ஈட்டும் பொன்பொருளால் நிம்மதி பெரிதில்லை !
    பூட்டி வைக்காமல் பகிர்ந்துண்பார் மரிப்பதில்லை !

    ஊக்கம் குறையாமல் முயற்சித்தால் பிழையில்லை !
    ஆக்கம் எதிர்மறையாய் இருப்பின் அழகில்லை !
    ஏக்கம் எதிர்ப்பார்ப்பு வாழ்க்கைக்கு வழியில்லை !
    தேக்கம் கொள்ளாமல் செயலாற்றின் பழியில்லை !

    அடக்கம் இல்லாத அஞ்சாமைத் துணிவில்லை !
    முடக்கம் மனத்துள்ளே உண்டாகில் அணியில்லை !
    கடக்கும் அனுபவத்தாலுறும் பாடம் பிணியில்லை !
    நடக்கு மெல்லாம் நலமென்றுணர வினையில்லை !

    நேர்மைக் கடைப்பிடிக்க வாழ்வில் கறையில்லை !
    சேர்க்கை சரியின்றேல் விளைவால் நிறையில்லை !
    நீர்மை மாறாமல் உறவாடல் குறையில்லை !
    தீர்வைத் தெளிந்திடிலோ தடைகள் சிறையில்லை ! :)

    Regards,

    Pavithra
     
    jskls, periamma, vaidehi71 and 3 others like this.
  2. periamma

    periamma IL Hall of Fame

    Messages:
    9,237
    Likes Received:
    20,465
    Trophy Points:
    470
    Gender:
    Female
    @PavithraS
    ஆஹா! இல்லை என்ற சொல் எடுத்து
    கோர்த்து எடுத்த கவிதை மாலை
    என்றும் வாடாது வசங்காது
    மணம் வீசும் அரியதோர் மாலை
     
  3. PavithraS

    PavithraS Platinum IL'ite

    Messages:
    2,048
    Likes Received:
    4,129
    Trophy Points:
    290
    Gender:
    Female
    இல்லையெனாது பின்னூட்டமளித்து ஊக்குவிக்கும் உங்கள் அன்பிற்கு மிகவும் நன்றி, பெரியம்மா !:)
     

Share This Page