குழந்தைக் கனவு

அழகான தோற்றமும் ஆலிலை வயிறும்
அன்பான குணமும் கொண்டவள் என்று
மணம் ஆன புதிதில் அவ்வப்போதும்
பின் சற்றே அரிதாயும் அவர் சொன்னதுண்டு.

வருடங்கள் மூன்று கரைந்தோடிச் சென்றும்
ஒரு குழந்தை இன்னும் வராததைக் கண்டு
நான் கேட்டவையும் பட்டவையும் இன்னும்
எனை தேள் போலே கொட்டுவதும் உண்டு.

என்னுடைய மணிவயிறை நானும் தொட்டு
ஏக்கமுடன் இருந்தது நினைவில் வருவதுண்டு.
என் வயிறு திறக்காதா? எனக்கொன்று பிறக்காதா?
என்றெல்லாம் அரற்றியதும் மறக்காது என்றும்.

என் முயற்சியாலே இனி ஆவது ஒன்றுமில்லை!
என நானுணர்ந்து கண்ணா! உனை மிகவும் வேண்டி,
எனக்கென்று ஓர் குழந்தை விரைவில் அருள்வாய்!
என இறைஞ்சி நிற்கையிலே என் மனம் ஒன்றி

நீயே என் குழந்தையாகப் பிறந்தது போலே
அதிகாலைக் கனவொன்று கண்டேன் இன்று!
புது வெள்ளம் மடையுடைத்துப் பாய்ந்தாற் போலே
ஒரு இன்பம் என்னுள் பரவிப் பொங்குது நன்று!

 

Thanks for your appreciation Catgol. Happy to receive a first from you. I am but a male. -rgs

 

Thanks SuganyaRangasam, for your appreciation. Happy to receive it. -rgs

 

Thanks a lot Uma, for your appreciation. Happy to receive a first from you. -rgs

 

Thanks a lot Meera, for your appreciation. Happy to receive a first from you. -rgs