திருவானைக்கா

கா வீற்றிருக்கும் அன்னையையே
கோ முதல் பலரும் வணங்கிடுவர்.
ஆ முதலான விலங்கினமும்
கைம்மாவும் கூடப் பணிந்திடுமே!

அப்பனும் இனிதே உறைகின்றான்
அப்புத் தலமாம் அவ்விடத்தில்!
அப்புறம் எனும் சொல் சொல்லாது
அப்பொழுதே வழங்கும் அத்திருத்தலத்தில்.

மாவிலங்குகளிலே ஒன்றான
ஆனையும் முன்பே தினந்தோறும்
மாதவனின் தங்கை பதியான
ஈசனை நீராட்டிப் பணிந்ததுவாம்.

சீலம் நிறைந்ததோர் நற்செயலை
சிலந்தியும் கூடச் செய்தாலும்,
சீர் பலவும் பெற்றுச சிறந்ததனை
செங்கணானின் மூலம் ஊரறியும்.

அன்னை அணிந்த நற்தாடங்கம்,
திருமணத் தடையைப் போக்கிடுமே!
அன்னையின் எழில் கொஞ்சும் முகமோ
நம் கவலையை அறவே நீக்கிடுமே!

குறிப்பு:
1 . கா - சோலை [திருவானைக்கா] 2 . கோ - அரசன் 3 . ஆ - பசு 4 . கைம்மா - யானை
5 . அப்பன் - ஜம்புலிங்கேஸ்வரர் 6 . அப்புத் தலம் - பஞ்சபூதத் தலங்களுள் இது நீர்த் தலம்.
7 . சிலந்தி, செங்கணான் - சிலந்தியே, சிவலிங்கத்தின் மேல் வெயிலும், குப்பையும் படாது வலை கட்டியதால், மறுபிறப்பில் செங்கணான் எனும் சோழ வேந்தனாகப் பிறந்தது. இந்த அரசனே முதன்முதலில் திருவானைக்காவல் கோயிலைக் கட்டியதாக வரலாறு.
8 . தாடங்கம் - காதணி. ஆதிசங்கரர் இதை பிரதிஷ்டை செய்ததாகக் கூறுவர். இதை தரிசித்தால் திருமணத் தடை நீங்கும் என்பது ஒரு நம்பிக்கை.
-ஸ்ரீ

 

Thanks for your appreciation Sadhana. -rgs

 

Thanks for your appreciation KKMalar. Wrote a few like this long back. Happy to see that it is well received. -rgs

 

Thanks a lot Prana. Very happy to see that your works are published in Sangap Palagai as well. Congratulations! -rgs

 

Very many thanks to Vasupradha and ShruthiSP for liking this post. -rgs

 

Thanks again, for your nice feedback and continuous motivation Bhargavi. -rgs